Ditodi tsa Sepukwane sa Mogahlano wa Maphelelo le Matšhomayelelo
DECEMBER 3-9
MAKOLWANE KA TENG GA LENTSU LA MODIMO | MEBEREKO 9-11
“Sekgohlane se ba Motšhomayedi wa go ba le Matšato”
(Mebereko 9:1, 2) Sawulo ke mo a sa na a fufulele ka matla fote a nyaka go bolaya bo ba latelelang Morena, a šinya a ya ga moprista ye mogolo 2 a ye mo kgopela marifi ya gore a kene sinagogeng ya Damasekhase, gore a thogo tshwara banna le basadi bo ne ba le ga Tsela, a ba yise Jerusalema.
bt 60 ¶1-2
Phuthego “yi Thomisa go Beba”
BO BA dipelo tse diphifadu ke bobone ba ya Damasekhase ba ye maka batho ba bangwana lešidi. Ba hloyye malata ya Jeso ka matla, byalo ba nyaka go ba gonyolla dintlong tsa bona, ba ba tlema, ba ba hlupegisa fote ba ba gogoyisanya ba ba yisa Jerusalema gore ba ye gahlana le Masanhendrini yala ya go fufulela.
2 Sawulo ke yene wa gore ke mo a yetiye mogoba wowa mahlong, fote yene o šele a bolayye motho. Ke mo go se botala Sawulo a lebelele Stefano wa gore o latelela Jeso mo ba kene ba mmolaya ka matlapa, fote tsotsone ke mo di sa mmabe le ka gonyana. (Meber. 7:57–8:1) Ne a kwa a sa kgolwa mo a hlupegisa bo ba latelang Jeso ba ku Jerusalema, byalo Sawulo yewa o kutšetsela batho ba bangwana gore le bona ba ba hlupegise. Ne a nyaka go fetsa ka mogoba wowa wa gore a wo pomege matšhika wo ba reng ke wa “Tsela.”—Mebereko 9:1, 2; lebelela lebhokisi la gore “Tso Sawulo a Reng di Makiwe Hala Damasekhase,” ga lephephe 61.
(Mebereko 9:15, 16) Mara Morena a re gage: “Ariye, ka taba la gore monna yewa ke yene sitša so se hlawolediwweng nna gore a thogo bolabola ka lebitso laka ga ditšhaba ka mokana ga tsona le ga magoši le ga barwayi ba Israyele. 16 Nko mo šupetsa gabutši gore o nyoko hlupegisiwa ka dilo ka dikaye ka taba la lebitso laka.”
w16.06 7 ¶4
Go Lesetsa Jehova a re Wolola
4 Mo Jehova a lebelela motho, aa yi ka gore motho yene o yemegiye byang ka ho tawong. Mara o lebelela ka hala pelong, mong so se leng ka ku tengteng. (Bala 1 Samuwele 16:7b.) Modimo o šupetsiye sosone nakwela a maka phuthego ya Sekreste. O gogele batho ho gage le ga Morwayi wage, ba gore ba bangwana ke mo ba ba tseyela fase ka matla. (Joh. 6:44) Ye mongwana wa gona ne go le Lefaraseyi lo ba reng ke Sawulo, wa gore ne “a rogelelanya le go hlupegisa batho fote a na le tšhinghi.” (1 Thim. 1:13) Mara Jehova ke yene wa go “fatisisa dipelo,” ke mo a sa tseye Sawulo go le letsupa la go khwaša. (Diy. 17:3) O di bonne gore a ka mo maka sitša sa go bafala, gabutšibutši ‘sitša sa go hlawodiwa’ gore a tšhutise nnete “ga ditšhaba ka mokana ga tsona le ga magoši le ga barwayi ba Israyele.” (Meber. 9:15) Ba bangwana ba gore Modimo o ba bonne gore go ka ba ditša ‘tso di ka berekisiwang gabutši’ ke ba gore ne ba tlayila, ba sa titshware gabutši le ba go yetswa. (Maroma 9:21; 1 Makor. 6:9-11) Mo ba thomisa go tšiba gabutši tso di tšhutisang ke Lentsu la Modimo, ba yye ba ba le tumelo ke mokane ba mo dumelela ga Jehova gore a ba potolle.
(Mebereko 9:20-22) fote o napiye a thomisa go tšhomayela ka Jeso disinagogeng, gore yewa ke yene Morwayi wa Modimo. 21 Mara bo ne ba mo theetsele ka mokana ga bona ba makala, ba re: “Ayitsano morenewa a bitsang lebitso lowa a yi yene yela ne a dhunghanya bo ne ba le Jerusalema? Nje aa tlela go tl’le ba tshwareng gore a ba yise ga maprista ya magolo?” 22 Mara Sawulo ke mo a fo ya mahlong a kene a bolabola ditaba tsa go kwagala a sa šepisi, a re yewa ke yene Kreste, a šala a makatsiye Majuda ya ne ma dula Damasekhase.
bt 64 ¶15
Phuthego “yi Thomisa go Beba”
15 Bo ne ba theetsele Sawulo ne ba makele fote ba fufulele mo ba mmona a thomisa go tšhomayela ka Jeso ku disinagogeng. Ke mokane ba butsisa ba re: “Ayitsano morenewa a bitsang lebitso lowa a yi yene yela ne a dhunghanya bo ne ba le Jerusalema?” (Meber. 9:21) Mo Sawulo a ba hlatollela gore Jeso ke yene a makiyeng gore a tšhentšhe pelo yage, o yye “a bolabola ditaba tsa go kwagala a sa šepisi, a re yewa ke yene Kreste.” (Meber. 9:22) Mara tso ne a di bolabola a di ya tikisa batho ka mokana ga bona. Ba bangwana ke mo ba šele ba topele ke setšo ka matla kela ba na le magetla. Tsotsone ga Sawulo a di ya maka gore a šepise.
Go Wunyulla tso di Wutammeng ka Baebeleng
(Mebereko 9:4) ke mokane a wela mo fase a kwa lentsu le bolabola naye le re: “Sawulo, Sawulo, anthe o nhlupela ying?”
bt 60-61 ¶5-6
Phuthego “yi Thomisa go Beba”
5 Mo Jeso a yemisa Sawulo pateng ya go ya Damasekhase, aa mmutsisa gore: “Ke ntaba o hlupa bo ba nlatelelang?” Go ya ka so se hlayiwweng ka ho kgakala, o yitseri: “Anthe o nhlupela ying?” (Meber. 9:4) Mo bo ba latelelang Jeso ba hlupegisiwa, Jeso o kwa go baba la nkare go hlupegisiwa yene.—Mat. 25:34-40, 45.
6 Mo nkare le wene wa hlupegisiwa ka taba la gore o dumela ga Kreste, napa o di tšiba gore Jehova le Jeso ba nago ga seyemo sosone. (Mat. 10:22, 28-31) Tse dingwana tso di go phikang di ka fo sa fele gana byalo. O sa lebale gore Jeso o di bonne gore Sawulo ne a le gona nakwela Stefano a bolayiwa, fote o di bonne mo Sawulo a kene a gogoyisanya malata ya go tshepega ya Jeso, a ma ntsha mitšing ya wona ke mokane a ma yisa Jerusalema. (Meber. 8:3) Mara Jeso o yye a fo di lesetsa ka nako yonone. Mara Jehova o yye a maka gore Kreste a neye Stefano le ba bangwana bo ba mo latelelang matšhika ya gore ba ye mahlong ba tshepega.
