Psalme

26 Nkahlole hle Jehofa, ka gobane ke a botega.

Ke tshepile wena Jehofa e bile ga ke šišinyege.

 2 Ntlhahlobe hle Jehofa, gomme o bone gore ke motho wa mohuta mang.

Sekiša pelo ya ka le maikwelo a ka a ka garegare.

 3 Ke dula ke naganišiša ka lerato la gago le le botegago,

E bile ke dira dilo ka moka tšeo o di nyakago.*

 4 Ga ke gwerane le batho ba maaka,

E bile ga ke gwerane le batho bao ba iphihlago seo ba lego sona.

 5 Ke hloile batho bao ba dirago dilo tše mpe,

E bile ga ke gwerane le batho ba babe.

 6 Ke tla hlapa diatla tša ka go bontšha gore ga ke na molato,

E bile ke tla dikologa aletare ya gago ke go hlankela wena Jehofa,

 7 Ka go leboga ke hlaboša lentšu,

Ka ba ka bolela ka mediro ya gago ka moka e makatšago.

 8 Jehofa, ke rata ntlo yeo o dulago go yona,

Lefelo leo batho ba ka bonago bogolo bja gago go lona.

 9 O se ke wa mphediša le badiradibe

Goba wa mphediša le batho ba sehlogo,

10 Bao ba itshwarago ka tsela yeo e lešago dihlong,

Le bao ba ratago go reka* batho gore ba ba direle dilo tše itšego.

12 Ke eme lefelong leo le šireletšegilego.

Ke tla reta Jehofa ke le gare ga batho bao ba mo hlankelago.