Ditodi tsa Sepukwane sa Mogahlano wa Maphelelo le Matšhomayelelo
MAY 6-12
MAKOLWANE KA TENG GA LENTSU LA MODIMO | 2 MAKORENTE 4-6
“A re Šepisi”
(2 Makorente 4:16) Byalo, a re šepisi, le mo motho ye re leng yene ka ho tawong a kene a pomega, mara motho ye re leng yene ka ho teng o makiwa wa nyuwane ka moka matšatši.
w04 8/15 25 ¶16-17
A re Lahle Tewu le mo re Tinnwe
16 Go tipasopa ka mo ga tsa Modimo ke taba ye kgolo ka matla. Le mo re na le senghana sa thina le Jehova, re ka fo fela re kwa re tinnwe ho mmeleng, mara re ka sa tsoge re tinnwe go mmerekela. Jehova ke yene ye a “neyang bo ba gore ba tinnwe matšhika; ke mokane ba gore baa lelemela o maka gore ga tiyelele ka matla.” (Jes. 40:28, 29) Pawulo wa lepostola, wa gore o tiponele ka boyene beng gore mantsu yawa ke nnete, o ngwadiye gore: “A re šepisi, le mo motho ye re leng yene ka ho tawong a kene a pomega, mara motho ye re leng yene ka ho teng o makiwa wa nyuwane ka moka matšatši.”—2 Makor. 4:16.
17 Bona mantsu yawa ya gore “ka moka matšatši.” Sosone se ra gore ka moka matšatši re berekise dilo tso re di neyang ke Jehova. Mosadi ye mongwana wa gore o fetsiye 43 ya mengwaga go le morumiwa, ke mo a fo fela a tikwa a tinnwe fote a kgongwele. Mara aa lahla tewu. O re: “Ke titlwayetsiye go tsoga ka phu, gore ke thogo rapela Jehova le go bala Lentsu lage mo ke soko thoma mmereko wa letšatši lone. Ka mokgo ke titlwayetsiyeng ka gona go n’gelepiye gore ke tiyisele go segela lekgono.” Le rune re ka fo dula re tisamela ka matšhika ya Jehova, eya “ka moka matšatši,” mo re ka dula re mo rapela le go ghayela ka dilo tse dikgolo tso a kgonang go di maka le tso a di tshepisiyeng.
(2 Makorente 4:17) Ka taba la gore le mo tso di re hlupang go le tsa senakonyana fote di sa robe, di maka gore re thogo nyaretsa magadimelo ya mangwana ya go jabodisa ka matla le ya go ya go yye;
it-1-E 724-725
Go Tiyisela
Fote a di nyake re tlonyega wa kraya re sa sa bona dilo tso Makretse ma di tshepisiwweng, tsa gore ma nyoko phela go ya go yye ma yenele gabutši ho mmeleng. Le mo bo ba re hlupegisang ba ka re bolaya, ba ka sa re kgufuli tshepo yo re nang nayo. (Rom 5:4, 5; 1Th 1:3; Kut 2:10) Tso re hlupegisiwang ka tsona gana byalo a yi selo mo re lebelele dilo tse dikgolo tso re tshepisiwweng tsona. (Rom 8:18-25) Mo re lebelele tso di nyoko makegang ku mahlong, tso di re phikang gana byalo go fo ba “tsa senakonyana fote a di robe” le mo di ka fo ba di sasamela ka nako yonone. (2Ko 4:16-18) Mo motho a ka dula a naganne ka gore dilo tso di re phiriketsang ke tsa senakonyana a boya a nagana le ka tshepo yo Makreste ma nang nayo, tsotsone di nyoko mo gelepa gore a sa kgongwele fote a dule a tshepega ga Jehova Modimo.
(2 Makorente 4:18) mo re sa na re beyye mahlo ya rune ga dilo tsa gore di ya bonala, re sa na re ma beya ga dilo tsa gore a di bonale. Ka taba la gore dilo tsa gore di ya bonala ke tsa senakonyana, mara dilo tsa gore a di bonale ke tsa go ya go yye.
Go Wunyulla tso di Wutammeng ka Baebeleng
(2 Makorente 4:7) Mara, re na le lekolwane lowa la ditša tsa lefaseng tsa go makiwa ka botsopa, gore matšhika ya gore ma ka kgakala ga ya re ma tlwayeleng go be ya Modimo, go sa be ya rune.
w12 2/1 28-29
“Maka Gore Jehova a Ngwalangwale”
David Splane wa Mogoba wa go Lawola o yye a hlatolla Lengwalo lowa. (2 Makorente 4:7) Lekolwane king? Ayitsano ke go tšiba kela ke go hlalefa? Mo a fetola o yitseri “awwa.” “Lekolwane lo Pawulo wa lepostola a bolabodiyeng ka lona ke ‘mmereko wowa’ wa ‘go maka gore nnete yi nyarele lekgwaying.’” (2 Makorente 4:1, 2, 5) Mogageru Splane o guputsiye bo ne ba le sekolo gore dikgwedi tsa kaphetha (5) tso ba di fetsiyeng ba kene ba tšhutisiwa, ke mo di ba lokotša gore ba thogo maka mmereko wa go hlawolega mo ba le tšhomong. Mmereko wone di nyaka re wo tseyela gedimo ka matla.
Ke mokane a hlatolla gore “ditša tsa lefaseng tsa go makiwa ka botsopa” di rela mmele kela nama yowa ya rune. O šupetsiye gore sitša sa go makiwa ka botsopa le sa go makiwa ka gholdi di fapana ka ying. Ditša tsa gholdi a di berekisiwi gatleletlele. Mara ditša tsa go makiwa ka botsopa di berekisiwa ka matla. Mo re ka tšhela makolwane ka teng ga sitša sa gholdi, o ka kraya re lebelele go bafala ga sitša sone re sa lebelele makolwane ya ma leng ka teng ga sona. Mogageru Splane o yitseri: “Byalo lune ba gore ke mo le tšhutisiwa, a di nyake le maka gore batho ba lebelele lune ka matla. Ke lune bo le rumiwweng, byalo di nyaka le make gore batho ba tšibe Jehova. Ke lune ditša tsa botsopa tsa gore di tinyanafatsiye.”