(Mebereko 10:6) Monna ye o vakašele Simoni wa go šoga mekgopa, wa gore o yagiye ntlo thina ga lewatle.”
nwtsty tso di fatisisiwweng ga Meb 10:6
Simone wa go šoga mekgopa: Go na le khemikhale yo ne yi berekisa ke motho wa go šoga mekgopa ya diphoolwane mo a tlosa maboya kela dinamanamane tsa go šalela le makgura. Ke mokane ke mo a tšhela mokgopa wone ka sepayoni gore o thogo tematema ke mokane a maka dilo tsa mehlobohlobo ka wona. Dikgopa tsone ne di nkga, byalo ne di nyaka a di tšhele ka meetši ya go tlala, fote sosone se ka fo ba se šupetsa gabutši gore Simone ne a maka king mo a šinya a dula thina ga lewatle, ga gore kela ke mo go le mo Jopa yi felelang gona. Molawo wa Moše ke mo wo re motho ye ne a bereka ka ditopo tsa diphoolwane o thilafele. (Lef 5:2; 11:39) Byalo, Majuda ya go tlala ne ma ba tseyela fase bo ba go šoga mekgopa ya diphoolwane fote ne ba sa nyake go dula nabo. Gabutšibutši, ka nthago Talmud ne yi re bo ba go wolela boraga ne ba phala bo ba go šoga mekgopa. Mara go kgera batho ka mokgonone a gwa maka gore Petro a sa nyake go dula le Simone. Petro ne a šele a kwisisa dilo gabutši, sosone se yye sa mo lukiselela taba ye nngwana yo ne a le thina le go yi maka, taba yone ke ya go vakaša gaye ga motho wa gore a yi yene Lejuda. Ba bangwana ba go tšhutega ba re lentsu lo la Segerika la gore “wa go šoga mekgopa” (byr·seusʹ) le rela moloko wa Simone.
Go Bala Baebele
(Mebereko 9:10-22) Ne go na le lelata lo ba reng ke Ananiyase hala Damasekhase, Morena a botsa lelata lowa ka mmono a re: “Ananiyase!” Yene a re: “Ke nna yewa Morena.” 11 Morena a re gage: “Tlogamela, o ye ga pata ye ba reng ke ya go Wolologa, o nyakane le monna ye ba reng ke Sawulo wa go tšwa Tarasuse, hala ntlong ya Judase. Gana byalo lowa, o kene wa rapela, 12 o bonne monna ye ba reng ke Ananiyase a mmeya matsogo mmonong gore a thogo popologa mahlo.” 13 Mara Ananiyase mo a fetola a re: “Morena, nkwile ba go tlala ba bolabola ka monna yewa, le ga dilo ka mokana ga tsona tso a kwaletsiyeng batho ba go hlawolega Jerusalema. 14 Fote le gana byalo maprista ya magolo ma mo dumelele gore batho ka mokana ga bona ba gore ba bitsa lebitso lago.” 15 Mara Morena a re gage: “Ariye, ka taba la gore monna yewa ke yene sitša so se hlawolediwweng nna gore a thogo bolabola ka lebitso laka ga ditšhaba ka mokana ga tsona le ga magoši le ga barwayi ba Israyele. 16 Nko mo šupetsa gabutši gore o nyoko hlupegisiwa ka dilo ka dikaye ka taba la lebitso laka.” 17 Byalo Ananiyase a ya a kena ntlong yone, a mmeya matsogo a re: “Sawulo, wweru, ke romme ke Morena Jeso ye a nyareleng gago mo o kene o tla ka pata yowa a re ke go gelepe o thogo popologa mahlo ke mokane o tlale moya wa go hlawolega.” 18 Ke mokane ka nako yonone, ho mahlong yage gwa wa dilo tse dingwana tsa go tshwana le magatlapi, ke mokane a thomisa go bona fote. A tlogamela, a napa a kolobetsiwa, 19 fote a ja tsa go ja a kwa a na le matšhika. A dula matšatšinyana le malata ya Damasekhase, 20 fote o napiye a thomisa go tšhomayela ka Jeso disinagogeng, gore yewa ke yene Morwayi wa Modimo. 21 Mara bo ne ba mo theetsele ka mokana ga bona ba makala, ba re: “Ayitsano morenewa a bitsanyang lebitso lowa a yi yene yela ne a dhunghanya bo ne ba le Jerusalema? Nje aa tlela go tl’le ba tshwareng gore a ba yise ga maprista ya magolo?” 22 Mara Sawulo ke mo a fo ya mahlong a kene a bolabola ditaba tsa go kwagala a sa šepisi, a re yewa ke yene Kreste, a šala a makatsiye Majuda ya ne ma dula Damasekhase.
DECEMBER 10-16
MAKOLWANE KA TENG GA LENTSU LA MODIMO | MEBEREKO 12-14
“Bharenabase le Pawulo ba Tšhutisa Batho ga Dipoleke tsa Kgole Gore ba be Malata”
(Mebereko 13:2, 3) Mo ba kene ba berekela Jehova fote ba tikona tsa go ja, moya wa go hlawolega wa re: “Nhlawoleleneng Bharenabase le Sawulo gore ba make mmereko wo ke ba bitseleng wona.” 3 Mo ba fetsa go tikona tsa go ja le go rapela, ba yye ba ba beya matsogo ke mokane ba ba lisetsa ba sepela.
bt 86 ¶4
“Ba Jabodiye Fote ba Tlele Moya wa go Hlawolega”
4 Mara ke ntaba moya wa go hlawolega o yitseri go hlawodiwe Bharenabase le Sawulo gore ba make “mmereko wo”? (Meber. 13:2) Baebele a yi hlaye. Re ya di tšiba gore ba yetetsiye ke moya wa go hlawolega mo ba kgeta banna bowa. A se šiyo sa go šupa gore maporofeta le mathitšere ya Anthiyoko ba yye ba ganana le sepheto sone. Gabutšibutši ba yye ba kwana naso ka matla. O fo nagana gore Bharenabase le Sawulo ba yye ba tikwa byang mo ba bona magagabo bona ba “tikona tsa go ja le go rapela” ba sa kwe ba ba jelasela, fote “ba ba beya matsogo ke mokane ba ba lisetsa ba sepela.” (Meber. 13:3) Le rune di nyaka re thege bo ba neyiwang mebereko ya mehlobohlobo ka mo ga tsa Modimo, le banna ba gore ba hlawodiwwe gore ba wokamele ka ho phutegong. A di nyake re jelasela ba bangwana mo ba neyiwa mebereko ya mošaga wonone, di nyaka “re ba tseyele gedimo fote re šupetse gore re ba nyaka ka matla ka taba la mmereko wo ba wo makang.”—1 Mathes. 5:13.
(Mebereko 13:12) Mo ndhuna yi bona tso di makegiyeng, ya napa yi dumela ka taba la gore ne yi makatsiye ke tso ba di tšhutisang ka Jehova.
(Mebereko 13:48) Mo ba ditšhaba ba kwa tsotsone, ba napa ba di jabolela le go gadimisa Jehova, ke mokane bo ne ba tlalele ga tsa gabutši tsa lephelo la go ya go yye ka mokana ga bona ba yye ba dumela.
(Mebereko 14:1) Mo ba segela Ikoniyamo ba kenne magahla sinagogeng ya Majuda ba thomisa go bolabola ka mokgwa wa gore o maka Majuda le Magerika ya go tlala ka matla ma kwe di ma tšhofa gore ma šinye ma dumele.
bt 95 ¶5
“Ba Bolabola ba Šišimele ka Taba la Matšhika ya Jehova”
5 Pawulo le Bharenabase ba thomisiye ka go ya Ikoniya, poleke ye ne go dula Magerika fote go le ye nngwana ya ditoropo tse dikgolo tsa Roma ya hala Galata. Toropo yowa ne yi na le Majuda ya gore ne ma kutšetselana fote ke mo yi na le batho ba go tlala ba gore a yi bona Majuda mara ke mo ba kenne ga sedumedi sa Sejuda. Pawulo le Bharenabase ba kenne sinagogeng ba thomisa go tšhomayela ka mokgonola ne ba tlwayele. (Meber. 13:5, 14) Ba yye ba “bolabola ka mokgwa wa gore o maka Majuda le Magerika ya go tlala ka matla ma kwe di ma tšhofa gore ma šinye ma dumele.”—Meber. 14:1.
