1 Petro 5:6, 7—“Tinyanafatseneng ga Modimo wa Matšhika, . . . le Kene le Bošela Tso le Šekelang ka Tsona Gage”

“Byalo tinyanafatseneng ga Modimo wa matšhika, gore a ko thogo le gadimisa ka nako ya gona, le kene le bošela tso le šekelang ka tsona gage, ka taba la gore wa tihlupa ka lune.”—1 Petro 5:6, 7, New World Translation.

“Tinyanafatseneng ga Modimo wa matšhika, gore a ko thogo le gadimisa ka nako ya gona, le kene le bošela mathatha ya lune gage, ka taba la gore wa tihlupa ka lune.”—1 Petro 5:6, 7, New King James Version.

Hlatollo ya 1 Petro 5:6, 7

Ga mantsu yawa Pawulo wa lepostola o tshepisa Makreste gore ma ka rapela Modimo ma sa kamake ma mmotsa tso di ba hlupang le mathatha ya wona. Modimo o kwana le bo ba go tinyanafatsa, fote o nyoko ba rufa la go sa hlayisege.

“Tinyanafatseneng. . . ga Modimo wa matšhika.” Ka ho Bhayibeleng, ga tlele letsogo la Modimo le rela matšhika yage ya go phonisa le go tšhireletsa. (Eksoda 3:19; Dotoronoma 26:8; Ezera 8:22) Makreste ma tinyanafatsa ka tlase ga letsogo la Modimo mo ma tithega ka yene. Ba tšiba tso di ba kgerelang fote ba di bona gore ne baa ka sa di kgone go hlula dintshitshiri bona beng. (Diyema 3:5, 6; Mafilipi 4:13) A ba kamake gore Modimo o na le matšhika ya go ba gelepa ka nako ya gabutši fote le ka tsela ya gabutši.—Jesaya 41:10.

“Gore a ko thogo le gadimisa ka nako ya gona.” Bo ba tiyiselang mathatha ba kene ba lefisiye pelo ba di tshepa tsa gore Modimo o nyoko fetsa ka mehlupego ya bona kela a ba rufa. A ka sa lisetse bo ba mo rapelang ba tlela ke dilo tsa gore ba ka sa kgone go di tiyisela. (1 Makorente 10:13) Go tokegela gana hone, mo ba ya mahlong ba maka tsa gabutši, Modimo o nyoko ba rufa “ka nako ya gona.”—Magalata 6:9.

“Le kene le bošela tso le šekelang ka tsona gage, ka taba la gore wa tihlupa ka lune.” Makreste ma ka bošela dilo ka moka tso di ba šekedisang ka go rapela Modimo ma kene ma tinyanafatsiye. Puku ye nngwana yi hlaya gore: “Lentsu go bošela le rela go boša selo so se leng ho ga rune ka matšhika ka moka. Le hlatolla kela ghayela gabutši.” Mo Mokreste a šele a bošele tso di mo šekedisang ga Modimo, mešekelo yage yi ba kawone ke mokane o makegela ke tso Bhayibele yi di hlayyeng mo yi re “Modimo o nyoko maka gore le bebe.” (Mafilipi 4:6, 7) Aa kamake gore Modimo o nyoko mo gelepa ka taba la gore Modimo wa tihlupa ka yene fote a ka berekisa matšhika yage ya go sa hlayisege gore a mo tiyise.—⁠Pisalema 37:5; 55:22.

Hlogotaba ya 1 Petro 5:6, 7

Tema 5 yi felela ka lengwalo la mathomo lo Petro wa lepostola a yyeng a le ngwalela Makreste. (1 Petro 1:1) Makreste ya dinako tsa botala, ma gahlanne le dintshitshiri tsa mehlobohlobo tsa go liketsa tumelo ya wona, tsa gore ne di maka gore ma šekele go fo tshwana le Makreste ya matšatši yawa. (1 Petro 1:6, 7) Le mo tsa lephelo di ba gakgela, Petro o ba ngwalele lengwalo la go ba tiyisa gana hala ga bo 62 go segela ka 64 C.E.—1 Petro 5:12.

Petro o fetsisele lengwalo lage ka mantsu ya go tiyisa ya gore ma gopotsa bo ba ghulanang le dintshitshiri ka taba la tumelo ya bona. Mo ba dula ba tinyanafatsiye fote ba tithega ka Modimo, ba ka sa kamake gore Modimo o nyoko ba gelepa gore ba yeme ba tiyye ba sa thogathoge. (1 Petro 5:5-10) Mantsu yawa ya Petro ma sa na ma tiyisa Makreste ya gore maa hlupegisiwa lekgono.

Lebelela vidiyo yo ye kopana o bone tsa go fo go lekisa tsa puku ya 1 Petro.