Petro o Phiga Jeso

Mo Jeso a na le mapostola yage ga kamara ya ka kgakala, o yitseri: ‘Ka mokana ga lune le nyoko nšiya bošegong bya lekgono.’ Petro a re: ‘Go seng nna! Le mo ba bangwana ba ka go šiya, nna nka sa go šiyi.’ Mara Jeso a re ga Petro: ‘Mo phoko yi soko lla, wene o ko ba o hlaye gararo gore a o ntšibi.’

Mo masole ma yisa Jeso ntlong ya Kheyifase, mapostola ya go tlala ma yye ma tšhaba. Mara ka mabedi ma yye ma mo latelela ma le mone mogobeng. Ye mongwana wa bona ne go le Petro. Petro o yye lapeng la ntlo ya Kheyifase a segela a worela mollo. Ngwannyana wa gore ke sebereki o yye a bona sefahlego sa Petro se khanyisiye ke mollo a re: ‘Ke ya go tšiba! Ne o na le Jeso!’

Petro a re: ‘Awwa, ne ke se naye! A ke tšibi gore o bolabola ka ying!’ O yye a leba gheyiting. Mara sebereki se sengwana sa ngwannyana se yye sa mmona ke mokane sa botsa mogoba gore: ‘Monna yewa ne a na le Jeso!’ Petro a re: ‘Jeso yene le go mo tšiba a ke mo tšibi!’ Monna ye mongwana a re: ‘O ye mongwana wa bona! Ke kgona go kwa ka mokgo o bolabolang ka gona gore o tšwa Galeliya, go tshwana le Jeso.’ Mara Petro a bolabola a tiyisiye a re: ‘A ke mo tšibi motho yene!’

Ka nako yonone, phoko ya napa yi lla. Petro a bona Jeso a jika a mo lebelela. O gopodiye mantsu ya Jeso, ke mokane a tšwela ka tawong a se kgitla.

Ka nako yonone, mogoba wa Sanhendrini wo yye wa gahlana gore wo sekise Jeso ku ntlong ya Kheyifase. Ne ba fetsiye ka gore ba nyaka go bolaya Jeso, ke mokane ne ba nyaka sa go mo tanya ka sona. Mara a ba kraya sa go mo tanya ka sona. Mafelelong, Kheyifase o yye a butsisa Jeso gore: ‘Ayitsano o Morwayi wa Modimo?’ Jeso a re: ‘Ke nna yene.’ Kheyifase a re: ‘Re sa nyaka ying tse dingwana. O rogelele Modimo!’ Ba yye ba dumelelana ka gore: ‘Monna yewa di nyaka a kgwe.’ Ba mo teya ka dimpamo, ba mo tshwela ka mare, ba mo thiba ho mahlong, ke mokane ba mo teya, ba re: ‘Mo nkare o moporofeta re botse gore o teyye ke mang!’

Mo go ba motshegare, ba yye ba tseya Jeso ba mo yisa holong ya Sanhendrini ke mokane ba mmutsisa fote gore: ‘Ayitsano o Morwayi wa Modimo?’ Jeso a ba fetola a re: ‘Go hlaya lune tsotsone gore ke nna yene.’ Ba yye ba mo sola ba re o rogelele Modimo ke mokane ba mo tseya ba mo yisa ga ntlo ya bogoši ya Pontiyo Pilato, wa go lawola Roma. Go makegiye ying ka nthago? Tla re kweneng.