(Mebereko 14:21, 22) Mo ba fetsa go bolabola ditaba tsa go bafala le go maka malata ya go tlalanyana ga mutši wonone, ba yye ba sologa ba ya Lisitara, Ikoniyamo le Anthiyoko. 22 Ke mokane ba tiyisa malata ya gana hone, ba ma hlohletsela gore ma dule ma na le tumelo ba re: “Ga Mmušo wa Modimo di nyaka re kene re hlupegisiwwe ka dilo tsa go tlala.”
w14 9/15 13 ¶4-5
Tshepega mo o Berekela Modimo le mo o Kene o ‘Hlupegisiwa ka Dilo tsa go Tlala’
4 Mo Pawulo le Bharenabase ba tloga Derebe, “ba yye ba sologa ba ya Lisitara, Ikoniyamo le Anthiyoko. Ke mokane ba tiyisa malata ya gana hone, ba ma hlohletsela gore ma dule ma na le tumelo ba re: ‘Ga Mmušo wa Modimo di nyaka re kene re hlupegisiwwe ka dilo tsa go tlala.’ ” (Meber. 14:21, 22) Mo taba yowa o sa thomisa go yi kwa, yi ka fo šupa nkare a yi kwale tsona. Mantsu ya gore di nyaka re ‘hlupegisiwe ka dilo tsa go tlala’ ma šupa nkare maa kgongwetsana, a ma tiyisane. Byalo Pawulo le Bharenabase ba yye ba “tiyisa malata” yane byang ka mantsu yanawa ya gore ba nyoko hlupegisiwa ka matla?
5 Mo re lebelela mantsu ya Pawulo gabutši, re nyoko kraya phetolo. Aa hlaya gore: “Di nyaka re tiyisele mo re hlupegisiwa ka tsa go tlala.” Mara o yitseri: “Ga Mmušo wa Modimo di nyaka re kene re hlupegisiwwe ka dilo tsa go tlala.” Pawulo o tiyisiye malata yane ka go šihlela gore mo ma tshepega, go nyoko ba le maphomela ya gabutši. Maphomela yane a yi fo ba dilo tsa go tikhandela. Jeso le yene o yitseri: “Ye a nyoko bang a tiyisele go segela mafelelong o nyoko phonisiwa.”—Mat. 10:22.
Go Wunyulla tso di Wutammeng ka Baebeleng
(Mebereko 12:21-23) Ka letšatši lo le hlawodiwweng, Heroda a yapara kobo ya bogoši ke mokane a dula ga setulo sowa go yahlolediwang ga sona, a thomisa go bolabola le batho. 22 Ke mokane batho bo ne ba le gana hone ba thomisa go yahlamela ba re: “Lowa ke lentsu la modimo, a yi la batho!” 23 Morongwa wa Jehova a napa a mo teya ka nako yonone ka taba la gore aa gadimisa Modimo ke mokane a ja ke diboko a kgwa.
w08 5/15 32 ¶7
Tsa go tšwa ga Puku ya Mebereko
12:21-23; 14:14-18. Heroda o yye a jabola ka matla mo go gadimisiwa yene mara gabutšibutši ne di nyaka go gadimisiwe Modimo a ntoši. Pawulo le Bharenabase bona ke mo ba se ka mokgonone, ba yye ba gana ka matla mo ba thanakiwa le go gadimisiwa mara di sa ba tshwanele! Mo re maka mmereko wowa wa Jehova, a di nyake re nabela go gadimisiwa.
(Mebereko 13:9) Ke mokane Sawulo, wa gore fotefote ba re ke Pawulo, a tlala moya wa go hlawolega, a mo gorolela mahlo
nwtsty tso di fatisisiwweng ga Meb 13:9
Sawulo, wa gore fotefote ba re ke Pawulo: Go tlugisela gana byalo, monna yewa byalo ke Pawulo, a go sa le Sawulo. Lepostola lowa le belegiwwe go le Leheberu la go dula Roma. (Meb 22:27, 28; Fil 3:5) Di ka makega gore go tlugisela go sa le ye monyana, ne a na le lebitso la Seheberu la Sawulo le la Seroma la Pawulo. Majuda ya nako yonone, ka matlamatla ya gore ne ma dula ka tawong ga Isirayele, ne ma di tlwayele tsa go kraya motho a na le mabitso ka mabedi. (Meb 12:12; 13:1) Mašaga ya mangwana ya Pawulo le wona ne ma na le mabitso ya Seroma le ya Segerika. (Rom 16:7, 21) Pawulo ne a tshwanele go tšhomayela ditaba tsa go bafala le ga batho ba gore a yi Majuda ka taba la gore ne go le “lepostola la ditšhaba.” (Rom 11:13) A ka fo ba a tinyakele go berekisa lebitso lage la Seroma; a bonne nkare le nyoko yamogelega. (Meb 9:15; Gal 2:7, 8) Ba bangwana ba tsere nkare ke mo a nyaka go hlompa Seregiyo Pawulose mo a berekisa lebitso la Seroma, mara taba yone a yi nape yi kwala gabutši ka gore o yye a fo le berekisa le mo a šele a tlugiye Sipero. Ba bangwana ba re di ka makega gore Pawulo ke mo a sa nyake go berekisa lebitso lage la Seheberu ka taba la gore ne le kwala nkare ke lentsu la Segerika la go rela motho (kela phoolwane) wa go kganya mo a sepela.—Bona tso di fatisisiwweng ga Meb 7:58.
Pawulo: Ga Mangwalo ya Sekreste ya Segerika, lebitso la gore Pauʹlos, la go tšwa ga Selathini la Paulus, la go rela “Selo se Senyana; Se Setwii-twii,” le berekisiwwe ga 157 mo go bolabodiwa ka Pawulo wa lepostola fote le berekisiwwe gateya mo go bolabodiwa ka ndhuna ya Sipero ye ba reng ke Seregiyo Pawulose.—Meb 13:7.
