Diyabolo o Liketsa Jeso

Ka nthago ga gore Jeso a kolobetsiwe, moya wa go hlawolega wo yye wa mo yetetsa gore a ye mašahleng. O fetsiye 40 ya matšatši a sa ji selo, byalo o yye a kwa tlala ka matla. Ke mokane Diyabolo a šutela gore a tle a liketse Jeso, a re gage: ‘Mo nkare ke wene Morwayi wa Modimo, botsa matlapa yawa ma tšhentšhe ma be dikgwa.’ Mara Jeso o yye a mo fetola a berekisa mangwalo a re: ‘Go ngwadiwwe gore o ka sa phele ka tsa go ja fela. Di nyaka o theetsele lentsu le lengwana le le lengwana lo Jehova a le hlayang.’

Ka nthago, Diyabolo o yye a liketsa Jeso fote a re: ‘Mo nkare ke wene Morwayi wa Modimo, tilahlele fase o le gedimo ga tempele. Go ngwadiwwe gore Modimo o nyoko romela mangeloyi yage gore ma go kabe.’ Mara Jeso o yye a mo fetola a berekisa mangwalo fote, a re: ‘Go ngwadiwwe gore o sa liketse Jehova.’

Ke mokane, Sathane o yye a šupetsa Jeso memmušo ka mokana ga yona ya lefase lowa le go gadima ga yona a re: ‘Ke nyoko go neya memmušo yowa ka mokana ga yona le go gadima ga yona mo o ka fo nrapela ga teya.’ Mara Jeso a re gage: ‘Tloga howa wene Sathane! Go ngwadiwwe gore di nyaka o rapele Jehova a ntoši.’

Diyabolo o yye a tloga gage, ke mokane mangeloyi ma tla ma neya Jeso tsa go ja. Go tlugisela ka nako yone, Jeso o yye a tšhomayela ditaba tsa go bafala tsa Mmušo. Ke mmereko wo ba mo rommeng gore a tle lefaseng a wo make. Batho ne ba kwana le tso Jeso ne a di tšhutisa fote ne ba mo latelela go gongwana le go gongwana mo a yang gona.