(2 Makorente 6:13) Byalo mo ke fetola ke re—ke bolabola nkare ke bolabola le bana baka—le lune le bule dipelo tsa lune ka matla.
w09 11/15 21 ¶7
Ariyeneng Mahlong le Kene Kwana Nkare ke Lune Bana ba Motho
7 Rune ge? Re ka ‘di bula byang dipelo’ go šupetsa gore re kwana go tshwana le bana ba motho? Ba bangwana ba ka fo kwana le batho ba gore ba tshwana nabo ka ditšo kela ba gudisiwwe go tshwana. Fote bo ba go kwana le dilo tsa go tshwana, ga go tlala ba kwana le go tijabodisa ggoši. Mara mo nkare dilo tso di re jabodisang di maka gore go be le sekgala gare ga rune le batho ba bangwana, di nyaka re karakare gore re ‘bule dipelo tsa rune.’ Di nyaka re tiputsise gore: ‘Ayitsano ke leketsa go sa fo ba le batho bo ke ba tlwayeleng mo ke le tšhomong kela mo re tijabodisa? Ayitsano mo re le Holong ya Mmušo ke ya kgera gore bo ba gore ba sa thoma go segela megahlanong ba sa yakgoswe ba ntlwayela mara ba ko nghanelana le nna mo nako yi kene yi ya? Ayitsano ke tamisa batho ba bagolo le ba banyana ho re le megahlanong?’
Go Bala Baebele
(2 Makorente 4:1-15) Byalo, ka taba la gore re maka mmereko wowa ka gore re yye ra kwediwa go baba, a re šepisi. 2 Mara re ganne dilo tsa go tšebisa, dilo tsa go sa yi ka tsela, re sa sepele ka mathayithayi kela go thilafatsa lentsu la Modimo; mara re maka gore nnete yi nyarele, re tipolabolela ga lekwalo la motho ye mongwana le ye mongwana mahlong ga Modimo. 3 Mo nkare gabutšibutši ditaba tso re le butsiyeng tsona di tšhirele, di tšhirele ga bo ba gore ba kene baa felela, 4 ba gore modimo wa masipidiselo yawa ya dilo o phiphetsiye menagano ya ba gore a ba dumele, gore go khanya ga ditaba tsa go bafala tsa go gadima ka Kreste, wa gore ke sethombhe sa Modimo, go sa ba segelele. 5 Ka gore a re tšhomayele ka rune, mara re tšhomayela ka Jeso Kreste wa gore ke Morena fote ke rune dibereki tsa lune ka taba lage. 6 Ka gore Modimo ke yene a hlayyeng gore: “Go khanya go bonale letshwifing,” fote o yye a khanyisa dipelo tsa rune gore re thogo di gadimisa ka dilo tsa go bafala tso re di tšibang ka Modimo mahlong ga Kreste. 7 Mara, re na le lekolwane lowa la ditša tsa lefaseng tsa go makiwa ka botsopa, gore matšhika ya gore ma ka kgakala ga ya re ma tlwayeleng go be ya Modimo, go sa be ya rune. 8 Ba re kgahleletsiye mahlaya ka mokana ga wona, mara a re ya pitegetsega la gore re šitega le go thogathoga; re makele, mara a yi lela la gore a re tšibi gore re ka kena ka kaye; 9 re ya hlupegisiwa, mara a re ya lahliwa; ba re katiye, mara a baa napa ba fetsa ka rune. 10 Mmele wa rune wo dula wo hlupegisiwa go baba go tshwana le ka mokgo Jeso a hlupegisiwweng ka gona, gore lephelo la Jeso le thogo nyarela le ga mmele wa rune. 11 Ka gore rune ba gore re ya phela re dula re lebana le likgu ka taba la Jeso, gore lephelo la Jeso le thogo bonala ga nama ya rune ya gore yi ka kgwa. 12 Byalo likgu le ya bereka ho ga rune, mara lune le na le lephelo. 13 Byalo ka gore re na le moya ka wwoši wa tumelo wa gore go ngwadiwwe ka wona gore: “Ke šupetsiye gore ke na le tumelo, byalo ke bolabodiye”; le rune re šupetsa gore re na le tumelo, byalo re ya bolabola, 14 re ya di tšiba tsa gore Ye a tsusiyeng Jeso le rune o nyoko re tsosa le Jeso ke mokane o nyoko beya rune le lune mahlong gage. 15 Ka taba la gore dilo tsowa ka mokana ga tsona ke tsa lune, gore le makegele ke dilo tsa gabutši di kene di yeketsega ka matla, ka taba la gore ba go tlala ba kene ba leboga go gadima ga Modimo.
MAY 13-19
MAKOLWANE KA TENG GA LENTSU LA MODIMO | 2 MAKORENTE 7-10
“Mmereko wa go Yimulla ba Bangwana”
(2 Makorente 8:1-3) Byalo re nyaka le di tšiba magageru, gore Modimo o kwele diphutego tsa Masedoniya go baba. 2 Nakwela ba kwa go baba ka matla, ba yye ba jabola ka matla fote le mo ba kene ba hlupega di napiye di šupetsa ka matla gore a ba konane. 3 Ka taba la gore ne ba neya ka mokgo ba kgonang, eya, ke di bonne, ke mo ba neya go feta ka mokgo ba ka kgonang,
w98 11/1 25 ¶1
“Modimo o Kwana le Motho wa go sa Konane”
Pawulo o thomisiye a botsa Makorente ka Masedoniya ya gore ne ma di nyaka ka matla tsa go yimulla ba bangwana. “Nakwela ba kwa go baba,” Pawulo o ngwadiye gore, “ba yye ba jabola ka matla fote le mo ba kene ba hlupega di napiye di šupetsa gore a ba konane.” Ne di sa nyake Masedoniya ma ro šinya ma tšhofiwa. Mara Pawulo o yitseri bona beng “ba f’lo ya mahlong ba re llela, ba kgopela gore le bona ba make se sengwana sa go neyana.” Masedoniya ke mo ma neya motho dilo ma jabodiye, sosone se makatsa ka matla ka taba la gore le wona beng ne ma “tihlupegela.”—2 Makorente 8:2-4.
