-
Bhayibele yi re King ka Taba ya go Maka Tsa ka Mapaying?Tikwise ka Lephelo go ya go Yye!—Wene Tšhuta Bhayibele
-
-
SETŠHUTO 41
Bhayibele yi re King ka Taba ya go Maka Tsa ka Mapaying?
Batho ba go tlala di ya ba tšebisa go bolabola ka taba ya go maka tsa ka mapaying. Mo Bhayibele yi bolabola ka taba ya go maka tsa ka mapaying, yi yi beya pha, mara ka serithi. Tso yi di hlayang di gelepa rune. Wa tšiba taba yone ya kwagala. Phela Jehova ke yene ye a re Makiyeng. Byalo, o re nabelela tsa gabutši. O re tšhutisa gore re ka maka byang gore re thogo mo jabodisa le tso di ka re gelepang gore re thogo tikwisa ka lephelo go ya go yye.
1. Jehova o yi tseya byang taba ya go maka tsa ka mapaying?
Go maka tsa ka mapaying ke selo sa gabutši so Jehova a re neyyeng. Gabutšibutši o nyaka di jabolela ke monna le mosadi ba gore ba šadhiye. Tsotsone di gelepa ba gore ba tseyanne gore ba belege bana ba boye ba šupetsane gore ba nyakana ka matla, fote di makega ka mokgwa wa hlago le wa gore wo maka gore ba jabole. Ke tsotsone di makang gore Lentsu la Modimo le hlaye gore: “O jabodise ke mosadi ye o mo tseyyeng o sa le mosogana.” (Diyema 5:18, 19) Jehova o nyaka gore Makreste ya gore ma šadhiye ma tshepege ga bo ba tseyanneng nabo gore ma thogo kganela kgole le bonghwahla.—Bala Maheberu 13:4.
2. Anthe mo ba re bonghwahla ba ra ying?
Bhayibele yi re botsa gore “ba gore ba maka bonghwahla . . . ba ka sa kene Mmušong wa Modimo.” (1 Makorente 6:9, 10) Bo ba gore ba ngwadiye Bhayibele ka Segerika ba berekisiye lentsu por·neiʹa mo ba ra bonghwahla. Ga lentsu lone go kena le (1) monna le mosadi ba gore ba maka tsa ka mapayinga mara ba sa šadha, (2) monna wa go maka tsa ka mapaying le monna kela mosadi wa go maka tsotsone le mosadi le (3) ba go maka tsa maroga le diphoolwane. Mo re ‘kganela kgole le bonghwahla,’ re jabodisa Jehova fote di gelepa rune beng.—1 Mathesalonika 4:3.
KENELELA
Lebelela gore o ka maka byang gore o kganele kgole le bonghwahla le gore di nyoko go gelepa ka ying mo o maka gore maphelelo yago ma dule ma yediye.
3. Kganela kgole le bonghwahla
Morene mongwana wa go tshepega ka matla ye ba reng ke Josefa o yye a karakara ka matla gore a kganele kgole le bonghwahla. Bala Genesi 39:1-12, ke mokane le petapete ka diputsiso tsowa:
Josefa o makiye king gore a tšhabe?—Lebelela temanyana 9.
Wene mo o lebelele, o bona nkare tso Josefa a di makiyeng di gabutši? Ke ntaba o reyane?
Bo ba gore ba sa gola ba ka mo yekisela byang ga Josefa gore le bona ba tšhabelele bonghwahla? Kgana VIDIYO.
Jehova o nyaka gore ka mokana ga rune re keketlele ku kgole le bonghwahla. Bala 1 Makorente 6:18, ke mokane le petapete ka diputsiso tsowa:
Ke mayemo ya mošaga mang ya ma ka šinyang ma makisa motho bonghwahla?
O ka maka byang gore o tšhabelele bonghwahla?
4. O ka hlula tso di go wokang
King tso di ka makang gore o kwe di roba go hlula bonghwahla? Kgana VIDIYO, ke mokane le petapete ka putsiso ya go latela.
Mogageru ye a leng ga vidiyo yowa o makiye ying mo a bona gore dilo tso a di naganang le tso a di makang di ka mo fokola, a sa sa tshepega ga mosadi wage?
Phela ka nakwenngwana le mong ga Makreste ya gore maa tshepega a di lula gore ma dule ma nagane ka dilo tsa gore di yediye. Wene o ka maka byang gore o sa fo dulela go nagana ka dilo tsa go sa hlamatsega? Bala Mafilipi 4:8, ke mokane le petapete ka diputsiso tsowa:
Di nyaka re nagane ka dilo tsa mošaga mang?
Go bala Bhayibele le go dula re tshwaraganne ka mmereko wa Jehova go ka re gelepa ka ying gore re hlule dilo tso di ka makang gore re sinye?
