Psalme
Koša ya Dafida.
138 Ke tla go reta ka pelo ya ka ka moka.
Ke tla bontšha gore ke nyatša medimo e mengwe ka moka,
Gomme ka go opelela dikoša tša go go tumiša pele ga yona.
2 Ke tla khunama ke lebeletše tempeleng ya gago e kgethwa,
Gomme ka reta leina la gago,
Ka gobane o a tshepega e bile o a re rata.*
O bontšhitše gore leina la gago le ditshepišo tša gago di phagame go feta selo se sengwe le se sengwe.*
3 O ile wa nkaraba ge ke be ke go bitša,
Wa mpha sebete wa ba wa mpha le matla.
4 Wena Jehofa, dikgoši ka moka tša lefase di tla go reta,
Ka gobane di tla be di kwele ditshepišo tša gago.
5 Di tla opela ka dilo tšeo o di dirilego, wena Jehofa,
Ka gobane letago la gago ke le legolo wena Jehofa.
6 Le ge Jehofa a phagame, o hlokomela bao ba ikokobeditšego,
Eupša ga a nyake go ba kgauswi le bao ba ikgogomošago.
7 Le ge nka ba kotsing, wena o tla dira gore ke dule ke phela.
O diriša matla a gago go fenya manaba a ka ao a galefilego.
O tla mphološa ka matla a gago.
8 Jehofa o tla phetha dilo ka moka tšeo a ntshepišitšego tšona.
Wena Jehofa, lerato la gago le le botegago le dula le le gona go ya go ile.
O se ke wa lebala batho bao o ba bopilego.