• Ayitsano o Nyoko Phiriketsega ka Taba la Jeso?
    Sewokamelo (Sa go Tšhutisa)—2021 | May

    • (3) JESO KE MO A SA LATELELE DITŠO TSA MAJUDA

      Batho ga go tlala ne ba kwatisa ke Jeso ka taba la gore ne a sa kwane le ditšo tsa bona tse dingwana. Dilo tsowa di ka maka byang gore ba bangwana ba kwate lekgono? (Lebelela serele 13)d

      13. Batho ba go tlala ba makiye king gore ba sa mo theetsele ga Jeso?

      13 Malata ya Johane wa go Kolobetsa ke mo ma makatsa ke gore malata ya Jeso ne ma sa tikone tsa go ja. Jeso o hlayye gore a di nyake ma tikona tsa go ja mo a sa na a phela. (Mat. 9:14-17) Mara, Mafaraseyi le ba bangwana ba gore ke mo ba phigisana le Jeso ne ba sa mo theetsele ka taba la gore ne a sa latelele ditšo tsa bona. Ba yye ba napa ba ro fufulela mo ba mmona ka Sabatha a yalafa ba go lwala. (Mar. 3:1-6; Joh. 9:16) Le mo ba maka nkare ba hlompa Sabatha, ke bona fote ba gore ke mo ba re a di hlupe go rekisela tempeleng. Ke mo ba kwa nkare ba ka thunya ka taba la go kwata nakwela Jeso a ba lakatsa. (Mat. 21:12, 13, 15) Bo ba gore Jeso o ba tšhomayelele hala sinagogeng ya Nazareta ke mo ba kwa a ba silikisiye ka matla nakwela a bolabola ka mošupetso wa Israyele ya ku botala, mo a re ba fo tinaganela ba ntoši fote ba gayela tumelo. (Luk. 4:16, 25-30) Mokgwa wa Jeso wa go maka dilo wo šiyye ba go tlala ba šikinya dihlogo.—Mat. 11:16-19.

      14. Jeso ke mo a maka king gore a sa kwane le ditšo tsa gore a di yelane le Mangwalo?

      14 Mangwalo ma re king? Jehova o berekisiye moporofeta wage Jesaya go hlaya gore: “Batho bowa ba fo šutela ho gaka ka melomo fote ba fo tipolabolela mo ba re baa nhlompa mara dipelo tsa bona di ku kgole le nna, ba bona nkare ba ko ba ba ntšhaba mo ba latelela melawo yo batho ba ba tšhutisang yona.” (Jes. 29:13) Jeso ke mo a maka gabutši ka matla mo a sa kwane le ditšo tsa batho tsa gore a di yelane le Mangwalo. Bo ba gore ne ba tseya gore melawo le ditšo tsa batho di ka kgakala ga tso di hlayang ke Bhayibele a baa mo theetsela ga Jehova le ye a mo rommeng, yene Mesiya.

  • Ayitsano o Nyoko Phiriketsega ka Taba la Jeso?
    Sewokamelo (Sa go Tšhutisa)—2021 | May

    • (4) JESO AA MAKA GORE DIPOLOTIKI TSA BATHO DI TŠHENTŠHE KA GO YAKGOSWA

      Batho ga go tlala ne ba kwatisa ke Jeso ka taba la gore ne a sa kenakene tsa dipolotiki. Dilo tsowa di ka maka byang gore ba bangwana ba kwate lekgono? (Lebelela serele 17)e

      17. Jeso o yye a kwatisa batho ba go tlala mo ba bona a sa make ying?

      17 Nakwela Jeso a le ho lefaseng, ba bangwana ke mo ba nyaka gore dilo tso ne di makega ga mmušo wa bona di tšhentšhe ka go yakgoswa. Ke mo ba re Mesiya o nyoko ba ntsha ga mmušo wa Roma wa gore ne wo ba kgahleletsiye ka tsa go tlala. Mo ba kikirisana le Jeso ba re ba mo maka kgoši, o yye a re nnako. (Joh. 6:14, 15) Maprista le ba bangwana ke mo ba tšhoga gore Jeso a ka tšhentšha se sengwana ga mmušo wa bona sa gore se nyoko kwatisa Maroma, ya gore ne ma beyye baruti bone ditulong fote ma makiye gore ba lawole. Majuda ya go tlala ke mo ma nyaka gore morenewa a lukise dilo tsone tsa dipolotiki, mo ma bona a sa yi kene, ma kwa a a ma tshwatisa ka matla.

      18. Ke diporofeto difeng tsa ka ho Bhayibeleng tsa go bolabola ka Mesiya tsa gore ba go tlala ba yye ba sa di tseyele hlogong?

      18 Mangwalo ma re king? Le mo diporofeto tsa go tlala di hlayye gore Mesiya o nyoko šinya a hlula, diporofeto tse dingwana ke mo di šupetsiye gore ne di nyaka a thomise ka go kgwela tso re di sinnyeng. (Jes. 53:9, 12) Byalo batho bowa ba makiye king gore ba nagane tsa go tšiba ke bona? Mo seporofeto se sa hlaye gore mathatha ya batho ma nyoko loka ka nako yonone, batho ba go tlala nakwela Jeso a le ho lefaseng ke mo ba kwa se ba tshwatisa ka matla.—Joh. 6:26, 27.