20 “Motho yo a direlago medimo le ge e le efe dihlabelo ka ntle le go di direla Jehofa a nnoši, a bolawe.+

27 Ke moka a re go bona: “Se ke seo Jehofa Modimo wa Isiraele a se boletšego: ‘Yo mongwe le yo mongwe wa lena a khwamele tšhoša lethekeng la gagwe. Phatšang mešašeng le tšame le tsena kgoro le kgoro gomme yo mongwe le yo mongwe a bolaye ngwanabo, yo mongwe le yo mongwe a bolaye mogagabo e bile yo mongwe le yo mongwe a bolaye motho yo a tlwaelanego le yena kudu.’”+

8 gona o se ke wa dumelelana le kgopelo ya gagwe goba wa mo theetša,+ e bile mahlo a gago a se ke a mo kwela bohloko+ goba wa mo šokela goba gona go mo šireletša;

9 eupša wena o mmolaye.+ A bolawe ke seatla sa gago pele, e be gona go latelago diatla tša setšhaba ka moka.+

40 Ke moka Eliya a re go sona: “Swarang baporofeta ba Baali! Le se ke la tlogela le o tee wa bona a phonyokga!” Gateetee ba ba swara gomme Eliya a theogela le bona moeding wa mafula wa Kishoni+ a ba bolaela moo.+