kr 209 ¶1
Mmereko wa go Yimullana
KE GANA hala ga bo 46 C.E., tlala yi f’lo re gememe hala Judiya. Malata ya Kreste ya gore ke Majuda, ma šitega go ntsha tšheleta ya go reka mabele ya manyana ka gore ma tura le lengwana la go tshosa. Ma kwa tlala, le mo mahlong ma pawogiye ka taba la tlala. Mara Jehova o nyoko ba pasopa ka mokgwa wa gore a go na lelata la Kreste la gore le yye la kwa le pasopegiye ka mokgonone. Go nyoko makega ying?
(2 Makorente 8:4) mo bona beng ba kene ba re kgopela di ba baba fote ba sa tšhofe ke motho gore ba make se sengwana, gore ba thogo maka mmereko wa go yimulla ba go hlawolega.
kr 209-210 ¶4-6
Mmereko wa go Yimullana
4 Ga lengwalo la mabedi lo Pawulo a le ngwaleleng Makorente, o hlatodiye gore mmereko wa Makreste wo gabedi. Le mo lengwalo la Pawulo ne le ya ga Makreste ya go tlotsiwa, lekgono mantsu yage ma bereka le ga “dinku tse dingwana.” (Joh. 10:16) Mmereko wa rune wo mongwana ke “mmereko wa go kwanisanya,” kela mmereko wa go tšhomayela le go tšhutisa. (2 Makor. 5:18-20; 1 Thim. 2:3-6) Sekopa se sengwana ke sa go maka mmereko wa go gelepa magageru ya mangwana ya re dumelang nawo. Gabutšibutši, Pawulo o yitseri ke “mmereko wa go yimulla.” (2 Makor. 8:4) Sosone se maka ke gore mantsu ya gore “mmereko wa go kwanisanya” le ya gore “mmereko wa go yimulla,” ka mokana ga wona ma na le lentsu “mmereko” la go tšwa ga lentsu la Segerika la diakonia. Ke ntaba tsotsone go le tsa go jabodisa?
5 Mo Pawulo a berekisa lentsu ka lloši la Segerika ga mebereko yowa ka mmedi, ke mo a gahlanisa mmereko wa go yimullana le mebereko ye mengwana yo ne yi makiwa ka phutegong ya Sekreste. Ke mo a hlayye mathomisong gore: “Go na le mebereko ya mehlobohlobo, mara go na le Morena ka wwoši; fote go na le dilo tsa go tlala tso di makiwang, . . . Mara di makiwa ka moya ka wwoši.” (1 Makor. 12:4-6, 11) Gabutšibutši, Pawulo o tshwanisiye mebereko ya mohlobohlobo ya ka phutegong le “mmereko wa go hlawolega.” (Maroma 12:1, 6-8) Di šinnye di mo tšhofa gore a tseye nako yage a yi ‘berekisele go berekela bo ba go hlawolega’!—Maroma 15:25, 26.
6 Pawulo o gelepiye batho ba Korente go bona gore ke ntaba mmereko wa go yimullana le wona wo wela ga go berekela Jehova. Mo a hlatolla o re: Makreste ya ma yimullang ba bangwana ma maka ka mokgonone ka taba la gore ma “theetsela ditaba tsa go bafala tsa go bolabola ka Kreste.” (2 Makor. 9:13) Byalo Makreste ma kwa di ma tšhofa go berekisa tso Kreste a di tšhutisang, ke mokane ma gelepa bo ba dumelang. Pawulo o yitseri dilo tsa gabutši tso ba di makelang magageru ya mangwana, ba di maka ka taba la “botho byo bogolo ka matla bya go tšwa ga Modimo.” (2 Makor. 9:14; 1 Pet. 4:10) Mo Sewokamelo sa December 1, 1975 se bolabola ka go makela magageru dilo, le tsa go ma yimulla ga tso ba ka fo bang ba gayela ga tsona, se bolabodiye taba ya go kwagala mo se re: “Re sa kamake ga taba ya gore Jehova Modimo le Morwayi wage Jeso Kreste ba wo tseyela gedimo ka matla mmereko wa mošaga wowa.” Eya, mmereko wa go yimulla le wona wo tseyiwa go le mmereko wa go hlawolega.—Maroma 12:1, 7; 2 Makor. 8:7; Maheb. 13:16.
(2 Makorente 9:7) Ye mongwana le ye mongwana wa lune a make ka mokgo a tiputsiyeng ka gona ka ho pelong yage, a sa kokole kela a tšhofa ke ye mongwana, ka taba la gore Modimo o kwana ka matla le motho wa go neya a jabodiye.
kr 196 ¶10
Ka Mokgo Mmereko wa go Yelana le Mmušo wo Thegiwang ka Tšheleta
10 Sa mathomo, re neyela re sa tšhofe ke motho ka taba la gore ga Jehova re mo nyaka ka matla fote re nyaka go maka tsa go “mo jabodisa.” (1 Joh. 3:22) Ka nnete Jehova wa jabola mo motho ye a mo rapelang a neyela di mmaba fote a sa kokole. Tla re bolaboleneng ka tso Pawulo wa lepostola a di hlayyeng ka taba ya gore Makreste ma tshwanele go neya byang. (Bala 2 Makorente 9:7.) Mokreste wa mannete aa tšhofiwi kela go jikajika mo di nyaka gore a neyele. Mara, o neya ka taba la gore o tiputsiye “ka ho pelong yage” gore o nyoko maka sosone. Tsotsone di rela gore o neyela ka taba la gore a di bonne gore go gayela kaye ke mokane a leketsa go kwala gana hone. Jehova o mo nyaka ka matla motho wa mošaga wone, ka taba la gore “Modimo o kwana ka matla le motho wa go neya a jabodiye.” Hlatollo ye nngwana yi re: “Modimo o kwana ka matla le batho ba gore tsa go neyana ba kwana natso.”
