1. Pawulo wa lepostola o yye a re king mo a pasopisa Makreste ya gore ma tlotsiwwe?

PAWULO wa lepostola o yitseri “lesetsaneng.” O re go lesetsiwe ying? O re: “Lesetsaneng go kutšetsela ke lefase lowa.” (Maroma 12:2) Pawulo ke mo a bolabola le Makreste ya ku botala. Ke ntaba a yye a pasopisa banna le basadi ba gore ba tineyele ga Modimo fote ba tlotsiwwe ka moya wa go hlawolega?—Maroma 1:7.

2-3. Sathane o maka byang mo a leketsa go re tlosa thina ga Jehova, mara re ka yi nyekula byang mekgwa ya gore yi ‘tsikiye’ ka ho menaganong ya rune?

² Pawulo ke mo a hlupa ke gore Makreste ya mangwana ke mo ma šele ma woka ke menagano ya go bola le dilo tso batho ba di tšhutisang tsa go fo tikhandela tsa lefase la Sathane. (Maef. 4:17-19) Tsotsone di ka makegela ye mongwana le ye mongwana ho ga rune. Sathane ke yene modimo wa lefase lowa, byalo o di wonngwe ka matla tsa go re tlosa thina ga Jehova ka go berekisa mathayithayi ya mohlobohlobo. Ya mangwana ya gona ke ya go lelekisana le go nyaka go tšibega kela go tipeya mayemong ya gedimo. A ka berekisa taba ya gore re gudiye byang, setšo sa rune ke sa mohlobo mang kela gore re tšhutegiye go segela kaye gore a thogo re woka ke mokane re nagane go tshwana naye.

“TŠHENTŠHANENG MENAGANO YA LUNE”

4. Ba go tlala ke mo di nyaka re wolole kaye nakwela re sa thomisa go tšhuta nnete?

⁴ Nagana ka dinako tsa ku nthago mo o sa thomisa go tšhuta nnete ya Lentsu la Modimo, ke mo di nyaka gore o tšhentšhe gore o thogo berekela Jehova. Ba go tlala di yye tsa nyaka gore re wolole maphelelo ya rune mo ne re bona nkare go kekemme. (1 Makor. 6:9-11) Re jabola ka matla gore Jehova wa re gelepa gore re hlule dilo tsa go befa tso ne re di maka!

5. Ke dilo difeng ka dipedi tso go bolabodiwang ka tsona ga Maroma 12:2?

⁵ A di nyake re titshokanya, re re rune a go na mo re tshwaneleng re lukise gona. Le mo go sinyela Jehova ka matla re go lesetsiye mo re soko bane re kolobetsiwa, di nyaka re garagare ka matla ga selo se sengwana le sengwana so se ka re wokang gore re boyele ga mekgwa ya rune ya botala. Re ka maka byang tsotsone? Pawulo o yitseri: “Lesetsaneng go kutšetsela ke masipidiselo ya lefase lowa, mara sokologaneng ka go tšhentšha menagano ya lune.” (Maroma 12:2) Byalo di nyaka re maka dilo ka dipedi ke tsowa. Sa mathomo, di nyaka re ‘lesetse go kutšetsela,’ kela go botsetsela ke lefase lowa. Sa bobedi, di nyaka re ‘sokologe’ ka go tšhentšha menagano ya rune.

6. Mantsu ya Jeso a ma hlayyeng ga Matewu 12:43-45 ma re tšhutisa ying?

⁶ Pawulo mo a bolabola ka go tšhentšha, ke mo a sa bolabolele go fo tšhentšha ga so motho a leng sona ka ho tawong. Ke mo a bolabolela go tšhentšha ga go napa o ro felegelela. (Lebelela lebhokisi la gore “Nje o Tšhentšhiye Kela wa Timakisa?”) Di nyaka re fetse le monagano wa rune gore re nyaka go tšhentšha ka ho teng-teng ga rune, ka mokgo re tikwang ka gona le tso re tlwayeleng go di maka. Byalo ka mokana ga rune di nyaka re tiputsise gore: ‘Ayitsano ke ya resa mo ke re ke tšhentšhiye ke nna Mokreste, kela go fo ba tsa nako yonone?’ Di nyaka re tšhentšhe tsa mannete. Ga mantsu ya Jeso a ma bolabodiyeng ga Matewu 12:43-45, o hlayye so di nyakang re se make. (Bala.) Mantsu ya ma leng mone ma šihlela gore taba yowa ke nnete, mo ma re: Re tluse menagano ya go befa ke mokane sekaleng sa wona re tšhele menagano ya Modimo.