Psalme
Ditaelo tšeo di yago go mohlahli. Koša ya Dafida.
41 Go thaba motho yo mongwe le yo mongwe yo a hlokomelago motho wa maemo a tlase.
Jehofa o tla mo phološa letšatšing la tlalelo.
2 Jehofa o tla mo šireletša gomme a mo dumelela gore a tšwele pele a phela.
Batho ba bangwe ba tla bona gore o thabile mo lefaseng.
Modimo a ka se dumelele manaba a gagwe a dira seo a se ratago ka yena.
3 Jehofa a ka se mo tlogele ge a le mpeteng a babja,
O tla mo hlokomela ge a babja.
4 Ge e le nna ke itše: “Hle Jehofa, nkwele bohloko.
Mphodiše ka gobane ke go diretše sebe.”
5 Eupša manaba a ka a bolela gampe ka nna a re:
“Motho yo o tla hwa neng gore a se sa gopolwa?”
6 Ge yo mongwe wa bona a etla go mpona, o dira eka o nkwela bohloko mola ge e le gabotse a mphora.
O nyakana le seo a ka nkwešago bohloko ka sona.
Ke moka ge a se hweditše, o ya go botša batho maaka ka nna.
7 Batho ka moka bao ba ntlhoilego ba sebelana ka nna.
Ba ntogela maano a mabe gore ba nkgobatše, ba re:
8 “O wetšwe ke masetlapelo.
Ka ge gona bjale a robetše, a ka se sa tsoga.”
10 Eupša wena Jehofa, nkwele bohloko gomme o mphodiše,
Gore ke itefeletše go bona.
11 Ge manaba a ka a ka se thabišwe ke gore a mphentše,
Gona ke tla tseba gore ke a go kgahla.
13 Anke Jehofa Modimo wa Isiraele
A retwe go ya go ile.
Amene, Amene.