Lengwalo la Kararo la Johane

1 Nna monna wa gore ke šele ke gudiye ke ngwalela wene Ghayiyosi ye ke mo nyakang ka matla.

2 Wene mogageru ye ke mo nyakang ka matla, ke rapelela gore nkare dilo ka mokana ga tsona di ka ya mahlong di go sepelela gabutši, fote o dule o philegiye go tshwana le mo dilo di go sepelela gabutši gana byalo. 3 Ka gore ke mo ke jabodiye ka matla mo magageru ma segela ma mpotsa gore o sa ngangarele nnete fote o sa fo ya mahlong o kene o yi ngangarele.+ 4 Ke jabola la go sa hlayisege* mo ke kwa gore bana baka ba sa fo ya mahlong ba ngangarele nnete.+

5 Wene mogageru ye ke mo nyakang ka matla, dilo tso o di makelang magageru le mo o sa ma tšibi di ya šupetsa gore wa tshepega.+ 6 Ba butsiye phutego ka mokgo wene o nyakananang. Mo ba šele ba sepela, o liketse ka matla go ba gelepa, gore Modimo le yene a šale a jabodiye.+ 7 Ka gore mo ba šala ba sepela nka taba la gore ke mo ba nyaka go tšhomayela ka lebitso la Modimo fote a baa tseya selo+ ga batho ba ditšhaba. 8 Byalo, batho ba mošaga wonone,+ di ya re tlema gore re ba yamogele gore le rune re thogo berekisana nabo mo re kene re tšhomayela nnete.+

9 Go na le tso ke di ngwaleleng phutego mara Diyotrefisi wa go kwana le mayemo+ ho gare ga bona a go na selo le ka ssoši so re se bolabolang sa gore wa se hlompa.+ 10 Ho nka tla gana hone, ke nyoko tla ke di ntsha dilo ka mokana ga tsona tso a di makang tsa go bolabola matsaka ka rune.+ Fote aa kgotsofale, aa nyake go yamogela magageru+ fote aa ma hlompe mo ma tla. Mo magageru ya mangwana ma ba yamogela wa ma rakela ke mokana a ma raka ka ho phutegong.

11 Lune magageru ya ke ma nyakang ka matla, le sa yekisele batho ba go maka dilo tsa go befa mara le yekisele ba go maka tsa gabutši.+ Motho wa gore o maka dilo tsa gabutši o tšwa ga Modimo.+ Motho wa gore o maka dilo tsa go befa aa soko bona Modimo.+ 12 Batho ka mokana ga bona ba bolabola gabutši ka Demetriyase fote tso ba di bolabolang di napa di šihlela taba yowa ka gore o phela ka mokgo Modimo a nyakang. Gabutšibutši le rune re yema le taba yone fote le ya di tšiba tsa gore tso re di hlayang ke nnete.

13 Ke mo ke na le dilo tsa go tlala tso ke nyakang go le ngwalela tsona mara a ke sa nyaka go di ngwala. 14 Mara ke nabela go le bona go se botala gore re thogo bolabola re lebeletsanne.

Nkare le ka beba.

Magageru maa le tamisa. Le lune le tamiseneng magageru ka mabitso.