Psalme
Ditaelo tšeo di yago go mohlahli. Koša ya Dafida.
14 Batho ba ditlaela ba ipotša gore:
“Jehofa ga a gona.”
Ba dira dilo tše di gobogilego le tše di šišimišago.
Ga go na yo a dirago dilo tša go loka.
2 Eupša Jehofa o lebeletše fase a le legodimong gore a bone bana ba batho,
Go bona ge e ba go na le yo a nago le temogo le yo a tsomago Jehofa.
3 Ka moka ga bona ba tlogetše go dira se se lokilego.
Ka moka ga bona ba a swana e bile ba senyegile.
Ga go yo a dirago dilo tše di lokilego,
Le o tee ga a gona.
4 Na ga go le o tee wa batho bao ba dirago dilo tše mpe yo a kwešišago?
Ba ja batho ba ka tše e kego ba ja dijo.
Ga ba rapele Jehofa.
5 Eupša ba tla tšhoga kudu,
Ka gobane Jehofa o thekga baloki.
6 Lena badirabobe, le leka go šitiša modiidi go fihlelela dilo tšeo a di nyakago,
Eupša Jehofa ke setšhabelo sa gagwe.
7 Anke phološo ya Isiraele e tšwe Tsione!
Ge Jehofa a kgoboketša batho ba gagwe bao ba bego ba thopilwe,
Eka Jakobo a ka thaba, eka Isiraele a ka thaba.