Psalme
Ditaelo tšeo di yago go mohlahli: Diriša diletšo tša metato o di letša ka Sheminithe.* Koša ya Dafida.
6 Hle Jehofa, o se nkgale o galefile,
Le gona o se mphošolle o befetšwe.
2 Nkwele bohloko hle Jehofa, ka gobane ke a fokola.
Nkalafe hle Jehofa, gobane marapo a ka a a opa.*
3 Ee, moya wa ka o tshwenyegile kudu.
Wena Jehofa, hle mpotše gore se se tla direga go fihla neng?
4 Etla o phološe moya wa ka hle Jehofa.
Mphološe ka baka la lerato la gago le le botegago.
6 Ke feletšwe ke matla ka ge ke dulela go lla.
Bošego ka moka ke kolobiša mpete wa ka ka megokgo,
E bile ke kolobiša sofa ya ka ka megokgo.
7 Ke nyamile ka baka la dilo ka moka tšeo di nkwešago bohloko,
Le mahlo a ka ga a sa bona gabotse ka baka la batho ka moka bao ba ntlaišago.
8 Tlogang go nna lena batho ka moka bao ba tlwaetšego go dira dilo tše mpe,
Ka gobane Jehofa o tla nkwa ge ke lla.
9 Jehofa o tla nkwa ge ke mo kgopela gore a nthuše.
Jehofa o tla araba thapelo ya ka.
10 Manaba a ka ka moka a tla lewa ke dihlong le go nyama.
Gateetee a tla tšhaba a lewa ke dihlong.