• Go ya Megahlanong ya Dihlatse Tsa Jehova go Nyoko go Thuša ka Ying?
    Tikwise ka Lephelo go ya go Yye!—Wene Tšhuta Bhayibele
    • Setšhuto 10. Monna o bala lengwalo la Bhayibele la gore o le šupetsa ke Hlatse ba le megahlanong ya phutego ya Dihlatse tsa Jehova.

      SETŠHUTO 10

      Go ya Megahlanong ya Dihlatse Tsa Jehova go Nyoko go Thuša ka Ying?

      Ayitsano ba yye ba go mema gore o tle mogahlanong wa Dihlatse tsa Jehova? Mo nkare a o soko bane o ya, o ka fo kwa o tšhaba. O ka kraya o tiputsisa gore: ‘Mara go makega ying ga megahlano yowa? Ke ntaba ba yi tseyela gedimo? Ke ntaba di nyaka ke ye?’ Ga setšhuto sowa, o nyoko tšhuta ka mokgo go gahlana le ba bangwana go ka go šutetsang thina le Modimo le ka mokgo go ka go gelepang.

      1. King ka matlamatla so se makang gore re gahlane?

      Lebelela mo ye mongwana wa gore o ngwadiye Bhayibele a hlatolla gore ke ntaba di le gabutši go gahlana le ba bangwana, o yitseri: “Ga phutego ye kgolo, ke nyoko thanaka Jehova.” (Pisalema 26:12) Le bo go leng Dihlatse tsa Jehova ba jabola ka matla ho ba gahlanne ga poleke ka yyoši. Lefaseng ka mokana ga lona, ba gahlana beke ye nngwana le ye nngwana gore ba thanake Modimo, ba yepelele ba boye ba rapele. Mongwaga wo mongwana le wo mongwana, ba fela ba ya ga megahlano ye megolo gore ba ye thanaka Jehova.

      2. King tso o nyoko di tšhutang ga megahlano ya rune?

      Megahlanong re tšhuta ka Lentsu la Modimo fote ba “le hlatolla gabutši gore le thogo re yelela.” (Bala Nehemiya 8:8.) Mo o ka tla megahlanong ya rune, o nyoko tšhuta ka Jehova le ka dilo tsa gabutši tso a tšibegang ka tsona. Mo o kene o tšhuta tsa go tlala tsa go šupetsa gore o go nyaka ka matla, le wene o nyoko ro napa o šutela thina ka matla naye. Fote o nyoko tšhuta gore a ka go gelepa byang gore o jabolele lephelo.—Jesaya 48:17, 18.

      3. Di nyoko go gelepa ka ying mo o kene o bolabola le ba bangwana megahlanong ya rune?

      Jehova o re botsa gore “re naganelaneneng gore re thogo nyakanana ka matla le go makelana dilo tsa gabutši, re sa lisetse go gahlana.” (Maheberu 10:24, 25) Ga megahlano ya rune, o nyoko gahlana le batho ba gore ba kwana tsa mannete le ba gore ba jabolela go tšhuta tsa go tlala ka Modimo, go tshwana nago. O ko ba kweng mo ba tiyisana le rune ka tso di leng ka ho Bhayibeleng. (Bala Maroma 1:11, 12.) Fote o nyoko gahlana le ba bangwana ba gore ba hludiye dintshitshire tso di tlelang ba gore ba šadhiye le ba gore a ba šadha. Tso go fo ba tse dingwana tso di šupetsang gore ke ntaba Jehova a nyaka re dule re gahlana!

      KENELELA

      Tšhuta gore go makega ying ga megahlano ya Dihlatse tsa Jehova, ke mokane o lebelele gore ke ntaba re re o ko ba o sa tshwara ya go kgana mo o ya ga megahlano yowa.

      4. Megahlano ya Dihlatse Tsa Jehova

      Ku botala, Makreste ne ma gahlana gore ma thogo rapela Jehova ggoši. (Maroma 16:3-5) Bala Makolosi 3:16, ke mokane le petapete ka putsiso yowa:

      • Makreste ya ku botala ne ma rapela Jehova byang?

      Lekgono, Dihlatse le tsona di dula di gahlana gore di thogo rapela Jehova. Gore o thogo bona so se makegang megahlanong, kgana VIDIYO. Ke mokane le lebelele sethombhe sa megahlano ya phutego le boye le petapete ka diputsiso tsa go latela.