Go Bala Baebele
(Mebereko 12:1-17) Ka dinako tsotsone, Kgoši Heroda a thomisa go maka ba bangwana lešidi ka ho phutegong. 2 O yye a bolaya Jakobo bhuti wa Johane ka sabola. 3 Mo a bona gore di jabodisa Majuda, a ye tshwara le Petro. (Tso di makegiye ka nakwela ya Sekgwa sa Gore a se na Dikomelo.) 4 O mo tshwere ke mokane a mo bošela jele, megoba ka mene ya masole ka mane ne go le bo matšinghelani ba tšhentšhisana ka yene, ne ba nyaka go mo ntsha gore a ye bathong mo Paseka yi šele yi fitiye. 5 Byalo ka nako yonone ya ho Petro a le jele, phutego ne yi kene yi mo rapelela ga Modimo di yi baba. 6 Mo Heroda a šele a le thina le go mo ntsha, bošego byone Petro ne a yetsele ba mo tlemme ka diketane ka dipedi, a le segare sa masole ka mabedi, fote ho sekwalong ne go na le bomatšinghelane bo ne ba pasopa jele. 7 Mara gwa nyarela morongwa wa Jehova, a yema hone, gwa thomisa go khanya ka sekamaraneng sa jele. Gwa khanyisa lehlaya la Petro, ke mokane morongwa a mo tsusa a re: “Tsuga, tšhetšhisa!” Diketane tsela tso ne di le ho matsogong yage tsa napa di wa. 8 Morongwa a re gage: “Yapara dikobo o rwale le dimphašane tsago.” A maka tsotsone. Mafelelong a re gage: “Yapara kobo yago ya ka tawong, o ye mahlong o kene o nšele nthago.” 9 A tšwa ke mokane a fo ya mahlong a kene a mo šele nthago, mara ne a sa di tšibi gore tso di makegang ka morongwa yewa di makega tsa mannete. Gabutšibutši, ne a tseya nkare ke mmono. 10 Ba feta matšinghelane wa mathomo le wa bobedi, ba segela gheyiting ya tshipi ya go ya mutšing, le yona ya fo tipulegela. Mo ba šele ba tšwile, ba yye ba thewogela pateng, ke mokane morongwa yela a napa a nyamalala. 11 Mo Petro a thomisa go bona gore go makega ying a re: “Byalo ke ya di tšiba gore Jehova o romme morongwa wage fote o mphonisiye ga Heroda le dilo ka mokana ga tsona tso Majuda ne ma yemele gore di makege.” 12 Mo a šele a bonne tsotsone, a ya gaye ga Mariya mmane wa Johane wa gore ne ba re ke Mareka, gana hone ne go na le batho ba go tlalanyana bo ne ba gahlanne fote ba rapela. 13 Mo a kokota hala go keniwang gona, gwa tla ngwannyana ye go leng lelata ye ba reng ke Roda a tl’le buleng. 14 Mo ngwannyana yene a kwa lentsu la Petro, a jabola ka matla a šinya a lebala go bula gheyiti, mara a taboga a ye ba botseng gore hala gheyiting go na le Petro. 15 Ba re gage: “Wa hlanya wene.” Mara a fo hlaya a sa fetse gore wa resa. Ba thomisa gore: “Ke morongwa wage.” 16 Mara Petro a yema gana hone, a kene a kokota. Mo ba bula monyako, ba yye ba mmona ke mokane ba makala ka matla. 17 Mara a hlaya a berekisa letsogo gore ba kgomolele, fote a ba botsa ditaba ka mokana ga tsona gore Jehova o mo ntshiye byang jele, a boya a re ga bona: “Le botseneng Jakobo le magageru dilo tso.” Mo a fetsa, a tšwa a ya ga poleke ye nngwana.
DECEMBER 17-23
MAKOLWANE KA TENG GA LENTSU LA MODIMO | MEBEREKO 15-16
“Sepheto so ba Kwanneng ka Sona sa go Tšwa ga Lentsu la Modimo”
(Meb 15:1, 2) Byalo banna ba bangwana ne ba tšwa Judiya ke mokane ba thomisa go tšhutisa magageru ba re: “Mo le ka sa bollwe go ya ka molawo wa Moše le ka sa phonisiwi.” 2 Mara ka nthago ga gore ba phigisane le Pawulo le Bharenabase ba šinya ba sa kwane, go yye gwa lukisiwa gore Pawulo le Bharenabase le ba bangwana ba ye ga mapostola le bagolo ba Jerusalema, ba yise taba yowa.
bt 102-103 ¶8
“Gwa Tsuga Ntshetshere”
8 Luka o ya mahlong o re: “Mo Pawulo le Bharenabase ba tsusa ntshetshere nabo [“banna ba bangwana”], ba yye ba [bagolo] kwana ka gore Pawulo le Bharenabase le ba bangwana ba ye ga mapostola le banna ba bagolo ku Jerusalema ba yise taba yone.” (Meber. 15:2) ‘Ntshetshere le go sa kwane’ di šupa gore megoba yowa ka mmedi ke mo yi sa kwane le ka gonyana, fote phutego ya Anthiyoko ke mo yi šitega go lukisa taba yone. Byalo gore go thogo beba le gore ba mamarelane ba be selo ka ssoši, phutego yi yye ya hlalefela taba yowa, ya ye butsisa “mapostola le banna ba bagolo ba Jerusalema,” ba gore ke mo go le mogoba wa go lawola. Re tšhuta ying ga bagolo ba Anthiyoko?
(Meb 15:13-20) Mo ba šele ba fetsiye go bolabola, Jakobo a fetola ka gore: “Banna, magageru, ntheetseleneng. 14 Simiyone o yedisiye taba mo a bolabola gore ne go le la mathomo Modimo a ntsha batho bo ba yemelang lebitso lage ditšhabeng. 15 Tsotsone ne di kwana le Maporofeta ya ma ngwadiyeng gore: 16 ‘Ka nthago ga dilo tsowa, letente la Dafita la gore le wile ke nyoko le tsusa fote; ke nyoko le tsusa ka go yaga mašupi ya lona fote, 17 gore banna bo ba šalang ba gore ba mo ga yona ba nyake Jehova di ba baba, le batho ba go tšwa ditšhabeng ka mokana ga tsona, le ba gore ba bitsiwa ka lebitso laka, tsowa di bolabola ke Jehova wa gore o maka dilo tsowa, 18 ke botala a tšibiwa. 19 Byalo, a ke ya segelela sepheto sa go hlupa batho ba go tšwa ga ditšhaba tse dingwana ba gore ba thomisa go nyaka Modimo, 20 mara ke ba ngwalela gore ba sepelele kgole le dilo tsa gore di tšhediye dithila ke medimo ya dighobolwane, bonghwahla, dilo tsa go tlinyiwa, le madi.
w12 1/15 5 ¶6-7
Makreste ya Mannete ma Hlompa Lentsu la Modimo
6 Ditaba di lukisiwwe go berekisiwa Amosi 9:11,12. Taba yowa yi hlayiwwe ga Mebereko 15:16, 17, ya gore: “Letente la Dafita la gore le wile ke nyoko le tsusa fote; ke nyoko le tsusa ka go yaga mašupi ya lona fote, gore banna bo ba šalang ba gore ba mo ga yona ba nyake Jehova di ba baba, le batho ba go tšwa ditšhabeng ka mokana ga tsona, le ba gore ba bitsiwa ka lebitso laka, tsowa di bolabola ke Jehova wa gore o maka dilo tsowa.”
7 Ba bangwana ba ka fo re, ‘Mara taba yowa a yi hlaye gore ne di sa nyake gore batho ba gore a yi bona Majuda ka hlago ba bulutsiwe.’ Ke nnete, mara batho ba gore ke bona Makreste ya Majuda ne ba nyoko yi kwisisa taba yowa. Ke mo ba sa tseye gore batho ba gore ba bulutsiwwe mara a yi bona Majuda ‘ke batho ba ka tawong,’ mara ke mo ba ba tseya go le magagabo. (Ek 12:48, 49) Mo re beyisa go ya ka Septuagint yo yi ngwadiyeng ke Bagster, lengwalo la Estere 8:17 le re: “Ba go tlala bo ne go se Majuda ba yye ba bulutsiwa ke mokane gwa ba bona Majuda. Mangwalo ma hlayye botala gore bo ba šeleng ga ntlo ya Israyele (Majuda le ba gore ba bullwiye ba gore ba sokologele Sejudeng) le “batho ba ditšhaba ka moka” (ba go sa bollwa bo ne go se Majuda) ne ba nyoko ba selo ka ssoši ba yemela lebitso la Modimo, molayetsa wone ne wo kwagala. Bo ne ba nyaka go ba Makreste ne di sa nyake gore ba bollwe.
(Meb 15:28, 29) Ka taba la gore rune le moya wa go hlawolega ke mo re sa nyake go le yeketsela morwalo, ke mo re fo tinyakela go le botsa dilo tsowa tsa go nyakega: 29 gore le ye mahlong le kene le sepelela kgole le medimo ya dighobolwane, madi, dilo tsa go tlinyiwa, le bonghwahla. Mo le karakara gore le kganele kgole le dilo tsowa, le nyoko phomelela. Le ko thogo phelega gabutši!”
