LAEPRARI YA INTHANETENG
Watchtower
LAEPRARI YA INTHANETENG
Sepedi
  • BEIBELE
  • DIKGATIŠO
  • DIBOKA
  • Doiteronomio 7
  • Beibele ya Phetolelo ya Lefase le Leswa

Karolo ye ga e na bidio.

Tshwarelo, go bile le bothatanyana ka bidio ye.

Dikagare tša Puku ya Doiteronomio

      • Ditšhaba tše šupago tšeo di tlago go fedišwa (1-6)

      • Lebaka leo Baisiraele ba ilego ba kgethwa (7-11)

      • Go kwa go tliša ditšhegofatšo (12-26)

Doiteronomio 7:1

Dikgatišo tša go Dira Nyakišišo

  • Tlhahlo ya go Dira Nyakišišo

    ‘Naga e Botse’, matl. 10-11

Doiteronomio 7:3

Dikgatišo tša go Dira Nyakišišo

  • Tlhahlo ya go Dira Nyakišišo

    Morokami,

    11/1/1989, matl. 20-21

Doiteronomio 7:5

Mengwalo ya tlase

  • *

    Goba “dikokwane tša bona tše kgethwa.”

  • *

    Bona Tlhaloso ya Mantšu.

Doiteronomio 7:9

Mengwalo ya tlase

  • *

    Phetolelo ya lentšu ka lentšu e re, “lerato le le botegago.”

Doiteronomio 7:15

Dikgatišo tša go Dira Nyakišišo

  • Tlhahlo ya go Dira Nyakišišo

    Morokami,

    6/15/1991, letl. 4

Mangwalo a go Swana

Kgotla temana gore e bontšhe ditemana tša Beibele tša go swana.
  • Beibele ya Phetolelo ya Lefase le Leswa
  • Bala go Sepedi bi12
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
Beibele ya Phetolelo ya Lefase le Leswa
Doiteronomio 7:1-26

Doiteronomio

7 “Ge Jehofa Modimo wa lena a dira gore le fihle nageng yeo le tlago go e tšea gore e be ya lena, o tla tloša ditšhaba tše kgolo pele ga lena, e lego Bahethe, Bagirigashe, Baamore, Bakanana, Baperetse, Bahefe le Bajebusi, e lego ditšhaba tše šupago tše kgolo le tše matla go le feta. 2 Jehofa Modimo wa lena o tla le nea tšona gore le di fenye gomme le di fediše. Le se ke la dira kgwerano le tšona goba la di gaugela le gatee. 3 Le se ke la nyalelana le tšona. Le se ke la di nea barwedi ba lena gore ba nyalwe ke barwa ba tšona, goba la tšea barwedi ba tšona gore ba nyalwe ke barwa ba lena. 4 Ka gobane batho ba ditšhaba tšeo ba tla dira gore bana ba lena ba se sa hlankela Modimo eupša ba hlankele medimo e mengwe. Ke moka Jehofa o tla le galefela a ba a le fediša kapelapela.

5 “Seo le swanetšego go se dira ka batho ba ditšhaba tšeo se se: Le phušole dialetare tša bona, le pšhatle maswika a bona ao ba a rapelago,* le reme dikota tša bona tše kgethwa* gomme le fiše diswantšho tša bona tše di betlilwego. 6 Ka gobane le setšhaba se sekgethwa go Jehofa Modimo wa lena, gomme Jehofa Modimo wa lena o le kgethile gare ga ditšhaba ka moka tša lefaseng gore le be batho ba gagwe ba bohlokwa.

7 “Jehofa ga se a le rata le go le kgetha ka baka la ge le be le le setšhaba se segolo mo go ditšhaba ka moka, lena le be le le setšhaba se senyenyane mo go ditšhaba ka moka. 8 Eupša e be e le ka baka la ge Jehofa a le rata le ka baka la ge a phetha keno yeo a e enetšego borakgolokhukhu ba lena, moo Jehofa a ilego a le ntšha Egepeta a diriša matla a gagwe a magolo, e le gore a le lokolle moo le bego le le makgoba, a le lokolle seatleng sa Farao kgoši ya Egepeta. 9 Le tseba gabotse gore Jehofa Modimo wa lena ke Modimo wa nnete, ke Modimo yo a botegago, yo a bolokago kgwerano le yo a bontšhago botho* go bao ba mo ratago le bao ba latelago melao ya gagwe go iša melokong e dikete. 10 Eupša o tla itefeletša go bao ba mo hloilego ka gore a ba fediše. A ka se diege go otla bao ba mo hloilego, yena o tla itefeletša. 11 Ka gona le lateleng melao le ditaelo tšeo ke le neago tšona lehono.

