7 Eupša Jehofa a re go Samuele: “O se ke wa lebelela ponagalo ya gagwe le leemo+ la gagwe ka ge nna ke mo ganne. Tsela yeo motho a bonago ka yona ga se yeo Modimo a bonago ka yona,+ ka gobane motho o bona ponagalo ya ka ntle;+ eupša Jehofa yena o bona dipelo.”+

17 Wena Modimo wa ka, ke tseba gabotse gore o mohlahlobi wa dipelo+ le gore o thabela go loka.+ Ge e le nna, ke neetše dilo tše ka moka ka pelo ya ka e lokilego, e bile ke thabetše go bona batho ba gago bao ba lego mo ba go neela dibego ka go ithaopa.

3 Silifera e sekišetšwa pitšeng gomme gauta e sekišetšwa sebešong,+ eupša Jehofa ke mohlahlobi wa dipelo.+

23 Bana ba gagwe ke tla ba bolaya ka bolwetši bjo bo bolayago, e le gore diphuthego ka moka di tsebe gore ke nna yo a lekolago dikgopolo tša ka garegare* le dipelo gomme ke tla nea yo mongwe le yo mongwe wa lena go ya ka ditiro tša lena.+