(Meb 16:4, 5) Mo ba kene ba feta ga mitši ya mehlobohlobo, ba yye ba ba botsa sepheto so se segeleleng ke mapostola le bagolo bo ne ba le hala Jerusalema. 5 Ke mokane diphutego di yye tsa ya mahlong di kene di tiyelela tumelong le nombhoro ya bona yi yeketsega ka moka matšatši.
bt 123 ¶18
“Go Tiyisa Diphutego”
18 Pawulo le Thimothi ba fetsiye mengwaga ya go tlala ba bereka ggoši. Ka gore ne go le malata ya ma tšwang ma sepela, ne ba maka mebereko ya mehlobohlobo, tsa nkare ba berekela mogoba wa go lawola. Baebele yi re: “Mo ba kene ba feta ga mitši ya mehlobohlobo, ba yye ba ba botsa sepheto so se segeleleng ke mapostola le bagolo bo ne ba le hala Jerusalema.” (Meber. 16:4) Di šupa nkare diphutego di yye tsa theetsela mo di yetetsa ke mapostola le banna ba bagolo ba hala Jerusalema. Ka taba la gore ba theetsele, “diphutego di yye tsa ya mahlong di kene di tiyelela tumelong le nombhoro ya bona yi yeketsega ka moka matšatši.”—Meber. 16:5.
Go Wunyulla tso di Wutammeng ka Baebeleng
(Meb 16:6-9) Go yeketsa gana hone, ba yye ba šinya ba sepela Feregiya le poleke ya Galatiya, ka taba la gore moya wa go hlawolega o ba ganele go bolabola lentsu hala Asia. 7 Ke mokane mo ba segele Misiya, ba leketsiye go ya Bethaniya mara moya wa Jeso wa ba thibelela. 8 Byalo, ba bhukulela Misiya, ba thewogela Terowa. 9 Pawulo a bona mmono bošego—o bonne monna wa go tšwa Masedoniya a yemme a kene a mo kgopela a re: “Takela howa Masedoniya o tle o re gelepe.”
w12 1/15 10 ¶8
Tšhuta go Dula o Hlahlamme ga Mapostola ya Jeso
8 Re tšhuta ying ga taba yowa? Bona gore moya wa Modimo o yye wa kenelela ka nthago ga gore Pawulo a ye Asia. Mo Pawulo a šele a le thina le Bethaniya, Jeso o yye a kenelela. Mo Pawulo a šele a segela Terowa, Jeso o yye a maka gore a ye Masedoniya. Ka gore Jeso ke hlogo ya phutego, a ka re maka tsa mohlobo wonone le rune. (Kol. 1:18) Mo re beyisa, o ka fo ba o nyaka go ba mošupatsela kela go rorela ga poleke ya gore bo ba go tšhomayela baa gayela. Jeso a ka go yetetsa ka moya wa go hlawolega wa Modimo mo o a šele a bona o thogathoga gore o segelele tso o di nyakang. Mo re beyisa: Motho ye a dhrayivelang koloyi ke yene a yi swayang gore yi ye ga letsogo la mpata kela la go ja, mara o ko kgona go yi yisa gana hone mo yi sepela. Mo le rune re ka fo thogathoga gore re segelele tso re di nyakang, Jeso o nyoko re yetetsa gore re lokotše matšhomayelelo ya rune.
(Mebereko 16:37) Mara Pawulo a bolabola nabo a re: “Ba re teyye go baba mahlong ga batho mara re sa sinya selo, le mo re le Maroma, ba šinya ba re bošela jele. Byalo gana byalo ba nyaka go re ntsha ka makhukhung? A re nyake! Ba bitseneng ba tle ba re ntshe bona beng.”
nwtsty tso di fatisisiwweng ga Meb 16:37
re le Maroma: Ke gore, ba go dula Roma. Pawulo ne a tšwa Roma, nakwenngwana le Silase ne a tšwa gona. Molawo wa Roma ne wo sa dumele gore motho a fo teyiwa mahlong ga batho le mo a sa sinya selo, ne di nyaka a thomisa ka go sekisiwa. Motho wa Leroma ne a tshwariwa gabutši ga dipoleke ka mokana ga tsona tso ne di lawola Roma. Motho wa Leroma o phela ka melawo ya Roma le mo a le dipolekeng tse dingwana. Mo ba ka fo re o sinnye, a ka fo sekisiwa ka molawo wa gana hone; mara ke mo a ka kgeta gore taba yone yi yisiwe Roma mo a tšwang. Mo nkare molato wage ke wo mogolo, ne a ka kgopela gore ba wo yise ga kgoši mo a nyaka. Pawulo wa Lepostola ne a tšhomayela ga dipoleke ka mokana ga tsona tsa Roma. Ka taba la gore motho wa Leroma ne a tshwanele a tshwariwe gabutši, go ngwadiwwe gararo ka ho Baebeleng gore Pawulo le yene o di berekisiye tsotsone. La mathomo ke ka nakwe a botsa ba go yahlola ditaba ba Filipi gore ba takiye molawo mo ba mo teya.—Mo o nyaka go bona tse dingwana ka dipedi, ariye ga tso di fatisisiwweng ga Meb 22:25; 25:11.
Go Bala Baebele
(Mebereko 16:25-40) Mara Pawulo le Silase ne ba rapela fote ba thanaka Jehova ka koša gare ga bošego, fote mabhantiti ne ma kene ma ba theetsele. 26 Ka nako yonone lefase la thomisa go šikinyega, gwa šikinyega le fandhiši ya jele. Fotefote, dikwalo tsa napa di bulega, ke mokane tso ne ba ba tlemme ka tsona tsa šepa. 27 Mo matšhinghelani wa jele a tsoga a kraya dikwalo di bulegiye, a goga sabola yage a šele a re wa tipolaya, a tseya gore mabhantiti yala ma tšhabiye. 28 Mara Pawulo a yahlamela ka matla a re: “O sa tikwaletse, re gona ka mokana ga rune!” 29 Byalo a kgopela sa go khanyisa ke mokane a kena, a kene a hlagasela ke mokane a ya a kgotama mahlong ga Pawulo le Silase. 30 A ba yisa ka tawong a re: “Barena, ke make ying gore ke phonisiwe?” 31 Ba re: “Dumela ga Morena Jeso, o nyoko phonisiwa, wene le ba mutši wago.” 32 Ke mokane ba thomisa go bolabola naye le ba mutši wage ka mokana ga bona ka lentsu la Jehova. 33 A tloga nabo bošego byobyone a ye ba hlapisa mo ba kwaleleng gona. Yene le ba mutši wage ba sa sinyi nako ba napa ba kolobetsiwa. 34 A ba yisa ntlong yage a ba neya tsa go ja, yene le ba mutši wage ka mokana ga bona ba jabola ka matla ka taba la gore ba dumele ga Modimo. 35 Mo go šele go ba motshegare, bomejistreyiti ba ruma maphodisa ba re: “Lesetsaneng banna bone ba sepele.” 36 Matšinghelani wa jele a botsa Pawulo mantsu yane a re: “Bomejistreyiti ba rumme batho gore ba tle ba le lokolle. Byalo tšwaneneng le sepele le sa hlupege ka selo.” 37 Mara Pawulo a bolabola nabo a re: “Ba re teyye go baba mahlong ga batho mara re sa sinya selo, le mo re le Maroma, ba šinya ba re bošela jele. Byalo gana byalo ba nyaka go re ntsha ka makhukhung? A re nyake! Ba bitseneng ba tle ba re ntshe bona beng.” 38 Maphodisa ma ya ma botsa bomejistreyiti. Ba tšhoga ka matla mo ba kwa gore banna bone ke Maroma. 39 Ba tla ba kgopela tshwarelo, byalo mo ba šele ba ba ntshiye, ba ba kgopela gore ba tloge ga mutši wonone. 40 Mara mo ba tšwa jele ba ya gaye ga Llidiya, ke mokane mo ba bona magagabo, ba ma tiyisa ke mokane ba tloga ba sepela.
