2. Mo nkare re nyaka go dula re yediye, di nyaka re sa kwane le mekgwa yifeng?

Bhayibele yi re re “hlapeneng dithila ka mokana ga tsona tsa ho mmeleng le ho monaganong.” (2 Makorente 7:1) Byalo, re ya karakara gore re kganele kgole le selo se sengwana le se sengwana sa gore se ka kwaletsa mmele wa rune kela monagano wa rune. Di nyaka tso re di naganang di jabodise Jehova, byalo a re nyake gore ka ho monaganong go kene dilo tsa go kekema. (Pisalema 104:34) Fote re liketsa ka matla gore ka ho ganong go tšwe dilo tsa go yela.—Bala Makolosi 3:8.

King se sengwana sa gore se ka thilafatsa maphelelo ya rune kela sa maka gore re sa yele ho mmeleng? Dilo tse dingwana tso di kenang ho mmeleng di ka re kwaletsa. Byalo, a re make dilo tsa go tshwana le go kgokga mafole, dipatša, seneyifi kela didhraksi. Mo re kganela kgole le dilo tsowa, re poma go fo kenakena ke malwele fote re nyoko ba re šupetsa gore lephelo a re le tseyele fase. Fote re liketsa ka matla gore maphelelo ya rune ma dule ma yediye ka go kganela kgole le dilo tsa go sa yela tsa go tshwana le go tšhokotšha le go lebelela dithombhe tsa batho ba go sa tšwara. (Pisalema 119:37; Maefeso 5:5) Ho o ka fo lisetsa mekgwa yowa yi šinya yi topela, go lomoga ga yona gwa roba, mara Jehova a ka go gelepa.—Bala Jesaya 41:13.

5. O lwe le taba ya go nagana le go maka tsa go sa yela

Bala Makolosi 3:5, ke mokane le petapete ka diputsiso tsowa:

• Ke ntaba re re Jehova o re a gwa yela go lebelela dithombhe tsa batho ba go sa tšwara, go romelana melayetsa kela dithombhe tsa maroga le go tšhokotšha?

• Nje o bona nkare ya kwala taba ya gore Jehova o nyaka gore maphelelo ya rune ma yele? Ke ntaba o reyane?

Nyakolla gore o ka maka byang gore o yi hlule taba yowa ya go dulela go nagana dilo tsa go sa yela. Kgana VIDIYO.

VIDIYO: Maka se Sengwana Gore o Dule o Yediye (1:51)

Jeso o re beyisele ka taba ye nngwana mo a šupetsa gore di nyaka re tšibe ditaba tsa rune gore maphelelo ya rune ma dule ma yediye. Bala Matewu 5:29, 30, ke mokane le petapete ka putsiso yowa:

• Jeso ke mo a sa hlohletsele gore re tikwaletse, mara ke mo a šupetsa gore di nyaka re make se sengwana. Motho a ka maka byang gore a sa thomisi go nagana ka dilo tsa go sa yela?b

Jehova wa jabola mo a kene a go bona o karakara gore o hlule go dula o nagana ka dilo tsa go sa yela. Bala Pisalema 103:13, 14, ke mokane le petapete ka putsiso yowa:

• Mo nkare go ro ba ntshitshire gore o lisetse mokgwa wa go sa yela, lengwalo lowa le go hlohletsela byang gore o sa lahle tewu?

Go phikega a di rele gore go fediye ka wene!

Di ka ba lula go nagana gore, ‘Di nšitiye, ke sa tihlupela ying.’ Mara nagana ka taba yowa: Mo motho wa go taboga di mo phika ke mokane a wa, tsotsone a di rele gore ke moka o šitegiye, fote a di rele gore di nyaka a thomise fase. Byalo, mo o phikegiye a di rele gore o šitegiye go hlula mokgwa wa go sa loka. Fote tsotsone a di suli dilo ka mokana ga tsona tsa gabutši tso o di makiyeng. A di makatse mo motho a phikega—ke lephelo. O sa šepisi! Mo o na le Jehova, o nyoko teya o tshwarelele.