Go Wunyulla tso di Wutammeng ka Baebeleng
(2 Makorente 9:15) Re leboga Modimo ka so a re neyyeng sona sa mahala sa gore a se hlayisege.
w16.01 12 ¶2
Lesetsa so Modimo ‘a re Neyyeng Sona sa Mahala sa Gore a se Hlayisege’ se go Tikise Pelo
2 Pawulo ke mo a di tšiba tsa gore dilo ka mokana ga tsona tsa go jabodisa tso Modimo a di tshepisiyeng ke mo di nyoko makega ka taba la sehlabelo sa Kreste sa gore se felegelele. (Bala 2 Makorente 1:20.) Mara selo sone “so a re neyyeng sona sa mahala sa gore a se hlayisege” se rela dilo tsa gabutši, le ka mokgo a yyeng a berekisa Jeso go šupetsa gore o re nyaka ka matla. Go ro ba mong nnete gore selo sone sa gore o re neyye sona se jabodisa ka matla, lela la gore re šitega le mong go se hlatolla. Go neyiwa selo sa mohlobo wonone se segolo ka matla go tshwanele go re yame byang? Fote di nyaka so Modimo a re neyang sona se re tšhofa ka mokgo mang gore re lukiselele Segopotso sa likgu la Kreste, sa gore se ko ba ka Laboraro la di-23 tsa March 2016?
(2 Makorente 10:17) “Mara ye a kganyang, a kganye ka Jehova.”
g99 7/8 20-21
Ayitsano Motho wa Sinya mo a Kganya?
Ga Mangwalo ya Sekreste ya Segerika, lentsu la gore kau·khaʹo·mai, la gore mo le hlatolliwwa le rela “go titeya sekguba, go jabola, go kganya,” le berekisiwa ga dilo tsa gabutši le ga tsa gore a di gabutši. Mo re beyisa, Pawulo o re re ka “jabola ka taba la gore re na le tshepo ya gore Modimo o nyoko gadimisiwa.” Fote o re: “Ye a kganyang, a kganye ka Jehova.” (Maroma 5:2; 2 Makorente 10:17) Sowa se rela gore re kganye ka taba la gore Jehova ke Modimo wa rune, sosone se nyoko maka gore re jabodise ke lebitso lage la go bafala le tso a tummeng ka tsona.
Go Bala Baebele
(2 Makorente 7:1-12) Byalo, ka taba la gore re tshepisiwwe dilo tsowa, lune ba gore re le nyaka ka matla, tla re tiyediseneng ga thila ye nngwana le ye nngwana ya mmele le ya moya, re hlawolege ka go felegelela ka taba la go tšhaba Modimo. 2 Re buleleneng sekgala ka ho dipelong tsa lune. A re ya sinyela motho selo, a re ya fokola motho, fote a go na ye re mo sipidiyeng ka fase. 3 A ke hlaye dilo tsowa ka taba la gore ke ya le yahlula. Ka taba la gore ke šele ke hlayye gore lune le ka ho dipelong tsa rune gore re kgwe ggoši fote re phile ggoši. 4 Ke bolabola le lune ke lukulugiye ka matla. Ke kganya ka matla ka lune. Ke ya kgomoletsega; ke jabola ka matla le ga dilo ka mokana ga tsona tsa gore di re kwisa go baba. 5 Gabutšibutši nakwela re segela Masedoniya, mmele wa rune a wa yimuluga, mara re f’lo ya mahlong re kwisiwa go baba ka mekgwa ka mokana ga yona—ka ho tawong ne go na le dintwa, mara ka ho teng ne re tšhaba. 6 Mara Modimo wa go kgomoletsa ba gore ba kgongwele, o re kgomoletsiye ka go maka gore re be le Tito; 7 fote aa re kgomoletsa fela ka go maka gore a be gona, mara o re kgomoletsiye ka go re botsa gore lune le mo kgomoletsiye, o tlile a re botsa gore le nhlulugele, le go kwa go baba ka matla fote le hlupega ka matla ka nna, byalo ka napa ke jabola ka matla. 8 Le mo ke le kwisiye go baba ka borifi byela byaka, a ke tisoli. Le mo ke yye ka tisola mathomisong (ka taba la gore borifi byaka bo le kwisiye go baba, mara a bya le kwisa go baba nako ya go lefa), 9 byalo ke ya jabola, mara a ke fo jabodisa ke gore le yye la kwa go baba, mara ke jabodisa ke gore tso di le kwisiyeng go baba di le tšhofiye gore le sokologe. Ka taba la gore le kwele go baba ka mokgwa wa Modimo, byalo a la kwalela ka taba la rune. 10 Ka taba la gore go kwa go baba ka mokgwa wa Modimo go maka gore re sokologe ra thogo phona, ra sa tisoli ka selo; mara go kwa go baba ka mokgwa wa lefase, go leya likgu. 11 Ka taba la gore le lune le ya di bona tsa gore tso di le kwisiyeng go baba ka mokgwa wa Modimo di makiye gore le kwe le nabela ka matla go maka se sengwana, eya, le tiyedise, eya, le fufulele, eya, le kwa le tšhaba, eya, le nabela di tšwa pelong, eya matšato, eya la lukisa mo le sinnyeng! Ga dilo ka mokana ga tsona, le tišupetsiye le yediye ga taba yowa. 12 Le mo ke le ngwalele, a ka le ngwalela ka taba la motho wa gore o sinnye, kela go ngwalela ye a sinnyeng, mara ke le ngwalele gore go karakara ga lune ka taba la rune go nape go ro bonala ho gare ga lune mahlong ga Modimo.
