Puku ya Pele ya Dikoronika

2 Barwa ba Isiraele e be e le Rubeni, Simeone, Lefi, Juda, Isakara, Sebulone 2 Dani, Josefa, Benjamini, Nafutali, Gada le Ashere.

3 Barwa ba Juda e be e le Ere, Onane le Shela. Ka moka ga bona o ba belegetšwe ke morwedi wa Shua wa Mokanana. Eupša Ere yoo e bego e le ngwana wa mathomo wa Juda o be a sa kgahliše Jehofa, ka gona a mmolaya. 4 Thamara yoo e bego e le ngwetši ya Juda, o ile a belegela Juda barwa ba babedi e lego Peretse le Tsera. Barwa ba Juda ge ba feletše ka moka e be e le ba bahlano.

5 Barwa ba Peretse e be e le Hetserone le Hamulu.

6 Barwa ba Tsera e be e le Simiri, Ethane, Hemane, Kalakolo le Dara. Ka moka ga bona e be e le ba bahlano.

7 Morwa wa* Karami e be e le Akara* yoo a ilego a dira gore Isiraele e welwe ke masetlapelo ka ge a se a kwa molao wa mabapi le dilo tšeo di swanetšego go senywa.

8 Morwa wa* Ethane e be e le Asaria.

9 Barwa ba Hetserone e be e le Jerahamiele, Rame le Kelubai.*

10 Rame o ile a ba tatago Aminadaba. Aminadaba a ba tatago Nahashone yo e bego e le moetapele wa ditlogolo tša Juda. 11 Nahashone o ile a ba tatago Salama. Salama a ba tatago Boase. 12 Boase o ile a ba tatago Obede. Obede a ba tatago Jese. 13 Ngwana wa mathomo wa Jese e be e le Eliaba, wa bobedi ya ba Abinadaba, wa boraro ya ba Shimea, 14 wa bone ya ba Nethanele, wa bohlano ya ba Radai, 15 wa botshelela ya ba Otsema gomme wa bošupa ya ba Dafida. 16 Dikgaetšedi tša bona e be e le Tseruya le Abigaile. Tseruya o be a na le barwa ba bararo, e lego Abishai, Joaba le Asahele. 17 Abigaile o ile a belega Amasa. Tatago Amasa e be e le Jethere wa Moishimaele.

18 Kalebe morwa wa Hetserone o ile a ba tatago barwa bao a ba belegetšwego ke mosadi wa gagwe Asuba le Jeriothe. Barwa ba Asuba e be e le Jeshere, Shobaba le Aridone. 19 Ka morago ga gore Asuba a hlokofale, Kalebe o ile a nyala Efurata yoo ka morago a ilego a mmelegela Huru. 20 Huru o ile a ba tatago Uri. Uri a ba tatago Betsalele.

21 Ka morago ga moo, Hetserone a robala le morwedi wa Makiri tatago Gileada. Hetserone o be a na le mengwaga e 60 ge a nyala morwedi wa Makiri, gomme morwedi wa Makiri o ile a mmelegela Seguba. 22 Seguba o ile ba tatago Jairi, yoo a bego a na le metse e 23 nageng ya Gileada. 23 Ka morago Geshuri le Siria ba tšea motse wa Hafothe-jairi go batho bao ba bego ba dula moo, ba tšea le Kenathe gotee le metse yeo e bego e e dikologile. Metse yeo ka moka e be e le e 60. Tše ka moka e be e le ditlogolo tša Makiri tatago Gileada.

24 Ka morago ga ge Hetserone a hlokofetše kua Kalebe-efuratha, mosadi wa gagwe Abija o ile a mmelegela Ashuhuru tatago Thekoa.

