• Jesaya 53:8
    Beibele ya Phetolelo ya Lefase le Leswa

    •  8  O ile a tlošwa ka gobane o be a gateletšwe e bile a ahlotšwe ka go hloka toka.

      Le gona ke mang yo a ka itshwenyago ka ditaba tša mabapi le moloko wa gagwe?*

      O ile a tlošwa nageng ya bao ba phelago.

      O ile a otlwa ka baka la ge batho ba ka ba ile ba tshela molao.

  • Jesaya 53:12
    Beibele ya Phetolelo ya Lefase le Leswa

    • 12  Ka baka leo ke tla mo nea karolo gotee le batho ba bantšhi,

      O tla arola dilo tšeo di tšerwego ntweng gotee le banna ba matla.

      O ile a neela bophelo bja gagwe,*

      O ile a balwa gare ga badiradibe,

      A rwala dibe tša ba bantšhi,

      A phophothela badiradibe.

  • Daniele 9:26
    Beibele ya Phetolelo ya Lefase le Leswa

    • 26 “Ka morago ga dibeke tše 62, Mesia o tla bolawa a se na selo.

      “Le gona mašole a moetapele yoo a tlago, a tlo senya motse le lefelo le lekgethwa. Le tla fedišwa ka mafula. Go tla dula go na le ntwa go fihla mafelelong. Modimo o phethile ka gore lefelo leo e šale e le lešope.