MAY 20-26
MAKOLWANE KA TENG GA LENTSU LA MODIMO | 2 MAKORENTE 11-13
“‘Mutlwa Nameng’ ya Pawulo”
(2 Makorente 12:7) ka taba la go wunyullediwa dilo tsa mohlobo wonone tsa go makatsa ka matla. Gore ke sa thomisi go thanakiwa ka matla, ke yye ka neyiwa mutlwa nameng, lengeloyi la Sathane la gore le dula le nteya ka dimpamo gore ke sa thanakiwi ka matla.
w08 6/15 3-4
Go ba le Matšhika o Kene o Lelemela
Lelata le lengwana le yye la kgopela Jehova gore a tlose bothata bya gore ne bo le hlupa go tshwana le “mutlwa nameng.” Pawulo wa lepostola o kgopele Modimo gararo di mmaba gore a tlose tso di mo phikang. A re di tšibi tsa gore dilo tsone tsa go mo phika ke mo go le ying, mara ke mo di mo tinwisa go tshwana le mo motho a hlabiye ke mutlwa, tsa maka gore Pawulo a sa jabolele go berekela Jehova. Pawulo o di tshwanisiye le mo motho a fo dula a teyiwa ka mpamo. Mo Jehova a mo fetola o yitseri: “Ke lukiye ka matla ho gago fote ke felela gana hone; ka taba la gore matšhika yaka ma napa ma šupetsa gore ma felegelele mo o lelemela.” Jehova aa tlosa mutlwa nameng yage. Pawulo o yye a fo jabola go na go yitsane, mara o yeketsiye ka gore: “Mo ke lelemela, ke napa ke ro tiyelela.” (2 Makor. 12:7-10) Mara ke mo a ra gore king?
(2 Makorente 12:8, 9) Morena ke mo kgopele gararo ka taba yowa, gore wo tloge ho gaka. 9 Mara a re ho gaka: “Ke lukiye ka matla ho gago fote ke felela gana hone; ka taba la gore matšhika yaka ma napa ma šupetsa gore ma felegelele mo o lelemela.” Byalo ke jabodiye ka matla mo ke re ke nyoko kganya ka tso ke gayelang ga tsona, gore matšhika ya Kreste ma thogo nkoramela go tshwana le letente.
w06 12/15 24 ¶17-18
‘Bo ba Kgopelang Jehova Moya wa go Hlawolega, wa ba Neya’
17 Mo Modimo a fetola thapelo ya Pawulo, o yitseri: “Ke lukiye ka matla ho gago fote ke felela gana hone; ka taba la gore matšhika yaka ma napa ma šupetsa gore ma felegelele mo o lelemela.” Pawulo o yitseri: “Byalo ke jabodiye ka matla mo ke re ke nyoko kganya ka tso ke gayelang ga tsona, gore matšhika ya Kreste ma thogo dula ho gedimo gaka go tshwana le letente.” (2 Makor. 12:9; Pis. 147:5) Byalo Pawulo o di bonne tsa gore Modimo o yye a berekisa Kreste go maka gore matšhika yage ma mo koramele go tshwana le letente. Le lekgono Jehova, o re fetola ka mokgonone mo re rapela. O pasopa malata yage ma šala ma kwa nkare o ma koramele.
18 Ke nnete gore letente a le make gore pula yi sa sa na, le gore moya o sa sa tšutla, mara le pasopa motho ga dilo tsone. Ka mokgonone, go koramediwa ga gore go tlisa ke “matšhika ya Kreste,” a go make gore tso di re phikang di nape di tloga kela gore re sa sa tlela ke tsa go baba. Mara go re pasopa ga dilo tsa go sa loka tso di tlisang ke lefase lo, fote go re pasopa ga yene mong wa lona, Sathane. (Kut. 7:9, 15, 16) Byalo, mo nkare go na le so se go phikang sa gore ‘a se nyake go tloga mo gago,’ tšiba gore Jehova wa di bona tso di go kgahleletsiyeng fote o fetudiye mo a kwa “o gotla.” (Jes. 30:19; 2 Makor. 1:3, 4) Pawulo o ngwadiye gore: “Modimo wa tshepega, fote a ka sa le lesetse le phika ke dilo tsa gore le ka sa di kgone go di yemela, mara mo di kene di le phika, o nyoko le thulela lešuba gore le thogo tiyisela.”—1 Makor. 10:13; Mafil. 4:6, 7.
(2 Makorente 12:10) Byalo ke ya jabola mo ke lelemela, mo ke rogelediwa, mo ke nyaka go gelepiwa, mo ke hlupegisiwa le mo di thathafa, ka taba la Kreste. Ka gore mo ke lelemela, ke napa ke ro tiyelela.
“O Tiyisa bo ba Lelemelang”
8 Bala Jesaya 40:30. Le mo re ka ba re tšhutegiye go segela kaye, so se šalang ke gore re ka sa segele kgole mo re ka nyaka go maka dilo ka matšhika ya rune beng. Sone ke so re tshwaneleng re se tšibe. Pawulo le yene ke mo a na le matšato, mara ke mo a gayela matšhika ya go maka dilo ka moka tso a di nyakang. Mo a llela Modimo, o mo fetodiye ka gore: “Matšhika ya ka ma bonala mo le šitega.” Pawulo o yi bonne gabutši taba yo. O yye a napa a yi lesetsa gana hone, a re: “Mo ke lelemela, ke na le matšhika.” (2 Makor. 12:7-10) Ke mo a ra byang?