5. Melawo ya Jehova ya re berekela
Jehova o re nabelela tsa gabutši. Wa re thuletsela gore re ka maka byang gore maphelelo ya rune ma dule ma yediye le gore go maka tsotsone di ka re berekela ka mokgo mang. Bala Diyema 7:7-27 kela kgana VIDIYO, ke mokane le petapete ka diputsiso tsa go latela.
Mosogana yewa o tikrayye a segele byang ga seyemo sa mošaga wowa?—Lebelela Diyema 7:8, 9.
Diyema 7:23, 26 yi re go maka bonghwahla go ka go potlometsa marageng. Mo maphelelo ya rune ma dula ma yediye, re nyoko ro khutsa dilo difeng tsa go tlala?
Mo maphelelo ya rune go ka ba ya go yela, tsotsone di nyoko maka byang gore re kwe manatefelo ya lephelo?
Batho ba bangwana ba re ke lešidi tso Bhayibele yi di hlayang mo yi re a yi tsona mo monna a yetsela le monna kela mosadi a yetsela le mosadi. Mara Jehova, Modimo wa gore o re nyaka ka matla, o nyaka gore batho ka mokana ga bona ba kwe manatefelo ya lephelo go ya go yye. Di nyaka re theetsela melawo yage gore le rune re thogo kraya lephelo lone. Bala 1 Makorente 6:9-11, ke mokane le petapete ka putsiso yowa:
Ayitsano taba yowa ya mo monna a nabela go yetsela le monna kela mosadi a nabela go yetsela le mosadi ke yona yi le ntoši yo Modimo a reng a ya loka?
Ka mokana ga rune di nyaka re tšhentšhe gore re thogo jabodisa Modimo. Nje tsotsone di nyoko re berekela? Bala Pisalema 19:8, 11, ke mokane le petapete ka diputsiso tsowa:
Ayitsano wene o nagana gore melawo ya Jehova ya go bolabola ka maphelelo ya kwagala? Ke ntaba o reyane?
Jehova o gelepiye ba go tlala gore ba phele ka melawo yage. Le wene a ka go gelepa
BATHO BA BANGWANA BA RE: “Go maka tsa ka mapaying ke tsa batho ka babedi, solanka ba nyakanana.”
Wene o ka re king?
MONOPO
Go maka tsa ka mapaying ke so Jehova a se neyyeng monna le mosadi wage gore ba se jabolele.
Tigopotse
Ga taba ya bonghwahla go kena le ying?
Re ka gelepa king gore re kganele kgole le bonghwahla?
Di ka re berekela ka mokgo mang mo re theetsela melawo ya Jehova ya gore maphelelo ya rune go be ya mohlobo mang?
NYAKELA
Ga Modimo ke taba ye kgolo mo batho ba dula ggoši ba šadhiye kela ba sa šadha, nyakolla gore ke ntaba.
Mo Modimo a re aa kwane le taba ya monna wa go yetsela le monna kela mosadi wa go yetsela le mosadi, aa rele gore batho ba mohlobo wonone re ba hloye, lebelela gore ke ntaba.
Lebelela gore ke ntaba re re molawo wa Modimo wa re tšhireletsa ga taba ya go maka tsa ka mapaying.
Ga tsa lephelo ga hlogotaba ya gore “Ke mo ba Ntshwere ka Serithi,” lebelela gore morene mongwana wa gore ke mo a yetsela le banna o tšhofiye king gore a tšhentšhe lephelo lage gore a thogo jabodisa Modimo.
“Bhayibele yi Tšhentšha Maphelo” (Sewokamelo sa April 1, 2011)
a Ga mekgwa yowa go kena le dilo tsa go tshwana le go maka tsa ka mapaying ka mokgwa wa gore a yi wa gabutši, go mamana tsa ka fase, go maka tsa maroga tsa go tšhela ka ho nthago le go kganakganisa tsa ka fase tsa motho ye mongwana ka mokgwa wa nkare o maka naye tsa maroga.
-
-
Bhayibele yi re King ka Taba ya go Šadha Kela go sa Šadhe?Tikwise ka Lephelo go ya go Yye!—Wene Tšhuta Bhayibele
-
-
SETŠHUTO 42
Bhayibele yi re King ka Taba ya go Šadha Kela go sa Šadhe?
Ga ditšo tse dingwana, batho ba tshepa taba ya gore mo motho a sa šadha, a ka sa ro jabola. Nnete ke gore, a di rele gore batho ka mokana ga bona ba gore ba šadhiye ba jabodiye fote a di rele gore batho ka mokana ga bona ba gore a ba šadha, a baa jabola. Gabutšibutši Bhayibele yi re go šadha le go dula re sa šadha, re ro di neya ke Modimo.
