Modimo o Makiye Legedimo le Lefase

Jehova Modimo ke yene a re Makiyeng. O makiye dilo ka moka, tsa gore re kgona go di bona le tsa gore a re kgone go di bona. Mo a soko maka dilo tsa gore re kgona go di bona, o thomme ka go maka mangeloyi ya go tlala. Ayitsano wa tšiba gore mangeloyi ke bomang? Mangeloyi ke batho ba gore Jehova o ba makiye go tshwana naye. A re kgone go ma bona, go fo tshwana le mo re sa kgone go bona Modimo. Lengeloyi la mathomo lo Jehova a le makiyeng le yye la mo gelepa. Lengeloyi lone le gelepiye Jehova mo a maka dinanedi, dipolanete le dilo tse dingwana ka mokana ga tsona. Ye nngwana ya dipolanete tsone ke lefase, go leng legaye la rune la go bafala.

Ke mokane Jehova a lukiselela lefase gore diphoolwane le batho ba tle ba phele ga lona. O makiye letšatši gore le khanyise lefase. O makiye dithaba, mawatle le dinoka.

Ka nthago go makegiye ying? Jehova o yitseri: ‘Ke nyoko maka mabyang, dimilane le mehlare.’ Diyengwa, merogo le mabhlomu ya go tlala ya mehlobohlobo di yye dya thomisa go gola. Ke mokane Jehova o makiye diphoolwane ka moka—diphoolwane tsa go phurrwa, tsa go phela teng ga meetši, le tsa go gogoba ka dimpa. O makiye tse dinyana, tsa go tshwana le memmutla, le tse dikgolo, tsa go tshwana le ditlowu. Wene o kwana le phoolwane yifeng ka matla?

Ke mokane Jehova a re ga lengeloyi lela la mathomo: “Tla re make motho.” Batho ne ba sa tshwane le diphoolwane. Ne ba nyoko kgona go maka dilo. Ba kgona go bolabola, go tshega le go rapela. Ba boya ba pasopa lefase le diphoolwane. Ayitsano wa tšiba gore motho wa mathomo ne go le mang? Tla re boneneng.