9 Pawulo o di bonne gore re ka sa segele kgole mo re taboga ka borunebeng re sa neye matšhika ke Modimo. Mo Pawulo a gayelang gona, moya wa go hlawolega ke mo wo mo neya matšhika. Fote moya wowa wa Modimo ke mo o thuša Pawulo le ga tso ne a sa nagane gore a ka di maka ka boyene mong. Le rune, mo matla ya re nang nawo ma tšwa ga Jehova, ka nnete re nyoko tiyelela!
Go Wunyulla tso di Wutammeng ka Baebeleng
(2 Makorente 12:2-4) Ke tšiba monna ye mongwana wa gore o mamarelanne le Kreste wa gore 14 ya mengwaga ya go fela, o yye a yisiwa legedimong la boraro, tsa gore ke mo go le ka nama kela go se ka nama, a ke di tšibi, go tšiba Modimo. 3 Eya ke tšiba motho wa mošaga wonone, tsa gore ke mo go le ka nama kela go se ka nama, a ke di tšibi, go tšiba Modimo— 4 wa gore o yisiwwe pharadeyising fote a kwa le mantsu ya gore a ma bolabolege fote a ma molawong gore motho a ma hlaye.
Diputsiso Tsa bo ba Šeleng ba Badiye
Mantsu ya ma reng “legedimo la boraro,” ya go bolabodiweng ka wona ga 2 Makorente 12:4 ma ka fo šupetsa go le Mmušo wa Mesiya wa gore wo lawola ke Jeso Kreste le bala ba gore ke 144 000 ya bona, ba gore ke setšha go le “magedimo ya nyuwane.”—2 Pet. 3:13.
Ba re ke “legedimo la boraro” ka taba la gore ke mohlobo wa Mmušo wa mayemo ya gedimo ka matla.
“Pharadeyisi” yo Pawulo a tiponneng ‘a yisiwa ga yona’ yi ka fo rela (1) Pharadeyisi ya mannete yo yi sa ga tlang ho lefaseng, (2) go kwana ga batho ba Modimo mo go nyoko makegang ka nako yonone, ga gore go nyoko phala kgole go kwana ga bona ga gana byalo (3) “pharadeyisi ya Modimo,” ya ku magedimong ya gore yi nyoko makega ka nako ka yyoši le ya lefaseng la nyuwane.
(2 Makorente 13:12) Le tamisaneneng ka khisi ya go hlawolega.
it-2-E 177
Khisi
“Khisi ya go hlawolega.” Makreste ya botala ke mo ma berekisa “khisi ya go hlawolega” (Rom 16:16; 1Ko 16:20; 2Ko 13:12; 1Th 5:26) kela “khisi ya go šupetsa gore maa nyakanana” (1Pe 5:14), ya gore kela ke mo yi maka ke monna le monna kela mosadi le mosadi. Ka mokgo Makreste yawa ya botala ne ma tamisana ka gona go ka fo ba go tshwana le ka mokgo Maheberu ne ma tamisana ka gona ka go khisanana. Le mo Mangwalo ma sa bolabole tsa go tlala ka yona, “khisi ya go hlawolega” kela “khisi ya go šupetsa gore baa nyakanana” ke mo yi šupetsa gore ba kwana ka matla fote ba mamarelanne ka hone phutegong ya Sekreste.—Joh 13:34, 35.
Go Bala Baebele
(2 Makorente 11:1-15) Ke nabela nkare le ka fo ntiyisela ka gonyananyana mo nkare ke ya ka matla. Mara ka nnete le ya nkgohlelela! 2 Ka taba la gore ke na le mona ho ga lune, mona ga tso tsa Modimo, ka gore ke le tshepisiye gore ke nyoko le nyadisa le monna ka wweši gore ke thogo le yisa ga Kreste go le lune dikgareba. 3 Mara ke fo ba ke tšhoga gore ka mokgo noga yi yyeng ya fokola Efa ka mathayithayi ya yona, le menagano ya lune yi ka thomisa go sa sa tshepega le go sa sa yela ka mokgo Kreste a nyakang. 4 Ka taba la gore ka mokgo go leng ka gona, mo go ka tla ye mongwana wa gore a re mo tšibi a tl’le tšhomayela ka Jeso ye mongwana wa gore aa tshwane le ye re bolabolang ka yene, kela la kraya moya wa go sa tshwane le wo le wo krayyeng kela ditaba tse dingwana tsa go bafala tsa go sa tshwane le tso le di yamogeleng, le yakgoswa le mo theetsela. 5 Ke tseya gore a ke ya šupetsa ke le ye monyana le ka selo ka ssoši ga mapostola ya lune ya gore ma gedimo ka matla. 6 Mara le mo tso tsa go bolabola ke sa di kgone, le tso ke di tšibang a di šiyo; ka nnete re di makiye di ba lekgwaying ho ga lune ka ditsela ka mokana ga tsona le ka mekgwa ka mokana ga yona. 7 Kela le ra gore ke sinnye ka go tinyanafatsa gore lune le thanakiwe, ka gore ke le butsiye ditaba tsa go bafala mahala fote ke jabodiye? 8 Ke konne diphutego tse dingwana ka go di tseyela dilo tsa tsona gore ke tle ke berekele lune. 9 Mara nakwela ke na le lune fote go ba le tse dingwana tsa gore di ya gayela, a ka hlupa le motho ka wweši, ka gore magageru ya go tšwa Masedoniya ma n’gelepiye ka matla ka tso ne ke di nyaka. Eya, ke leketsiye ka matla gore ke sa be selo sa go roba ho ga lune fote ke nyoko ya mahlong ke maka tsotsone. 10 mo nnete yo ya Kreste yi sa na yi le ho gaka, nka sa lesetse go kganya ka batho bo ba leng dipolekeng tsa Akhaya. 11 Ke ntaba? Ayitsano nka taba la gore a ke le nyake? Modimo wa di tšiba tsa gore ke le nyaka ka matla. 12 Mara so ke se makang ke nyoko ya mahlong ke se maka, gore go nape go ro fela ka bo ba go timakisa ba re ba nyaka go lekana le rune ka mayemo ka go fo ba ba kene ba kganya. 13 Ka gore banna bone ke mapostola ya matsaka, ba sepelana ka fase, ba timaka nkare ke mapostola ya Kreste. 14 Fote a di makatse ka taba la gore le yene mong Sathane o dula a timaka lengeloyi la go khanya. 15 Byalo a di makatse mo re bona bo ba mmerekelang le bona ba timaka nkare ba maka mmereko wa go loka. Mara tso ba di makang di nyoko ba le maphomela.
