Jeso wa Tsusiwa

Ka nthago ga gore Jeso a kgwe, monna wa go ghanya ye ba reng ke Josefa o yye a kgopela Pilato gore a mo dumelele a fegolle setopo sa Jeso phateng. Josefa o yye a tantetsa setopo sa Jeso ka malapi ya go nkgela, ke mokane a mmeya lebitleng la nyuwane. A kgokolosa letlapa la go roba a kwala lebitla lone ka lona. Dindhuna tsa maprista di butsiye Pilato gore: ‘Re tšhaba gore malata ya mangwana ya Jeso ma ka tla ma tseya setopo sage ma re o tsugiye bakgung.’ Byalo Pilato o ba butsiye gore: ‘Thibaneng lebitla lone ka letlapa le beye matšinghelani.’

Ka nthago ga kararo ya matšatši, go sa le ka bošego, basadi ba bangwana ba yye lebitleng ba kraya ba tlusiye letlapa lela. Ka hala lebitleng, lengeloyi le yye la botsa basadi bone gore: ‘Le sa tšhogeneng. Jeso ba mo tsusiye. Ariyeneng le ye botsa malata yage gore ma ye ma gahlane naye Galeliya.’

Mariya Magdalina a yakgoswa a ye nyakana le Petro le Johane. O ba butsiye gore: ‘Go na le ye a tsereng setopo sa Jeso!’ Petro le Johane ba yye ba taboga ba boyela lebitleng. Mo ba segela ba bona gore a le na selo, ba yye ba sologa ba boyela magaye ya bona.

Mo Mariya a boyela lebitleng, o bonne mangeloyi ka mabedi teng ga lebitla a re ga wona: ‘A ke tšibi gore ba mo yisiye kaye ga Morenaka.’ Ke mokane a bona monna ye mongwana, a nagana gore ke wa go kgora hala mabitleng, a re gage: ‘Mo nkare o tsere ke wene, barena mpotse gore o mo yisiye kaye.’ Mara mo monnene a re, “Mariya!” O napiye a di tšiba gore ke Jeso. O yye a lla a re: “Thitšere!” a boya a mo tlaparela. Jeso a re gage: ‘Ariye we botsa bobhuti baka gore o mponne.’ Ka nako yonone, Mariya a tabogela ga malata a segela a ma botsa gore o bonne Jeso.

Ka nthago, malata ka mabedi ne ma sepela ma tšwa Jerusalema ma ya Emawuse. Monna ye mongwana o yye a sepela nabo a ba butsisa gore ba bolabola ka ying. Ba yitseri: ‘A wa di kwelela? Kararo ya matšatši ya go feta, dindhuna tsa maprista di yye dya bolaya Jeso. Gana byalo basadi ba bangwana ba re wa phela!’ Monna yene a ba butsisa gore: ‘A le tshepe baporofeta? Ba yitseri Kreste o nyoko kgwa ke mokane a tsusiwa.’ Monna yene o yye mahlong a ba hlatollela Mangwalo. Mo ba segela Emawuse, malata ma yye ma kgopela monna yene gore a sa sepele. Mo ba ja tsa go ja tsa ka malobana o yye a rapelela sekgwa, ba napa ba di bona gore ke Jeso. Ke mokane a nyamalala.

Malata yala ka mabedi ma yye ma yakgoswa ma ya ga ntlo yo mapostola ne ma gahlanne gona ku Jerusalema, ma segela ma ba hlayisela tso di makegiyeng. Mo ma sa le ka gana hone ntlong, Jeso o yye a nyarela ga bona ka moka. Mathomisong, mapostola ne ma sa tshepe gore ke Jeso. Ke mokane a re: ‘Lebelelaneng matsogo yaka; ntshwareneng. Go ngwadiwwe gore Kreste o nyoko tsusiwa ga bo ba hlokofeleng.’