25 Ngwana wa mathomo wa Hetserone e lego Jerahamiele o be a na le barwa. Wa mathomo e be e le Rame, gwa latela Buna, Orene, Otsema le Ahija. 26 Jerahamiele o be a na le mosadi yo mongwe yoo leina la gagwe e bego e le Atara mmago Onama. 27 Barwa ba Rame e lego ngwana wa mathomo wa Jerahamiele e be e le Maatsi, Jamini le Ekere. 28 Barwa ba Onama e be e le Shamai le Jada. Barwa ba Shamai e be e le Nadaba le Abishuri. 29 Leina la mosadi wa Abishuri e be e le Abihaili yoo a ilego a mmelegela Ahabani le Molidi. 30 Barwa ba Nadaba e be e le Seledi le Apaima. Eupša Seledi o hlokofetše a se na bana. 31 Morwa wa* Apaima e be e le Ishi. Morwa wa* Ishi e le Sheshane gomme morwa wa* Sheshane e le Ahalai. 32 Barwa ba Jada ngwanabo Shamai e be e le Jethere le Jonathane. Eupša Jethere o hlokofetše a se na barwa. 33 Barwa ba Jonathane e be e le Pelethe le Sasa. Tše e be e le ditlogolo tša Jerahamiele.

34 Sheshane o be a se na barwa eupša o be a na le barwedi feela. Sheshane o be a na le mohlanka wa Moegepeta yoo leina la gagwe e bego e le Jaraha. 35 Sheshane o ile a tšea morwedi wa gagwe a mo fa mohlanka wa gagwe Jaraha gore e be mosadi wa gagwe, gomme a mmelegela Athai. 36 Athai o ile a ba tatago Nathane. Nathane a ba tatago Sabada. 37 Sabada o ile a ba tatago Efilala. Efilala a ba tatago Obede. 38 Obede o ile a ba tatago Jehu. Jehu a ba tatago Asaria. 39 Asaria o ile a ba tatago Heletse. Heletse a ba tatago Eleasa. 40 Eleasa o ile a ba tatago Sisemai. Sisemai a ba tatago Shalume. 41 Shalume o ile a ba tatago Jekamia. Jekamia a ba tatago Elishama.

42 Go barwa ba Kalebe* ngwanabo Jerahamiele, wa mathomo e be e le Mesha, yoo e bego e le tatago Tsifi. Le gona, go be go na le barwa ba Mareasha yoo e bego e le tatago Heburone. 43 Barwa ba Heburone e be e le Kora, Thapua, Rekema le Shema. 44 Shema o ile a ba tatago Rahama yoo e bego e le tatago Jorokeama. Rekema a ba tatago Shamai. 45 Morwa wa Shamai e be e le Maoni. Maoni yena e be e le tatago Bethe-tsuri. 46 Efaa yoo e bego e le mosadi wa serethe wa Kalebe, o ile a belega Harane, Motsa le Gasese. Harane o ile a ba tatago Gasese. 47 Barwa ba Jahadai e be e le Regema, Jothama, Geshani, Pelete, Efaa le Shaafe. 48 Maaka e lego mosadi wa Kalebe wa serethe, o ile a belega Shebere le Tirihana. 49 Ge nako e dutše e eya, a belega Shaafe tatago Madimana, Shefa tatago Makabena, a ba a belega le Gibea. Morwedi wa Kalebe e be e le Akisa. 50 Tše e be e le ditlogolo tša Kalebe.

Barwa ba Huru yoo e bego e le ngwana wa mathomo wa Efurata e be e le Shobala tatago Kiriathe-jearima, 51 Salama tatago Betlelehema le Harefe tatago Bethe-gadere. 52 Barwa ba Shobala tatago Kiriathe-jearima e be e le Haroe le seripa sa batho ba Menuhothe. 53 Malapa ao a bego a dula Kiriathe-jearima e be e le Baithira, Bapute, Bashumathi le Bamishirai. Batsorathe le Baeshithaolo ba tšwile malapeng a. 54 Barwa ba Salama e be e le Betlelehema, Banetofa, Atarothe-bethe-joaba, seripa sa Bamanahathe le Batsora. 55 Malapa a bangwadi ao a bego a dula Jabese e be e le Bathirea, Bashimea le Basuka. Ka moka ga bona e be e le Bakeni bao ba tšwilego go Hamathi tatago ba lapa la Rekaba.