MAY 27–JUNE 2
MAKOLWANE KA TENG GA LENTSU LA MODIMO | MAGALATA 1-3
“Ke mo Phigisiye re Lebeletsanne”
(Magalata 2:11-13) Mara mo Kheyifase a tla Anthiyoko, ke mo phigisiye re lebeletsanne ka taba la gore ke mo di le lekgwaying gore aa make tsona. 12 Ka gore mo go so ko tla banna ba bangwana ba go tšwa ga Jakobo, ke mo a ja le batho ba ditšhaba; mara mo ba šele ba segele, a lesetsa go ja nabo ke mokane a yemela ku thoko, a tšhaba bo ba gore ba bollwe. 13 Majuda ya mangwana ka mokana ga wona le wona ma yye ma timakisanya ma tshwana naye, le Bharenabhase le yene o yye a thomisa go maka tsotsone tsa go timakisanya go tshwana nabo.
w17.04 27 ¶16
Ayitsano o Tshwara Batho Gabutši go Tshwana le Jehova?
16 Bala Magalata 2:11-14. Petro o yye a tanya ke molabo wa go tšhaba batho. (Diy. 29:25) Le mo Petro a na a di tšiba tsa gore Jehova o yi tseya byang taba yowa, ke mo a tšhaba gore Majuda ya go bollwa ya phutego ya Jerusalema ma nyoko re king. Pawulo wa lepostola, wa gore le yene ke mo a le gona ga mogahlano wa ku Jerusalema ka 49 C.E., o yye a lata Petro ku Anthiyoko ke mokane a mmotsa mahlong ga batho gore tso a di makang tsa go timakisanya a yi tsona. (Meber. 15:12; Magal. 2:13) Makreste ya gore a yi wona Majuda ke mo ma nyoko tikwa byang ka taba yowa ya Petro ya go makiwa lešidi? Ayitsano ke mo ma nyoko fo tuba? Ayitsano Petro ke mo a nyoko lahlegela ke dilo tsa go hlawolega tso ne a di maka ka taba la gore a sinnye ka mokgo?
(Magalata 2:14) Mara mo ke bona gore a ba sa sepela ka nnete ya ditaba tsa go bafala, ke yye ka botsa Kheyifase mahlong ga bona ka mokana ga bona ka re: “Mo wene, o kene o le Lejuda, o maka dilo go tshwana le batho ba ditšhaba tse dingwana, o sa di make go tshwana le Majuda, ke ntaba o kutšetsela batho ba ditšhaba tse dingwana go yekisela maphelelo ya Majuda?”
Ba Gore ga Jehova ba mo Nyaka ka Matla “ba ka sa Phiriketsi ke Selo”
12 Petro o yye a šupetsa gore o tšhaba batho, go gongwana ke mo a napa a ro yi lahla ka matla; mara o yye a fo dula a tshepega ga Jehova le Jeso. Mo re beyisa, o yye a phiga Jeso gare ga batho, aa di maka ga ggoši, mara gararo. (Luka 22:54-62) Ka nthagonyana, Petro o yye a šitega go titshwara Sekreste, ke mo a nyenya Makreste ya gore ma tšwa ga ditšhaba tse dingwana, a maka nkare bona a baa napa ba yela gabutši go tshwana le Makreste ya gore wona ke Majuda. Mara Pawulo wa lepostola o yi bonne gabutši taba yowa, gore tso tsa go hlawolana ke mo di sa nyakege ka phutegong. Petro ke mo a sa make tsona. Pawulo aa hlwa a sa re o yemela ka motshwana ka taba la gore tso Petro ne a di maka ke mo di nyoko sinyetsela go nyakanana ga magageru, o yye a mo wolola ga Petro ba lebeletsanne. (Magal. 2:11-14) Ayitsano Petro o yye a ba le magetla a kwa nkare tso ba mmutsiyeng tsona di mo kwaletsiye ka matla la gore a šinye a sa sa taboga pateng ya go ya lephelong? Awwa. O yye a di tseyela gedimo ka matla tso Pawulo a di bolabodiyeng, a di berekisa ke mokane a ya mahlong a taboga pateng ya go ya lephelong.
Go Wunyulla tso di Wutammeng ka Baebeleng
(Magalata 2:20) Ke kokotediwwe phateng le Kreste. A go sa phela nna, mara Kreste o phela le nna. Lephelo lo ke le phelang gana byalo nameng, ke phela ka tumelo yo ke nang nayo ga Morwayi wa Modimo, wa gore o nnyakiye ka matla ke mokane a neyela ka lephelo lage ka taba laka.
w14 9/15 16 ¶20-21
Berekela Jehova o Kene o Tshepega le mo o “Phika ke Tsa go Tlala”
20 Byalo re ka re king ka tso di re phikang tsa gore di wutamme? Mo re beyisa, re ka maka byang mo re tikwa re kgongwele? Se sengwana se segolo ka matla so re ka ga se makang ke go ghayela ka taba ya go lepolliwa. Ke so Pawulo wa lepostola a se makiyeng. Ke mo a di tšiba gore ka dinako tse dingwana le yene o fela a tikwa a gahlagahlanne. Fote ke mo a tšiba gore Kreste aa kgwela batho ba go yenela, mara o kgwele ba gore baa sinya. Pawulo ke mo go le ye mongwana wa bo ba gore a baa yenela. Gabutšibitši o ngwadiye gore: “Ke phela ka tumelo yo ke nang nayo ga Morwayi wa Modimo, wa gore o nnyakiye ka matla ke mokane a neyela ka lephelo lage ka taba laka.” (Magal. 2:20) Eya, Pawulo o yye a yamogela go lepolliwa. O yye a di bona gore taba ya go lepolliwa ya bereka le ho gage.