1. Go sa šadhe go ka berekela motho ka ying?
Bhayibele yi re: “Ye a šadhang o maka gabutši, mara ye a dulang a sa šadha o ko ba a maka gabutši ka matla.” (Bala 1 Makorente 7:32, 33, 38.) Ba ra gore king mo ba re motho wa go dula a sa šadha o ba a “maka gabutši ka matla”? Mokreste wa gore aa šadha aa hlupege ka go pasopa motho ka taba la gore a go na ye a tseyanneng naye. Aa tleme ke selo. Mo re beyisa, ba bangwana ba yeketsa mmereko wa bona wa go tšhomayela ka mekgwa ya gore ya jabodisa ya go tshwana le go vakašela dinaga tse dingwana gore ba ye tšhomayela ditaba tsa go bafala. Sa go napa se ro jabodisa ke gore ba fetsa nako ya go tlala ba tiyisa senghana sa bona le Jehova.
2. Mo motho a šadha, go sayina ka mokgwa wa molawo di thuša ka ying?
Go šadha kela go sa šadhe go ka berekela motho ka mekgwa ya go sa tshwane. Bhayibele yi re “batho ka babedi ba phala ka wwoši.” (Mmolabodi 4:9) Taba yowa ya resa, ka matlamatla ga Makreste ya gore ma berekisa ditšhiko tsa Bhayibele ga bo ba šadhiyeng nabo. Bo ba gore ba yye ba tšeketa kela go sayina nakwela ba šadha, ba titlemme ka gore ba nyoko fo dula ba šupetsana gore ba sa na ba nyakanana, ba nyoko hlompana fote ba nyoko tseyelana gedimo. Tsotsone di maka gore ba tikwe ba pasopegiye go phala bo ba gore ba fo kitimetsana wa kraya ba tidulela ggoši mara ba sa sayina. Fote mošadho ke fandhiši ya go yaga mutši gore le thogo ba le bana.
3. Jehova o re king ka mošadho?
Mo Jehova a šadhisa batho ba mathomo, o yitseri: “Monna o nyoko šiya papage le mmane wage ke mokane a mamarelana le mosadi wage.” (Genesi 2:24) Jehova o nyaka gore solanka monna le mosadi wage ba sa phela, ba dule ba šupetsana gore ba sa na ba nyakanana ba boye ba mamarelane. Wa dumela gore ba ka hlalana mo ye mongwana ga bona a makiye bonghwahla. Mo go makega tsa mošaga wonone, Jehova o lisetsa ye wa gore aa sinya selo a tikgetele gore wa dula kela wa hlala.a (Matewu 19:9) Jehova o kgerela monna kela mosadi wa gore ke Mokreste gore a šadhe le motho ka wweši fela, a sa be le ba go feta hone.—1 Thimothi 3:2.
KENELELA
Lebelela tso o ka ga di maka gore o jabole o boye o jabodise le Jehova—o šadhiye kela o sa šadha.
4. Maka gore go dula o sa šadha go go berekele
Jeso o tseya go sa šadha go le selo sa gabutši sa gore ba ro re neya. (Matewu 19:11, 12) Bala Matewu 4:23, ke mokane le petapete ka putsiso yowa:
Jeso o berekisiye taba yowa ya go sa šadhe ka mokgo mang gore a thogo berekela Papage le go gelepa ba bangwana?
Makreste ma ka tikwisa ka taba ya go sa šadhi go fo tshwana le Jeso. Kgana VIDIYO, ke mokane le petapete ka putsiso ya go latela.
Makreste ya gore a maa šadha ma ka maka ying gore ma thogo rufega?
Nje o di kwelele?
Bhayibele a yi hlaye gore motho a ka šadha mo a šele a na le mengwaga ka mekaye. Mara yi hlohletsela motho gore a yemenyana go segela mo a šele “a gudiye tsa gore a ka šadha,” fote ka nako yone o ko ba a fitiye ga nako ya gore tso tsa go nabela go maka tsa maroga a di sa mo hlupa ka matla, fote o ko thogo segelela dipheto tsa gabutši.—1 Makorente 7:36.
5. A di nyake motho a ba le magaba mo a kgeta ye a nyakang go šadha naye
Sepheto sa go kgeta ye o nyoko šadhang naye se feta dipheto tsa go tlala tso o nyoko tsogang o di makiye. Bala Matewu 19:4-6, 9, ke mokane le petapete ka putsiso yowa:
Ke ntaba di sa nyake Makreste ma tabogela go šadha?
Bhayibele yi ka go gelepa gore o tšibe gore ke motho wa mošaga mang ye o nyakang go šadha naye. Se segolo ke gore o lebelele motho wa gore tso tsa Jehova o kwana natso ka matla.b Bala 1 Makorente 7:39 le 2 Makorente 6:14. Ke mokane le petapete ka diputsiso tsowa:
Mo motho a nyaka go šadha, ke ntaba a tshwanele a tseyane le motho wa gore le yene ke Mokreste, a sa tseye wa ka tawong?
