‘LESETSANENG MENAGANO YA LUNE GORE YI TLALELE GA DILO TSA NYUWANE’

7. So re leng sona ka ku teng-teng re ka se tšhentšha byang?

⁷ Nje di ya kgonega gore re tšhentšhe dilo tso re tlaleleng ga tsona kela so re leng sona ka ku teng-teng? Lentsu la Modimo le re: “Ariyeneng mahlong le kene le lesetsa menagano ya lune gore yi tlalele ga dilo tsa nyuwane tso di makiwweng ka mokgo Modimo a nyakang, ka go loka ga mannete le go tshepega.” (Maef. 4:23, 24) Nnete ke gore di ya kgonega gore motho a tšhentšhe so a leng sona ka ho teng, mara a di lola. A di nyake re lesetsa dilo tsa go befa di re woka ke mokane ra tšhoga re di makiye. Di nyaka re tšhentšha dilo “tsa go befa tso re di naganang.” Tsotsone di rela go tšhentšha ga tso re di nabelang, tso re di naganang le tso di re tšhofang. Go maka dilo tsowa ka mokana ga tsona di nyaka re garagare.

8-9. Taba ya mogageru yewa yi šupetsa ka ying gore di nyaka re tšhentšha?

⁸ Tla re boneneng ka mogageru ye mongwana ke yewa wa gore ke mo go le sekgohlane. O yye a lesetsa go tlayila le bokgohlane, ke mokane sosone sa maka gore a kolobetsiwe, fote le batho ba mone polekeng yo ne a dula ga yona ba yye ba di tšiba gore o tšhentšhiye. Tšatši le lengwana go le ka malobana, ka nthago ga go kolobetsiwa o yye a gahlana le tsa go mo phiriketsa a sa nagana. Morene mongwana wa gore ke mo a tlayila o yye a mo lebela, a nyaka ba lwa. Mara mogageru ka nako yone o yye a kgona go titshwara. Mogageru o yye a kwa a šele a silikisega mo a kwa morenela wa go tlayila a thomisa go rogelela lebitso la Jehova. Aa sinya nako, a tšwa a mo tula stereka. Ke mo go rorebeng? Yene Baebele yi mo gelepiye gore a titshware mo ba mo kwatisa, mara ke mo a sa napa a tšhentšha mekgwa yage ya go kwana le dibhakela. Ka mantsu ya mangwana, ke mo a soko bane a tšhentšha ka ku teng-teng.

⁹ Mogageru yewa a sanka a lahla tewu. (Diy. 24:16) Bagolo ba yye ba mo gelepa, a ya ka gonyana ka gonyana a kene a tšhentšha. Ke mokane a feleletsa go le mogolo. Tšatši le lengwana, go le ka malobana a le ka tawong ga Holo ya Mmušo, a gahlana le tsetsela di yyeng tsa mo makegela mengwaga ya go fela. Morene mongwana wa go tlayila o yye a nyaka go teya mogolo ye mongwana. Mogageru o makiye ying? O yye a bolabodisana le morenene wa go tlayila, a sa rase naye fote a tinyanafatsiye, a maka gore go bebe a boya a ro mo felegetsa le gaye. Byalo king so se gelepiyeng mogageru gore a titshware? Mogageru yewa o yye a tšhentšha ka go felegelela. Ka ku teng-teng, ke mo a tšhentšhiye, a tilukele fote go le motho wa go tinyanafatsa—tsone ka mokana ga tsona di yye tsa thanakisa lebitso la Jehova!

10. Go nyakega ying gore re tšhentšhe?

¹⁰ Gore motho a tšhentšhe, a di fo makega ka mohlolo kela ka bošego ka bbyoši. Di ka nyaka gore ‘re lwe ka matla,’ fote di tseya mengwaga. (2 Pet. 1:5) Tsone a di rele gore mo re tsere nako ya go lefa re tšiba ‘nnete,’ di ra gore re nyoko maka dilo gabutši. Di nyaka re karakare ka matla gore re tšhentšhe so re leng sona ka ho teng-teng. Di tlele dilo tso di ka re gelepang gore re tšhentšhe. Tla re bolaboleneng ka tse dingwana ke tsowa.