21 Mo le wene o tseya dilo ka mokgonone, o tseya sehlabelo go le selo so Jehova a se neyyeng ye mongwana le ye mongwana wa rune, go nyoko go gelepa ka matla. Sowa a se rele gore go kgongwela go nyoko fo nyamalala. Ga ba bangwana ba rune, ntwa yowa ya gore yi wutamme re nyoko yi hlula lefaseng la nyuwane. Mara o sa lebale gore: Go nyoko hlula ba gore a ba lahlele tewu. Re dula re šutela thina ka matla le letšatši la go gadima, ka nako yo Mmušo wa Modimo wo nyoko makang gore go bebe le go maka gore bo ba go tshepega ba yenele fote. Tikemisele go kena Mmušong wone wa Modimo le mo o kene o phika ke tsa go tlala.
(Magalata 3:1) Magalata ya diphokophoko! Le fukudiye ke mang mara, lune ba gore Jeso Kreste o yye a hlatolliwa mahlong ga lune gore o kokotediwwe phateng?
it-1-E 880
Lengwalo la Gore le ya ga Magalata
Mantsu ya Pawulo ya gore “Magalata ya diphokophoko,” a ma rele gore ke mo a bolabola le mohlobo ka wwoši wa batho ba gore ne ba tšwa lebowa la Galata. (Gal 3:1) Mara ke mo a bolabola le ba bangwana ba phutegong ba gore ne ba tlayetsa ke tse dingwana tso Majuda ya gana hone ne ma di maka, Majuda ya gore ne ma leketsa go timaka nkare ma lukiye ka go berekisa Molawo wa Moše wa ‘go loka ka taba la tumelo’ wa go tšwa ga kwano ya nyuwane. (2:15–3:14; 4:9, 10) Gabutšibutši “diphutego tsa Magalata” (1:2) tso Pawulo a di ngwaleleng tsa gore ne go le Majuda le ba gore a yi Majuda, ba gore ba yye ba fetsa go le bo ba nyuwane ba gore ba bollwe le ba gore ne go se Majuda ba gore ne ba sa bollwa, fote ba bangwana ne go le ba mebolabolo ye mengwana ya mohlobohlobo ya ditšhaba tsa batho tso ba reng ke Ma-Celtic. (Meb 13:14, 43; 16:1; Gal 5:2) Ka mokana ga bona ne ba bitsiwa Makreste ya Magalata ka taba la gore poleke yo ne ba dula ga yona ne go le Galata. Mara taba ye kgolo ke gore Pawulo ga lengwalo lone ne a ngwalela bo ne a ba tšiba, ba go tšwa borwa bya phrovensi ya Roma, ke mo a sa ngwalele bo ba gore aa ba tšibi ba go tšwa lebowa la Roma, ga gore ne a soko ya gona.
Go Bala Baebele
(Magalata 2:11-21) Mara mo Kheyifase a tla Anthiyoko, ke mo phigisiye re lebeletsanne ka taba la gore ke mo di le lekgwaying gore aa make tsona. 12 Ka gore mo go so ko tla banna ba bangwana ba go tšwa ga Jakobo, ke mo a ja le batho ba ditšhaba; mara mo ba šele ba segele, a lesetsa go ja nabo ke mokane a yemela ku thoko, a tšhaba bo ba gore ba bollwe. 13 Majuda ya mangwana ka mokana ga wona le wona ma yye timakisanya ma tshwana naye, le Bharenabhase le yene o yye a thomisa go maka tsotsone tsa go timakisanya go tshwana nabo. 14 Mara mo ke bona gore a ba sa sepela ka nnete ya ditaba tsa go bafala, ke yye ka botsa Kheyifase mahlong ga bona ka mokana ga bona ka re: “Mo wene, o kene o le Lejuda, o maka dilo go tshwana le batho ba ditšhaba tse dingwana, o sa di make go tshwana le Majuda, ke ntaba o kutšetsela batho ba ditšhaba tse dingwana go yekisela maphelelo ya Majuda?” 15 Rune ba gore re belegiwwe re le Majuda, fote re se ba go sinya ba go tšwa ditšhabeng tse dingwana, 16 re ya di tšiba gore motho ba mo tseya go le wa go loka, go se ka taba la go maka dilo tsa molawo, mara ka go fo ba le tumelo ga Jeso Kreste. Byalo re na le tumelo ga Kreste Jeso, gore ba hlaye gore le rune re lukiye ka taba la gore re na le tumelo ga Kreste, yi seng ka taba la go maka dilo tsa molawo. 17 Byalo mo re ka fo ba re tseyiwwe re le ba go sinya le mo re na re kene re nyaka go ba ba go loka ka taba la Kreste, ayitsano Kreste ke ndhuna ya tsa go sinya? Awwa! 18 Mo nkare dilo tso ke yyeng ka di wisa ke thomisa go di tsosa fote, tsotsone di šupetsa gore ke tshela molawo. 19 Ka gore ka taba la molawo ke kgwile, gore ke tle ke phele ga Modimo. 20 Ke kokotediwwe phateng le Kreste. A go sa phela nna, mara Kreste o phela le nna. Lephelo lo ke le phelang gana byalo nameng, ke phela ka tumelo yo ke nang nayo ga Morwayi wa Modimo, wa gore o nnyakiye ka matla ke mokane a neyela ka lephelo lage ka taba laka. 21 A ke gane go loka ga Modimo, ka taba la gore mo nkare go loka go makega ka molawo, di ra gore Kreste o kgwele mahala.