O bona nkare Jehova o nyoko re king mo a bona motho a šadha le ye mongwana wa gore aa yisi felo ka Yene?
Mo ba ka panisa diphoolwane ka dipedi tsa gore a di tshwane, di nyoko gogisana go baba. Le Mokreste mo a ka tseyana le motho wa gore aa rapele Jehova, o šuhlašuhla dinose fote di nyoko mo teya di mo teyye
6. Kopisela ka mokgo Jehova a tseyang mošadho
Ga Israyele ya ku botala, banna ba bangwana ke mo ba hlala basadi ba bona ka taba la selo se senyana sa go sa re selo. Bala Malaki 2:13, 14, 16, ke mokane le petapete ka putsiso yowa:
Ke ntaba Jehova a hloyye bo ba gore ba maka bošakašakane gore ba thogo hlala banna kela basadi ba bona?
Bonghwahla le go hlala di kwaletsa ye wa gore aa sinya selo di boya di kwaletsa le bananyana
Kgana VIDIYO, ke mokane le petapete ka putsiso ya go latela.
Mo nkare o tseyanne le motho wa gore aa rapele Jehova, o ka maka byang gore mošadho wa lune wo phomelele?
7. Berekisa melawo ya Jehova ga taba ya mošadho
Di nyaka motho a ro karakara gore a berekise melawo ya Jehova ya go bolabola ka batho ba gore ba šadhiye.c Mara bo ba makang ka mokgonone, Jehova o nyoko ba rufa. Kgana VIDIYO.
Bala Maheberu 13:4, ke mokane le petapete ka diputsiso tsowa:
Ayitsano o bona nkare melawo yo Jehova a re beyelang yona ga taba ya mošadho ya kwagala? Ke ntaba o reyane?
Jehova o nyaka gore Makreste ma ngwadise mo ma šadha le mo ma hlalana, ga dinaga tsa go tlala, mmušo wo nyaka gore re make tsotsone. Bala Tito 3:1, ke mokane le petapete ka putsiso yowa:
Mo nkare o šadhiye, ayitsano a o kamake gore mošadho wone wa tšibega ga ba go lawola ba mmušo?
YE MONGWANA A KA BUTSISA GORE: “Anthe re sa šadhela ying? Di gana kaye gore batho ba dule ggoši?”
Wene o ka re king?
MONOPO
Go šadha le go dula re sa šadha, ke so Jehova a re neyyeng. Mo re berekisa dilo tso ka dipedi ka mokgo Jehova a nyakang, di nyoko re jabodisa di boya di re kgotsofatsa.
Tigopotse
Mo motho a sa šadha, a ka maka byang gore nako yone a yi jabolele?
Ke ntaba Bhayibele yi re mo motho a nyaka go šadha, a tseyane le motho wa gore le yene ke Mokreste, a sa tseye wa ka tawong?
Selo ka ssoši sa gore Mangwalo ma re batho ba ka hlalana mo se makegiye, ke sefeng?
NYAKELA
Go šadha le “lelata la Morena” di ra gore king?
“Diputsiso Tsa bo ba Šeleng ba Badiye” (Sewokamelo sa July 1, 2004)
Lebelela dividiyo ka dipedi tso di ka go gelepang gore o thogo segelela dipheto tsa gabutši ga taba ya go kgetisana le ya go šadha.
Lebelela gore ke ntaba mogageru ye mongwana a tseya gore tso Jehova a mo neyyeng tsona di feta kgole tso a di lisetsiyeng.
Di nyaka motho a nagane ka dilo difeng mo a soko segelela sepheto sa gore wa hlala kela o fo tšwa a fapanne le motho wage?
“‘So Modimo a se Swineleleng Lejokong’ o se Hlompe” (Sewokamelo sa December 2018)
a Lebelela Setwaba sa Mafelelong sa 4 sa go bolabola ka go yahlugana le mo go se na ye a makiyeng bonghwahla.
b Ga ditšo tse dingwana, babelegi ke bona ba kgetelang bana ba bona gore ba šadhe le bomang. Mo nkare le maka dilo ka mokgonone, di nyaka babelegi ba lebelele gore ayitsano mosogana yene kela kgareba yone yi kwana natso tso tsa Jehova, tsotsone di ko ba di šupetsa gore baa resa mo ba re ga ngwana bona ba mo nyaka ka matla, ba sa fo lebelela gore motho o na le tšheleta kela o tšibega go segela kaye.
c Mo nkare o dula le motho wa gore a wa šadha naye, sepheto sa gore wa tloga kela le ya šadha ke sago.
-