- - “Ke go biditše ke tlaletšwe kudu”
    - “Ge nkabe o be o latišiša melato” (3)
    - Jehofa o tloga a lebalela batho dibe tša bona (4)
    - “Ke letetše Jehofa ka pelo ya ka ka moka gore a tle a nthuše” (6)

Kgotla temana gore e bontšhe ditemana tša Beibele tša go swana.

Beibele ya Phetolelo ya Lefase le Leswa

Dipsalme 130:1-8

Psalme

Koša ya Maeto a go Rotoga.

130 Wena Jehofa, ke go biditše ke tlaletšwe kudu.

2 Hle Jehofa, anke o kwe lentšu la ka.

Anke o theetše ge ke go kgopela gore o nthuše.

3 Wena Jah, ge nkabe o be o latišiša melato,

Gona ke mang yo a bego a ka ema pele ga gago, wena Jehofa?

4 Ka gobane o tloga o lebalela batho dibe tša bona,

Ke ka baka leo batho ba go hlomphago kudu.*

5 Wena Jehofa, ke ithekgile ka wena gore o nthuše

Go etša ge o ntshepišitše.

6 Ke letetše Jehofa ka pelo ya ka ka moka gore a tle a nthuše

Go feta batho ba go leta motse bao ba letetšego gore bo se.

7 Anke Isiraele a dule a letetše Jehofa,

Ka gobane lerato la Jehofa le a botega

E bile o na le matla a magolo a go phološa.

8 O tla lebalela Isiraele melato ya gagwe ka moka.