KA MOKGO RE KA TŠHENTŠHANG MENAGANO YA RUNE

11. Go rapela go ka re gelepa byang gore re tšhentšhe menagano ya rune?

¹¹ Go rapela ke selo se segolo sa mathomo. Di nyaka re rapele go fo tshwana le mopisalema mo a re: “Nneye pelo ya go yela, barena Modimo, fote o nneye moya wa go yela, moya wa go tiyelela.” (Pis. 51:10) Re tshwanele re yamogele gore nnete menagano yo ya rune yi nyaka go tšhentšha, ke mokane re kgopele Jehova gore a re gelepe. King so se napang se maka gore re tshepe Jehova gore a ka re gelepa go tšhentšha? Tso Jehova a yyeng a di tshepisa Maisrayele ya go woma dihlogo nakwela ya Hezekiyele di re tiyisa ka matla, o yitseri: “Ke nyoko maka gore ba be le pelo ka yyoši fote ke nyoko ba tšhela moya wo mongwana . . . ka ba neya pelo ya nama, [ya go theetsela Modimo].” (Hezek. 11:19) Jehova ke mo a di nyaka go gelepa Maisrayele yane gore ma tšhentšhe, byalo le rune o sa nyoko re gelepa.

12-13. (a) Go ya ka Pisalema 119:59, di nyaka re ghayele ka ying? (b) Ke diputsiso difeng tso o tshwaneleng go tiputsisa tsona?

¹² Selo sa bobedi so re ka ga se makang ke go ghayela. Mo re kene re tšhuta Lentsu la Modimo re sa le wokole, di nyaka re boye re ghayele ka tso re di balang, re nagane ka matla ka tsona, gore re thogo tšiba mo re tshwaneleng re lukise gona. (Bala Pisalema 119:59; Maheb. 4:12; Jak. 1:25) Di nyaka re bone gore dilo tso re di naganang le tso re di makang a di kutšetsele ke dilo tsa go tikhandela tso di tšhutisang ke lefase lo. Re tshwanele re tšibe gore re tekateka mo go tla kaye, ke mokane re leketse ka matla gore re tiyise gana mone.

¹³ Mo re beyisa, o fo tiputsisa gore: ‘Nje a ke nabele dilo tsa batho ba bangwana ka ho pelong gaka gore nke go le tsaka, kela go ba le monanyana?’ (1 Pet. 2:1) ‘Seyemo so ke goleleng ga sona, go tšhutega le go ba le sekwetše, nje a di mmake gore ke be le magetla?’ (Diy. 16:5) ‘Nje a ke tseyele fase batho bowa ba gore a ba na tso nna ke nang natso kela go tseyela fase bo ba gore a yi mohlobo wa go tshwana le waka?’ (Jak. 2:2-4) ‘Nje a ke tikwi ke nabela dilo tsa lefase lowa la Sathane?’ (1 Joh. 2:15-17) ‘Tso ke tijabodisang ka tsona, nje a di na maroga kela bokgohlane?’ (Pis. 97:10; 101:3; Amosi 5:15) Diphetolo tsa diputsiso tsowa di ka go gelepa gore o bone mo o tshwaneleng o potolle gona. Mo re ka kgona go hlula menagano ya go kekema ‘yo yi tsikiyeng’ ka ho dipelong tsa rune, re nyoko jabodisa Papa wa rune wa legedimong.—Pis. 19:14.

14. Ke ntaba di le gabutši gore re hlawole banghana ba go yagisa?

¹⁴ Go hlawola banghana ba gabutši ke selo se sengwana sa boraro so di nyakang re se maka. Re kutšetsela ke bo re ba hlawolang gore go be banghane ba rune. (Diy. 13:20) Ku mmerekong le ku sekolo, go tlele batho ba gore ba ka sa re yagisi ka tso tsa Modimo. Mara, banghana ba gabutši re ka ba kraya megahlanong ya rune ya Sekreste. Mo re le gana hone, re ya tiyisana, kela go kutšetselana, gore re “nyakanane le go maka dilo tsa gabutši.”—Maheb. 10:24, 25.