Nka bakaye bo ba nyoko tsogelang legedimong?

Bhayibele yi šupetsa gore ke 144 000 ya batho bo ba nyoko tsusiwang gore ba ye phela legedimong. (Kutullo 7:4) Ga mmono wo wo leng ga Kutullo 14:1-3, Johane wa lepostola o bonne “Nku yi yemme Thabeng ya Tsiyoni, ke mo yi na le ba 144 000.” Ga mmono wowa, “Nku” yi yemela Jeso wa gore o tsusiwwe ga bo ba kgwileng. (Johane 1:29; 1 Petro 1:19) “Thaba ya Tsiyoni” yi yemela mayemo ya gedimo ya Jeso le bo ba 144 000 ba gore ba nyoko lawola naye ku legedimong.—Pisalema 2:6; Maheberu 12:22.

Ke mokane “bowa ba gore ba bitsiwwe ba gore ba kgetiwwe” gore ba lawole le Kreste ga Mmušo wa Modimo, ba re ke “morape wo monyana.” (Kutullo 17:14; Luka 12:32) Tsotsone di napa di šupetsa gore bowa ba ko ba ba sa tlala mo re ba lekanisa le nombhoro yela ya dinku tsa Jeso.—Johane 10:16.

Tso batho ba sa di kwisising gabutši: Nombhoro yo yi leng ga Kutullo ya 144 000 go fo ba ya go tshwanisela, a yi nombhoro ya mannete.

Nnete: Le mo Kutullo yi na le dinombhoro tsa go tshwanisela, mara tse dingwana tsa tsona ke tsa mannete. Mo re beyisa, yi bolabola ka “12 ya mabitso ya mapostola ya Nku.” (Kutullo 21:14) Lebelela tso di šupetsang gore nombhoro yowa ya 144 000 di nyaka re yi tseye go le ya mannete.

Kutullo 7:4 yi bolabola ka “nombhoro ya bo ba merekiwweng, [kela, bo ba kgetiwweng gore ba nyoko phela legedimong], go leng 144 000.” Ditemanyana tso di leng thina le temanyana yowa di bolabola ka mogoba wa bobedi go leng “mogoba wo mogolo ka matla wa batho, wa gore ke mo go se na ye a ka kgonang go wo balela.” Bo ba “mogoba wo mogolo ka matla” le bona ba nyoko phonisa ke Modimo. (Kutullo 7:9, 10) Mola nombhoro yowa ya 144 000 go le ya go tshwanisela fote yi bolabola ka mogoba wa gore a wo na palo, nke re sa kgone go bona gore megoba yowa ka mmedi yi fapana mo di tla kaye.a

Go tokegela gana hone, bo ba 144 000 ba ba hlatolla gore ba “rekiwwe lefaseng gore go be nkare ke diyengwa tsa mathomo.” (Kutullo 14:4) Mantsu yawa ya gore “diyengwa tsa mathomo” ma rela batho ba gore a baa tlala ba gore ba ba kgetiye. Le hlatolla gabutši bo ba gore ba ko ba ba na le Kreste ku legedimong fote ba nyoko lawola batho ba go tlala bo ba leng lefaseng ba gore nombhoro ya bona a yi tšibege.—Kutullo 5:10.