DECEMBER 24-30
MAKOLWANE KA TENG GA LENTSU LA MODIMO | MEBEREKO 17-18
“Yekisela Pawulo wa Lepostola mo o Tšhomayela le mo o Tšhutisa”
(Meb 17:2, 3) Pawulo o yye a maka ka mokgonola ne a tlwayele, o yye a ya ga bona, a dula nabo disabatha ka ditharo ba kene ba bolabola ka Mangwalo, 3 a ba hlatollela fote a ba šupetsa tso a fatisisiyeng ka tsona gore ne di nyaka Kreste a hlupegisiwe fote a tsusiwe dilahlong, a re: “Yewa ke Kreste, ke ra yene Jeso ye ke le botsang ka yene.”
nwtsty tso di fatisisiwweng ga Meb 17:2, 3
bolabola: Pawulo ne a sa fo ba botsa ditaba tso tsa go bafala. Ne a ba hlatollela fote a ba šupetsa gore le Mangwalo ma hlaya tsotsone, mangwalo ya gona ke Mangwalo ya Seheberu. Ne a sa fo bala Mangwalo mara ne a ma hlatolla, a maka gore bo a bolabolang nabo ba thogo di kwisisa. Lentsu la Segerika la gore di·a·leʹgo·mai mo le hlatolliwa le rela “go bolabodisana, go petapeta le go handahanda.” Le rela go bolabodisana le batho. Lentsu lowa la Segerika le berekisiwa le ga Meb 17:17; 18:4, 19; 19:8, 9; 20:7, 9.
šupetsa tso a fatisisiyeng ka tsona: Lentsu lo la Segerika le rela “go beyela ka thoko (go fo tšwa o yemisiye).” Sowa se ka rela gore Pawulo o tshwanisiye diporofeto tsa Mesiya tsa gore di ga Mangwalo ya Seheberu le tso Jeso ne a di maka mo a le mo lefaseng, sosone se šupetsa gore tso ne di bolabola ke seporofeto o di makiye ka mokana ga tsona.
(Meb 17:17) A thomisa go bolabodisana le Majuda sinagogeng le batho ba bangwana bo ne ba rapela Modimo, le bo ne ba krayega mmakete ka moka matšatši.
nwtsty tso di fatisisiwweng ga Meb 17:17
mmakete: Ne wo le Borwa Bodikela bya Akropolise, mmakete wa Athene (Segerika, a·go·raʹ), ke mo go le wo mogolo la gore ne go ka kena sehlano sa dighrawondo. Mmakete ne go sa fo ba ga go reka kela go rekisela. Gana hone ga wona ke mo go makega dilo tsa go tlala tsa go yelana le ikhonomi, dipolotiki le maphelelo ya batho go ya ka ditšo tsa bona. Ma-Athene ne ma kwana le go ya gana hone ka gore ne ba gahlana le batho bo ba ka yeletsanang nabo ka tsa lephelo.
(Mebereko 17:22, 23) Pawulo a yema segare sa Areyopagose ke mokane a re: “Lune banna ba Athene, ke ya di bona ga dilo ka mokana ga tsona gore le tineyele ga medimo ya dithombhe go feta batho ba bangwana. 23 Nje mo ke feta nkene ke lebelele ke bonne ka mokgo le yi tseyelang gedimo ka gona, ka kraya le mo aletareng go na le ga gore ba ngwadiye gore ‘Modimo wa go sa Tšibegi.’ Byalo, yene Modimo yewa wa gore le mmerekela le sa mo tšibi, ke nyaka go le botsa ka yene.
nwtsty tso di fatisisiwweng ga Meb 17:22, 23
Modimo wa go sa Tšibegi: Lentsu la Segerika la A·gnoʹstoi the·oiʹ ne go le lengwana lo le gwadiwweng hala aletareng ya Athene. Ma-Athene ne ma šupa gore ma tšhaba medimo ya dithombhe ka go yaga ditempele le dialetare, fote ne ba sa nyake ba bangwana ba di tšiba gore dilo tsowa ke medimonyana, ba šinya ba maka dialetare tsa go tshwana le tsa go yelana le go tuma, go titshwara, go ba le matšato, go karakara le go kwelana go baba. Ka mokgo ne ba na le medimo ya go tlala, di ka makega gore ke mo ba tšhaba gore ba ka lebala modimo ye mongwana ke mokane modimo yene a sa jabole, ba šinya ba maka gore go be le aletare ya “Modimo wa go sa Tšibegi.” Tso batho ne ba di ngwadiye ga aletare yone ke mo di šupetsa gore baa dumela gore go na le Modimo wa gore a ba tšibi selo ka yene. Pawulo o berekisiye aletare yone gore a thogo tšhomayelela batho bowa fote a ba tšhutisa ka Modimo—Modimo wa mannete—wa gore ne ba sa mo tšibi go segela ka nako yonone.
Go Wunyulla tso di Wutammeng ka Baebeleng
(Meb 18:18) Mara ka nthago ga go dula matšatši ya go lefanyana, Pawulo o yye a layela magageru ya gana hone, a kalama sekepe a bakiye Siriya, ne a felegetsa ke Phrisilla le Akhwila. O hlubiye moriri wage a wo maka wo mokopana mo a le Kenkeriya, ka taba la gore ke mo a titlemme ka go tshepisa se sengwana.
w08 5/15 32 ¶5
Tsa go tšwa ga Puku ya Mebereko
18:18—King so Pawulo a yyeng a titlema ka sona a tshepisa se sengwana? Ba bangwana ba go tšhutega ba re Pawulo ne a tshepisiye go ya ka mokgwa wa Manazari. (Dip. 6:1-21) Mara Baebele a yi di hlaye gore Pawulo ne a titlemme ka go tshepisa ying. Fote Mangwalo a ma hlaye gore tsotsone Pawulo a di tshepisiyeng o di makiye a soko sokologa kela o di makiye mo a thomisa kela a fetsisela tso a di tshepisiyeng. A di na taba gore go makegiye byang, mara ke mo a sa sinyi mo a titlema ka go tshepisa ka mokgonone.
(Meb 18:21) mara a ba layela a ba botsa gore: “Ke nyoko boya mo ga lune fote, mo Jehova a di nyakiye.” Ke mokane a tloga Efeso a sepela lewatle ka sekepe.
nwtsty tso di fatisisiwweng ga Meb 18:21
mo Jehova a di nyakiye: Mantsu yawa ma fo šupetsa gore mo re maka dilo kela re nyaka go segelela tse dingwana, di nyaka re tšhele le Modimo ga dilo tsone. Pawulo wa lepostola ne a fo dula a naganne ka tšhiko yowa. (1Ko 4:19; 16:7; Heb 6:3) Jakobo wa gore ne a latelela Jeso le yene o yye a hlohletsela bo ba balang tso a di ngwadiyeng gore ba bolabole gore: “Mo Jehova a di nyakiye, re ko pheleng ra thogo maka tsowa kela tsela.” (Jak 4:15) Motho ye a hlayang mantsu ya gore “mo Jehova a nyakiye,” a di nyake a fo ma hlaya ka taba la gore a jabodisa ke go bolabola mara di nyaka a karakare gore a make dilo tsa gore di yelana le so Jehova a se nyakang. Ga go tlala mantsu yawa motho aa ma bolabole re ma kwa ka molomo, mara o ma bolabolela ka pelong.—Bona tso di fatisisiwweng ga Meb 21:14; 1Ko 4:19; Jak 4:15 le App. C.
