Psalme

12 Mphološe hle Jehofa, gobane ga go sa na yo a botegago.

Batho bao o ka ba tshepago ga ba sa le gona.

 2 Ba botšana maaka,

Ba itira eka ba reta batho eupša ge e le gabotse ba a ba gegea le go ba fora.

 3 Jehofa o tla ripa melomo ka moka ya bao ba ratago go gegea,

Le maleme a bao ba ratago go ikgantšha,

 4 Bao ba rego: “Se sengwe le se sengwe seo re se bolelago ka maleme a rena se a atlega.

Re diriša melomo ya rena ka mokgwa wo re ratago.

Ga go na yo a ka re botšago gore re dire eng.”

 5 Jehofa o re: “Ka ge batho bao ba sa kgonego go itwela ba gateletšwe,

Le ka baka la ge badiidi ba lla,

Ke tla ema gomme ka ba phološa go batho bao ba ba hloilego.”

 6 Dipolelo tša Jehofa di hlwekile,

Di etša silifera yeo e sekišitšwego sebešong sa fase, yeo e hlwekišitšwego gašupa.

 7 Wena Jehofa, o tlo ba hlokomela,

Le gona o tlo dula o ba šireletša go batho ba ba babe.

 8 Batho ba babe ba sepela ka bolokologi

Ka gobane bana ba batho ba dira dilo tše mpe.