Psalme
Koša ya Dafida.
110 Jehofa o boditše Morena wa ka a re:
“Dula ka letsogong la ka le letona
Go fihla ke dira gore o gatakele manaba a gago.”
2 Jehofa o tla dira gore pušo ya gago e gole go tloga Tsione go fihla mafelong a mangwe, gomme o tla re go wena:
“Buša gare ga manaba a gago.”
3 Batho ba gago ba tla ithaopa mohlang madira a gago a eya ntweng.
Sehlopha sa gago sa masogana se swana le phoka yeo e wago ka masa.
Se a kgahliša e bile ke se sekgethwa.
4 Jehofa o enne gomme a ka se fetoše monagano wa gagwe.
O itše:“O moperisita go ya go ile
Go swana le Melekitsedeke!”
5 Jehofa o tla ema ka letsogong la gago le letona.
O tla pšhatla dikgoši letšatšing leo a galefilego.
6 O tla ahlola ditšhaba,
A tlatša naga ka ditopo.
O tla pšhatlaganya moetapele yo a bušago naga e kgolo.*
7 O tla nwa meetse nokaneng yeo e lego ka thoko ga tsela.
Ka baka leo, o tla fenya.