Go Bala Baebele
(Meb 17:1-15) Byalo ba bhukulela Amfipolisi le Apoloniya ke mokane ba segela Thesalonika, ga gore ke mo go na le sinagoge ya Majuda. 2 Pawulo o yye a maka ka mokgonola ne a tlwayele, o yye a ya ga bona, a dula nabo disabatha ka ditharo ba kene ba bolabola ka Mangwalo, 3 a ba hlatollela fote a ba šupetsa tso a fatisisiyeng ka tsona gore ne di nyaka Kreste a hlupegisiwe fote a tsusiwe dilahlong, a re: “Yewa ke Kreste, ke ra yene Jeso ye ke le botsang ka yene.” 4 Ka taba la tsotsone, ba bangwana ba dumela ke mokane ba thomisa go fetsa nako ya go tlala le Pawulo le Silase, le mogoba wo mogolo wa Magerika ya ne ma rapela Modimo le wona wa maka tsotsone, le basadi ba go tlalanyana bo ne go le ba bagolo. 5 Mara Majuda ma kwa di ma kokona, ma hlekeletsa banna ba dipelo tse diphifadu bo ne ba fokatsa mmakete ke mokane ba maka mogoba wa dikgohlane tso di yyeng tsa maka gore ga mutši wonone go dhunghegane. Ba sinyanya ntlo ya Jasone ba re ba nyaka a leye Pawulo le Silase ga mogoba wone. 6 Mo ba sa ba kraye, ba goganya Jasone le magageru ya mangwana ke mokane ba ba yisa ga magoši ya mutšing wonone, ba kene ba yahlamela ba re: “Banna bo ba dhunghanyang lefase ba gona le gana howa ga rune, 7 fote Jasone o ba makiye divakaši tsage. Banna bo ka mokana ga bona ba lwisana le molawo wa Kesara, ba re go na le kgoši ye nngwana, ba re ke Jeso.” 8 Mo mogoba wone le magoši ya mutšing wonone ba kwa ditaba tsowa, ba yye ba tšhoga; 9 mo ba šele ba yenelisegiye ka Jasone le ba bangwana, ba ba lisetsa ba sepela. 10 Ka go yakgoswa bošego byobyone, magageru ma yisa Pawulo le Silase Bheriya. Mo ba segela hone, ba ya sinagogeng ya Majuda. 11 Byalo bowa, ne ba nagana tsa go ya ka tsela ba sa tshwane le bala ba Thesalonika, ka taba la gore ba yamogele lentsu ba kene ba šupetsa gore ke mo ba le wonngwe ka matla fote ne ba fatisisa Mangwalo ka letheto ba nyaka go bona gore dilo tso di bolabodiwang ke nnete. 12 Byalo, ba go tlala ba bona ba yye ba dumela, gwa dumela le ba go tlalanyana ba basadi le banna ba go tshepega ba Magerika. 13 Mara mo Majuda ya Thesalonika ma di kwelela tsa gore Pawulo o sabalatsa lentsu la Modimo hala Bheriya, ma yye ma tla ma tl’le dhunghanya mogoba le go wo tšhela moya wa go kwata. 14 Ke mokane magageru ma napa ma tlosa Pawulo ma mo yisa lewatleng, mara Silase le Thimothi ba šala gana hone. 15 Mara bo ne ba felegetsa Pawulo ba yye naye ba ye sologa Athene, ke mokane ba tloga mo ba kwa gore di nyaka Silase le Thimothi ba ye ga Pawulo ka go yakgoswa.
DECEMBER 31–JANUARY 6
MAKOLWANE KA TENG GA LENTSU LA MODIMO| MEBEREKO 19-20
“Tipasopeneng le Pasope le Morape ka Moka”
(Meb 20:28) Tipasopeneng le pasope le morape ka moka, wa gore moya wa go hlawolega wo beyye lune gore go be lune bawokamedi, gore le dise phutego ya Modimo, ya gore o yi rekiye ka madi ya Morwayi wa yene mong.
w11 6/15 20-21 ¶5
“Pasopa Morape wa Modimo wa Gore o go Šiyye Nawo”
5 Pawulo o ngwadiye gore bagolo di nyaka ba ‘pasope morape wa Modimo wa gore o ba šiyye nawo.’ Ne di nyaka ba sa lebale gore morape wowa ke wa Jehova le Jeso Kreste. Ne di nyaka bagolo ba hlaye gore ne ba di pasopiye byang dinku tsa Modimo. Tla re fo re monghana wago o go kgopele gore o mo šalele le bana. Ayitsano ne o ka sa šale o ba tshwere gabutši wa boya wa ba neya le tsa go ja? Mo ye mongwana wa bona a ka fo lwala, nje ne o ka sa mo tabogiseli sepetlele? Le bagolo ka ho phutegong di nyaka ba “dise phutego ya Modimo, ya gore o yi rekiye ka madi ya Morwayi wa yene mong.” (Meber. 20:28) A ba lebale gore nku ye nngwana le ye nngwana yi rekiwwe ka madi ya go hlawolega ya Jeso Kreste. Bagolo ba šupetsa gore taba yowa ba yi tseyela hlogong mo ba pasopa morape ba boya ba wo fepa.
(Meb 20:31) “Byalo ariyeneng mahlong le kene le hlahlamme, le gopole gore go fediye mengwaga ka meraro, bošego le motshegare, ke sa lesetse go le yetetsa ka mokana ga lune nkene ke yela dinepedi.
w13 1/15 31 ¶15
Bagolo ba Makreste—‘Ba Berekisana le Rune Gore re Thogo Jabola’
15 Go disa a yi go kgana. Bagolo ka nakwengwana a ba yetsele ka taba la gore ba hlupega ka morape wa Modimo fote baa wo rapelela kela ba leketsa go thegeletsa magageru mo ba kene ba berekela Modimo. (2Ko 11:27, 28) Mara bagolo ba maka mmereko wa bona gabutši ba kene ba jabodiye, go fo tshwana le Pawulo. O ngwalele Makorente gore: “Ke nyoko jabola mo nkene ke le berekela fote ke nyoko berekisa se sengwana le se sengwana so ke nang naso ka taba la moya wa lune.” (2Ko 12:15) Pawulo o šupetsiye gore o ma nyaka ka matla ga magagabo, fote o fetsiye nako a ma tiyisa. (Bala 2 Makorente 2:4; Mafil. 2:17; 1 Mathes. 2:8) Di ya šupetsa gore ke ntaba magageru yane ne ma mo nyaka ka matla ga Pawulo!—Meber. 20:31-38.
(Mebereko 20:35) Ke le šupetsiye ga dilo ka mokana ga tsona gore mo le karakarela go bereka ka mokgo, di nyaka le gelepe bo ba go lelemela fote le sa lebale mantsu ya Morena Jeso, wa gore o hlayye ka boyenemong a re: ‘Go neya di jabodisa ka matla go feta go yageletsa.’ ”
bt 172 ¶20
“A ke na Molato wa Madi ga Batho ka Mokana ga Bona”
20 Maphelelo ya Pawulo ne ma se lola go tshwana le ya bo ne ba nyoko pasopa morape ka nthago gage. Ne a bereka gore a tipasope, gore a sa be morwalo go roba phutego. Nakwela a gelepa magageru bo ne a dumela nabo, ne a sa makele gore ba mo neye se sengwana. Pawulo o hlohletsele bagolo ba hala Efeso gore ba tikone tse dingwana gore ba makele batho dilo. O ba butsiye gore “di nyaka le gelepe bo ba go lelemela fote le dule le naganne mantsu ya Morena Jeso, wa gore o yitseri: ‘Go neya di jabodisa ka matla go feta go yageletsa.’ ”—Mebereko 20:35.