      VIDIYO: Go Makega Ying ka Holong ya Mmušo? (2:12)

      • Tso o di bonneng di makega Holong ya Mmušo di yelana byang le so o se badiyeng ga Makolosi 3:16?

      • Ga vidiyo kela sethombhe sowa, king so se makegang megahlanong sa gore se ya go jabodisa?

      Bala 2 Makorente 9:7, ke mokane le petapete ka putsiso yowa:

      • Ke ntaba Dihlatse tsa Jehova di sa make tso tsa go ntsha dikoleke ga megahlano ya tsona?

      Mo o na le ye a go tšhutisang, lebelelaneng gore go nyoko ba go tšhutiwa ying ga megahlano ya beke yowa.

      • Ga tso di ko bang di tšhutisiwa, ke sefeng sa gore se ya go jabodisa kela so o bonang nkare se ka go thuša?

      Nje o di kwelele?

      Ga jw.org, o ka kraya gore ke leng le gore ke kaye ga gore re tshwarela megahlano ya lefaseng ka mokana ga lona.

      Dithombhe: Tso di makegang Holong ya Mmušo mo mogahlano wo soko thoma, mo o kene o ya mahlong le ka nthago. Tso di makegang di nyarela fote ga dithombhe A go segela ga D. A. Monna wa gore ke Hlatse o beya polabolo ya go tšwa Bhayibeleng a yemme seralong mogahlanong. B. Mosadi wa gore ke Hlatse o fetola putsiso ga sekopa sa megahlano sa gore go butsisiwa diputsiso. C. Monna wa gore ke Hlatse o bolabodisana le ba mutši ka nthago ga mogahlano. D. Monna wa gore ke Hlatse o bulela monna wa gore o šele a gudiye sekwalo mo a segela mogahlanong.

      1. Ga megahlano ya rune go ba le dipolabolo, mešupetso le dividiyo. Mo re bula megahlano ya rune, re ya yepelela ke mokane ra rapela, le mo re fetsa re ya yepelela ke mokane ra rapela

      2. Ga dikopa tse dingwana tsa megahlano ya rune, go butsisiwa diputsiso ke mokane bo ba leng mogahlanong ba fetola

      3. Go ka tla ye mongwana le ye mongwana—mitši, ba gore a baa šadha, ba gore ba titsofalele le bananyana

      4. Megahlano ya rune ke mahala. A o patele mo o ya megahlanong ya Dihlatse tsa Jehova fote a ba make tso tsa dikoleke

      5. Di nyaka o karakare gore o ye megahlanong

      Tseya ka mošupetso wa mutši wa bo Jeso. Mongwaga wo mongwana le wo mongwana ke mo ba sepela 100 ya dikhilomitha ba tloga Nazareta ba bhukulela dithabeng ba bakiye Jerusalema. Bala Luka 2:39-42, ke mokane le petapete ka diputsiso tsowa:

      • Ayitsano o bona nkare ke mo go le letogo gore ba rwalagane ba ye Jerusalema?

      • Ke ntaba di nyaka gore le wene o karakare gore o thogo ya megahlanong?

      • Ayitsano mo o maka tsotsone o ko ba o tshwere ya go kgana? Ke ntaba o reyane?

      Dithombhe: Josefa, Mariya, Jeso le ngwanabo Jeso ba lukiselela leyeto. 1. Josefa o rwesa bhongholo morwalo ke mokane Mariya o lukiselela tsa go ja. 2. Mmepo wo šupetsa tsela ya go tloga Nazaretha go segela Jerusalema.

      Bhayibele yi re go gahlana gore re rapele Jehova ggoši a yi selo sa go kgana. Bala Maheberu 10:24, 25, ke mokane le petapete ka putsiso yowa:

      • Ke ntaba di nyaka re sa lofe megahlano?

      BATHO BA BANGWANA BA RE: “Phela Bhayibele o ka tipalela le mo o le ntoši. A di nyake o šinya o gahlana le ba bangwana.”

      • Ke lengwalo lefeng kela mošupetso wofeng wa Bhayibele wo wo re botsang so Jehova a nyakang re se maka?

      MONOPO

      Megahlano yi nyoko go gelepa gore o tšhute tsa go tlala ka Jehova, o tiyise senghana sago naye, fote o mo rapele o na le ba bangwana.

      Tigopotse

      • Ke ntaba Jehova a re hlohletsela gore re gahlane ggoši?

      • O nyoko tšhuta ying mo o le megahlanong ya Dihlatse tsa Jehova?

      • O bona nkare go ya megahlanong go nyoko go gelepa ga dilo difeng tse dingwana?

