Ka Mokgo o ka Gopolang Mangwalo

Nje di yye dya go makegela gore go fo re phi mo o liketsa go gopola temanyana ya Bhayibele ya gore o kwana nayo ka matla? Go ka fo ba go le temanyana ya gore yi go kgomoletsa ka matla, ya gore yi go gelepa gore o sa nagane dilo tsa go kekema kela ya gore ne o nyaka go yi botsa ye mongwana. (Pis. 119:​11, 111) Dilo tse dingwana tsa gore di ka go gelepa gore o gopole mangwalo ke tsowa.

• Berekisa JW Library^®. Mo o bala Bhayibele o berekisa JW Library^® ke mokane o gahlana le lengwalo la gore a o nyake go le lebala, o ka le beya ga gore di nyoko ba lula go le kraya mo o šele o le nyaka.

• Beya lengwalo lone ga gore o nyoko le bona. Ngwala lengwalo lone la gore a o nyake go le lebala gedimo ga sephephane ke mokane o se beye ga gore o nyoko dula o se bona. Ba bangwana ba se beya seboking; ba bangwana ba se mamaretsa frijing. Ba bangwana ba tseya sethombhe sa lengwalo lone ke mokane ba maka gore sethombhe sone se dule se nyarela difowunung kela dikhomphyuteng tsa bona.

• Maka o boye o berekise dikarata. Ngwala puku ya Bhayibele, tema, le temanyana ka nthoko ka yyoši ya karata kela sephephane ke mokane o ngwale mantsu ya lengwalo lone ka nthoko ye nngwana. Mo o fetsa, lebelela ka hala o ngwadiyeng puku ya Bhayibele le temanyana ke mokane o liketse go tigopotsa mantsu ya gona kela o libelele mantsu ya gore o ma ngwadiye ka nthoko ye nngwana ke mokane o liketse go gopola puku yone ya Bhayibele.