12 “Ge e ba le ka tšwela pele le theetša ditaelo tše, le di kwa e bile le phela ka tšona, Jehofa Modimo wa lena o tla boloka kgwerano ya gagwe le go le bontšha botho, ka ge a enetše borakgolokhukhu ba lena. 13 O tla le rata, a le šegofatša, a ba a dira gore le be ba bantšhi. O tla le šegofatša ka bana ba bantšhi, a šegofatša dilo tšeo le di bjetšego, mabele a lena, beine ya lena e mpsha, makhura a lena, dinamane tša lena le dikwana tša mehlape ya lena. Dilo tšeo o tla di dira nageng yeo a enetšego borakgolokhukhu ba lena gore o tla le nea yona. 14 Le tla ba batho bao ba šegofaditšwego go feta ditšhaba ka moka. Gare ga lena go ka se be le monna goba mosadi yo a hlokago ngwana, goba gwa ba le seruiwa sa lena seo se ka se kego sa tswala. 15 Jehofa o tla tloša malwetši ka moka mo go lena, le gona a ka se le tlišetše malwetši ka moka a šoro ao le a bonego kua Egepeta, go e na le moo o tla a tlišetša batho ka moka bao ba le hloilego. 16 Le fediše ditšhaba ka moka tšeo Jehofa Modimo wa lena a le neago tšona gore le di fenye. Le se ke la di kwela bohloko e bile le se ke la hlankela medimo ya tšona, ka gobane dilo di ka se le sepelele gabotse.

17 “Ge e ba ka dipelong tša lena le ka re: ‘Ditšhaba tše ke tše dintšhi kudu go re feta. Re tla kgona bjang go di raka?’ 18 Le se ke la di tšhaba. Le gopole seo Jehofa Modimo wa lena a se dirilego Farao le Baegepeta ka moka, 19 e bile le gopole le dikotlo tše kgolo tšeo le di bonego, dipontšho, mehlolo le matla a magolo ao Jehofa Modimo wa lena a a dirišitšego go le ntšha Egepeta. Se ke seo Jehofa Modimo wa lena a tlago go se dira go ditšhaba ka moka tšeo le di boifago. 20 Jehofa Modimo wa lena o tla dira gore ditšhaba tšeo di nolege moko, go ba go fihlela ge bao ba bego ba šetše le bao ba bego ba ikutetše lena ba fedišwa. 21 Ditšhaba tšeo di se ke tša le tšhoša, ka gobane Jehofa Modimo wa lena o na le lena, yena Modimo yo mogolo le yo a boifišago.

22 “Jehofa Modimo wa lena o tla raka ditšhaba tše pele ga lena ganyenyane-ganyenyane. Le ka se dumelelwe go di fediša kapejana, e le gore dibata tša naga di se ke tša oketšega gomme tša le hlasela. 23 Jehofa Modimo wa lena o tla le nea ditšhaba tšeo gore le di fenye go ba go fihlela di fedišwa. 24 O tla le nea dikgoši tša ditšhaba tšeo gore le di fenye, gomme lena la phumola maina a tšona ka tlase ga magodimo. Ga go na yo a tlago go le fenya go fihlela le di fedišitše. 25 Le fiše medimo ya tšona ya diswantšho tše di betlilwego. Le se ke la duma silifera le gauta tšeo di lego godimo ga tšona goba la itšeela tšona e le gore di se ke tša le goketša, ka gobane diswantšho tšeo di šišimiša Jehofa Modimo wa lena. 26 Le se ke la tliša selo se se šišimišago ka dintlong tša lena, gomme la tla la swanelwa ke go fedišwa go swana le sona. Le se hloye ka pelo ka moka, ka gobane se swanetše go fedišwa.

Dikgatišo tša Sepedi (1975-2026)
Etšwa
Tsena
  • Sepedi
  • Romela
  • Beakanya
  • Copyright © 2025 Watch Tower Bible and Tract Society of Pennsylvania
  • Melao ya Tirišo
  • Tumelelano ya go Boloka Sephiri
  • Beakanya Tumelelano ya go Boloka Sephiri
  • JW.ORG
  • Tsena
Romela