      Maka Tsowa ša

      NYAKELA

      Ayitsano o tshosa ke taba ya go tla megahlanong? Lebelela ka mokgo morene mongwana wa gore le yene ne a tikwa ka mokgonone, a yyeng a thomisa go jabolela megahlano.

      Re ka sa Lebale ka Mokgo ba Yyeng ba re Tamisa ka Gona (4:16)

      Lebelela ka mokgo mosogana ye mongwana a yyeng a jabolela megahlano le tso a di makiyeng gore a ye mahlong a ba gona megahlanong.

      Ne ke Kwana le Megahlano ka Matla! (4:33)

      Kwang ba bangwana gore ba tikwa byang ka go ya megahlanong.

      “Ke Ntaba di Nyaka re ye Megahlanong Holong ya Mmušo?” (Hlogotaba ya gore yi nyarela ga wepsayete)

      Lebelela gore sekgohlane se sengwana se yye sa tšhentšha maphelelo ka mokgo mang ka taba la go ya megahlanong ya Dihlatse tsa Jehova.

      “Ne Nka sa yi Felo ke sa Tshwara Sethunya Saka” (Sewokamelo sa July 1, 2014)

  • Mmušo wa Modimo wa Lawola Gana Byalo!
    Tikwise ka Lephelo go ya go Yye!—Wene Tšhuta Bhayibele

    • 5. Lefase le tšhentšhiye go tlugisela ka 1914

      Kgana VIDIYO.

      VIDIYO: Lefase le Tšhentšhiye go Tlugisela ka 1914 (1:10)

      Jeso o bolabodiye ka dilo tso re nyoko bonang di makega ho lefaseng mo a šele a le Kgoši. Bala Luka 21:9-11, ke mokane le petapete ka putsiso yowa:

      • Wene o bonne go makega ying kela o kwelele difeng?

      Pawulo wa lepostola o hlayye gore batho go nyoko ba ba mošaga mang ka dinako tsa mafelelo mo batho ba lawola lefase. Bala 2 Thimothi 3:1-5, ke mokane le petapete ka putsiso yowa:

      • Ga tso re di badiyeng, ke difeng tso o bonneng batho ba di maka?

      Dithombhe: Tso di makegang ho lefaseng le maphelelo ya batho ga dinako tso tsa mafelelo. 1. Wa go yeta masole mahlong o yemme seralong o yahlamela a kene a yemisele matsogo gedimo. 2. Meyago ya gore yi wile mo lefase le tekateka. 3. Dielebhreyi tsa masole. 4. Mogoba wa batho wo tikwadiye ka sa go tithiba nko le molomo wo kene wo tisepelela. 5. Meyago ka mmedi ya go lefa ya ku New York yaa swa ka nthago ga go kutulugela ke dikgohlane. 6. Morene mongwana o berekisa didhrakse. 7. Monna o lakatsa mosadi wage wa gore o mo tudiye. 8. Didhrakse le mokgete wa mohlobohlobo. 9. Basadi ka babedi ba gore ba yapere dikobo tsa fešene fote ba tikgabisiye ba titseya senepe. 10. Mogoba wa batho ba go tlala baa bina mo ye wa go teya dikoša a ba kganela dikoša. 11. Morene mongwana o boša bhomu ya gore ba yi makiye ka pheterole.

      6. Taba ya gore go lawola Mmušo wa Modimo di nyaka yi re tšhofe gore re make se sengwana

      Bala Matewu 24:3, 14, ke mokane le petapete ka diputsiso tsowa:

      • Ke mmereko wofeng wo mogolo wo wo šupetsang gore Mmušo wa Modimo wa lawola gana byalo?

      • Wene o ka tšhela letsogo ka mokgo mang ga mmereko wowa?

      Mmušo wa Modimo wa lawola gana byalo fote go se botala wo nyoko lawola lefase ka mokana ga lona. Bala Maheberu 10:24, 25, ke mokane le petapete ka putsiso yowa:

      • Di nyaka ye mongwana le ye mongwana a make ying mo re “di bona gore letšatši lone le kene le ya šutela”?

      Collage: 1. Ye a tšhutisiwang Bhayibele o mogahlanong wa Dihlatse tsa Jehova. 2. Motho yenela wa gore o sa tšhutisiwa Bhayibele o tšhomayelela ye mongwana.

      Mo o ka tšiba ka taba ya gore yi ka gelepa le go phonisa batho, ayitsano o ka fo re ‘tse’ wa yi dulela?