Psalme
Koša ya Maeto a go Rotoga.
121 Ke lebelela dithabeng gomme ka ipotšiša gore,
Ke tla thušwa ke mang?
2 Jehofa o tla nthuša,
Yena yoo a dirilego legodimo le lefase.
3 A ka se dumelele leoto la gago gore le kgopše.*
Yo a go letago a ka se otsele.
4 Yo a letago Isiraele
A ka se otsele goba a robala.
5 Jehofa o a go lwela.
Jehofa o go šireletša a le ka letsogong la gago le letona.*
6 Letšatši le ka se go gobatše mosegare,
Le ngwedi o ka se go gobatše bošego.
7 Jehofa o tla go leta gore o se welwe ke dilo ka moka tše mpe.
O tla šireletša bophelo bja gago.
8 Jehofa o tla go šireletša dilong ka moka tšeo o di dirago,
Go tloga gona bjale le go ya go ile.