Jeremia

3 Batho ba botšiša gore: “Ge monna a ka hlala mosadi wa gagwe gomme mosadi yoo a sepela a nyalwa ke monna yo mongwe, na monna yo a ka hlwa a sa boela go yena?”

Na naga yeo ga se ya šilafatšwa?

 2 “Lebelela mebotong gomme o bone,

Ke kae mo o sa kago wa robala le banna?

6 Jehofa o ile a bolela le nna mehleng ya Kgoši Josia a re: “‘Na o bone seo Isiraele yo a sa botegego a se dirilego? O ile thabeng e nngwe le e nngwe e telele le ka tlase ga mohlare o mongwe le o mongwe o motala gore a yo rekiša mmele moo. 7 Le ka morago ga gore a dire dilo tše ka moka ke ile ka dula ke mmotša gore a boele go nna, eupša o ganne go boa gomme Juda yena o ile a no dula a lebeletše mogolwagwe wa moradia. 8 Ge ke bona seo Isiraele yo a sa botegego a se dirilego, ke ile ka mo šupa tsela gomme ka mo nea lengwalo la tlhalo ka gobane o hlotlotše, eupša Juda ngwanabo wa moradia ga se a ka a tšhošwa ke seo, le yena o ile a sepela a yo rekiša mmele. 9 Taba ya gore o rekiša mmele e be e sa mo tshwenye gomme o ile a no tšwela pele a šilafatša naga, e bile a dira bohlotlolo* ka go rapela maswika le mehlare. 10 Go sa šetšwe dilo ka moka tšeo di diragetšego, Juda e lego ngwanabo wa moradia, o ile a itira eka o boela go nna, eupša a se boele ka pelo ka moka’ o realo Jehofa.”

11 Ke moka Jehofa a re go nna: “Isiraele yo a sa botegego o bontšhitše gore o lokile go feta Juda wa moradia. 12 Sepela o yo bolela mantšu a ka leboa, o re:

“‘Jehofa o re: “Boa, wena Isiraele yo a ntlhanogetšego.” Le gona Jehofa o re: ‘“Nka se dule ke go galefetše ka gobane ke a tshepega, e bile nka se dule ke kwatile go ya go ile.” 13 Wena amogela molato wa gago, ka gobane o hlanogetše nna Jehofa Modimo wa gago. O ile wa dulela go kitimišana le batho ba šele ka tlase ga mohlare o mongwe le o mongwe o motala, eupša wa se ntheetše,” o realo Jehofa.’”

14 Jehofa o re: “Boang, lena bana bao ba ntlhanogetšego, ke nna mong wa lena wa nnete, ka gona ke tla le tšea, ka tšea o tee go tšwa motseng o mongwe le o mongwe le ba babedi go tšwa lapeng le lengwe le le lengwe, gomme ka le tliša Tsione.” 15 Ke tla le nea badiši bao ba dirago seo ke se nyakago* gomme ba tla le nea tsebo le temogo. 16 Jehofa o re: “Mehleng yeo le tla ba ba bantšhi gomme la oketšega mo nageng. Le ka se sa hlwa le bolela ka Areka ya kgwerano ya Jehofa! Le ka se sa nagana ka yona le go e gopola e bile le ka se e hlolosele, le gona e ka se sa dirwa gape. 17 Mehleng yeo batho ba tla bitša Jerusalema gore ke setulo sa bogoši sa Jehofa gomme ditšhaba ka moka di tla kgobokeletšwa Jerusalema gore di tumiše leina la Jehofa moo, e bile di ka se sa ngangabala le go theetša dipelo tša tšona tše mpe.”

18 “Mehleng yeo Bajuda le Baisiraele ba tla sepela gotee go tšwa nageng ya ka leboa go ya nageng yeo ke e neilego borakgolokhukhu ba lena e le bohwa. 19 Ke ile ka ipotša ka re: ‘Ke tla le bea gare ga barwa ba ka le go le nea naga e kgahlišago, e lego bohwa bjo bo botsebotse gare ga ditšhaba! Le gona ke be ke nagana gore le tla mpitša tatago lena gomme la se tlogele go ntšhala morago.’ 20 Jehofa o re: “‘Go no swana le ge mosadi a tlogetše monna wa gagwe ka boradia, le lena Baisiraele le nthadiile.”

22 “Boang, lena bana bao ba ntlhanogetšego.

Ke tla le alafa gomme le ka se sa hlanoga.”

23 Ruri re be re iphora ka go direla medimo e mengwe menyanya ya mašata mebotong le dithabeng.

Ruri phološo ya Isiraele e tšwa go Jehofa Modimo wa rena.