Go Wunyulla tso di Wutammeng ka Baebeleng
(Meb 19:9) Mara mo ba bangwana ba go ba le tšhingi ba gana go dumela, ba sa bolabole gabutši ka Tsela mo ba le mahlong ga mogoba, a tloga mo ga bona a boya a tlosa le malata yage mo ga bona, a beya dipolabolo ka moka matšatši holong ya sekolo sa Tirano.
bt 161 ¶11
“Le ya Gola Fote le ya Hlula” le mo ba Kene ba le Phigisa
11 Pawulo ne a ka fo ba a bolabola mone holong ya sekolo ka moka matšatši go tlugisela gana hala ga bo 11 ka bošego go segela ka 4 ka sethewo. (Mebereko 19:9) Go šupa nkare ka dinako tsotsone ne go kgomolele fote go fisa ka matla, byalo batho ne ba lesetsa go bereka gore ba thogo kutsa le go ja. Ho nkare Pawulo o berekisiye letheto lone ka mengwaga ka mmedi, ne a ko ba a berekisiye diawara tsa go segela ka ku ga 3 000 a tšhutisa. Sosone le sona se makiye gore lentsu la Jehova le ye mahlong le gola fote le hlula. Pawulo ne a sa tshwate fote ne a tšhentšha mo seyemo se tšhentšha. O makiye gore letheto lage la go tšhomayela le sipidisane le so se nyakang ke batho ba poleke yonone. Di felele kaye? “Ka mokana ga bona bo ne ba dula Asia ba yye ba kwa lentsu la Morena, Majuda le Magerika.” (Meber. 19:10) Nnete o napiye a yi yedisa taba yage gwa sa šale le mong selibilibi!
(Meb 19:19) Nnete, ba go tlala ba gore ke mo ba maka tsa masalamose ba yye ba hlekeletsa dipuku tsa bona ke mokane ba di tšhuba, batho ka mokana ga bona ba lebelele. Ke mokane ba balela gore di ka kala bokaye, ba kraya gore di kala 50 000 ya dipetlo tsa siliva.
bt 162-163 ¶15
“Le ya Gola Fote le ya Hlula” le mo ba Kene ba le Phigisa
15 Go hlupegisiwa ga barwayi ba Sekeva go makiye gore ditaba tsa gore batho ba hlompe Modimo di sabalale ka matla, tsotsone tsa šinya di maka gore ba go tlala ba dumele gage le go lahla dilo tsa go yelana le boloyi. Maefeso ne ma kenne la go ro napa ma tlungwela ga dilo tsa go ba le masalamose. Tso tsa masalamose, dikgakgare le tsa boloyi ne ba di tlwayele, fote ga go tlala ne ba di ngwala le dipukung. Maefeso ya go tlala ma yye ma kwa di ma tšhofa gore ma ntshe dipuku tsa wona tsa go bolabola ka masalamose ke mokane ba di tšhube batho ka moka ba kene ba lebelele—le mo dilo tsone di nyakiye tšheleta ya go tlala ka matla. Luka o re: “Lentsu la Jehova le šupetsiye ka mokgonone gore le na le matšhika, la fo ya mahlong le kene le gola fote le hlula.” (Meber. 19:17-20) Nnete yi hludiye matsaka le bodimona ka mokgwa wa go makatsa! Batho bone ba go tshepega ba re beyisele gabutši le rune lekgono. Le rune re dula ga lefase la gore le tlungwele ga dilo tsowa tsa masalamose. Mo nkare re na le dilo tsa go yelana le bodimona, di nyaka re make go tshwana le Maefeso—re di lahle ka go tšhetšhisa! Di nyaka re kganele kgole le dilo tsone tsa go silikisa le mo go ka teya leduma la mošaga mang.
Go Bala Baebele
(Mebereko 19:1-20) Mo lephelo le kene le ya mahlong, nakwela Apholo a le Korente, Pawulo o yye ga mitši ya segare ka matla ke mokane a segela Efeso. A kraya malata gana hone 2 a re ga bona: “Ayitsano le yye la tlela ke moya wa go hlawolega nakwela le thomisa go dumela?” Ba mo fetola ba re: “Rune le tsa gore go na le moya wa go hlawolega a re soko di kwelela.” 3 Ke mokane a re: “Byalo le kolobetsiwwe ka ying?” Ba re: “Ka kolobetso ya Johane.” 4 Pawulo a re: “Johane o kolobetsiye ka kolobetso ya go šupetsa go sokologa, a botsa batho gore di nyaka ba dumela ga ye a tlang ka nthago gage, a ra Jeso.” 5 Mo ba kwa tsotsone, ba kolobetsiwa ka lebitso la Morena Jeso. 6 Byalo mo Pawulo a ba beya matsogo, ba tlela ke moya wa go hlawolega, ba thomisa go bolabola mebolabolo ye mengwana fote ba porofeta. 7 Ne go le gana hala ga 12 ya banna mo ba felele. 8 A kena sinagogeng, a fetsa dikgwedi ka ditharo a bolabola a šišimele, a beya dipolabolo fote a beya ditaba batho ba šala ba tikwa ba kgodwiye ka Mmušo wa Modimo. 9 Mara mo ba bangwana ba go ba le tšhingi ba gana go dumela, ba sa bolabole gabutši ka Tsela mo ba le mahlong ga mogoba, a tloga mo ga bona a boya a tlosa le malata yage mo ga bona, a beya dipolabolo ka moka matšatši holong ya sekolo sa Tirano. 10 Tsotsone di fetsiye mengwaga ka mmedi di kene di makega, gore batho ka mokana ga bona ba gore ba dula ga poleke ya Asia ba kwa lentsu la Morena, ke mo go le Majuda le Magerika. 11 Modimo a ya mahlong a maka mmereko wa go makatsa a berekisa Pawulo, 12 gore dikobo le difasekoti tso a di tikisiyeng di yisiwe ga batho ba go lwala, ke mokane malwele ya bona ma fola fote di ba ntshiye le moya wa dithila. 13 Mara Majuda ya mangwana ya ne ma sepela ma ntsha madimona le wona ma leketsiye go berekisa lebitso la Morena Jeso ga bo ba nang le memoya ya dipelo tse diphifadu, ke mo ba re: “A ke kgane mo ke bolabola nago ka Jeso ye Pawulo a tšhomayelang ka yene.” 14 Byalo ne go na le barwayi ka bašupa ba Sekeva, ye ne go le moprista ye mogolo wa Majuda, ke mo ba maka tsotsowa. 15 Mara moya wone wa dithila wa ba fetola wa re ga bona: “Jeso ke ya mo tšiba, le Pawulo ke mo tlwayele; mara wene ke wene mang?” 16 Ka nakwenene, monna ye ne a na le memoya ya dipelo tse diphifadu a ba taka, a ba tshwara ka wweši ka wweši ke mokane a ba hlula, ba šinnye ba tšhaba ntlong yone ba sa tšwara fote ba kwalele. 17 Majuda le Magerika ya ne ma dula Efeso ma di kwelela ke mokane ma tšhoga, fote lebitso la Morena Jeso la gudisiwa. 18 Fote ba go tlala bo ne ba thomisiye go dumela ba yye ba tipiga ba bolabola mahlong ga batho ka dilo tso ne ba di maka. 19 Nnete, ba go tlala ba gore ke mo ba maka tsa masalamose ba yye ba hlekeletsa dipuku tsa bona ke mokane ba di tšhuba, batho ka mokana ga bona ba lebelele. Ke mokane ba balela gore di ka kala bokaye, ba kraya gore di kala 50 000 ya dipetlo tsa siliva. 20 Lentsu la Jehova le šupetsiye ka mokgonone gore le na le matšhika, la fo ya mahlong le kene le gola fote le hlula.