Psalme
Ditaelo tšeo di yago go mohlahli. Koša ya Dafida.
139 Wena Jehofa, o tseba seo se lego pelong ya ka e bile o ntseba gabotse.
2 O ntseba ge ke dula fase le ge ke emelela.
O tseba dilo tšeo ke di naganago o le kgole.
3 O a ntšhetša ge ke tšea leeto le ge ke robala.
O tseba dilo ka moka tšeo ke di dirago.
4 Wena Jehofa o tseba dilo tšeo ke tlago go di bolela
Le pele nka di bolela.
5 Wena o ntšhireleditše ka mahlakoreng ka moka
E bile o a ntlhahla.
6 Wena o ntseba gabotse kudu,
E bile nna ga ke kgone go kwešiša seo.
7 Nka ya kae moo moya wa gago o ka se mphihlelelego?
Le gona nka ikuta kae moo o ka se mponego?
8 Ge ke be nka rotogela legodimong, o be o tla be o le gona moo.
Le gona, ge nkabe ke robetše Lebitleng* le gona moo o be o tla be o le gona.
9 Ge ke be nka fofela lefaufaung ka lebelo go swana le ge seetša sa masa se tšwelela,
Gore ke yo dula kgolekgole lewatleng,
10 Le gona moo o be o tla ntlhahla ka seatla sa gago,
E bile o be o tla nthekga ka seatla sa gago sa le letona.
11 Ge nka re: “Ruri nka se bonwe leswiswing!”
Gona leswiswi leo le be le tla fetoga seetša.
12 Gaešita le leswiswi le ka se go thibele gore o mpone,
Eupša go wena bošego bo tla phadima go swana le mosegare,
Go wena leswiswi le no swana le seetša.
14 Tsela yeo ke bopilwego ka yona e dira gore ke boife kudu gomme ke go rete.
Dilo tšeo o di dirilego di a makatša,
Ke tseba seo gabotse.
15 Marapo a ka a be a se a utega go wena
Ge o be o mpopa ka sephiring,
Ge ke be ke bopega ka popelong ya mma.
16 O mpone le pele ga ge nka belegwa,
O ngwadile ditho tša mmele wa ka ka pukung ya gago
Le matšatši ao di bego di tla bopega ka ona,
Le pele ga ge setee sa tšona se ka tšwelela.
17 Dilo tšeo o di naganago di tloga di le bohlokwa go nna!
Wena Modimo, ruri ke tše dintšhi kudu!
18 Ge ke re ke a di bala, di feta le santa yeo e lego lewatleng.
Nka di bala go fihlela go esa.*
19 Wena Modimo wa ka, ke kgopela gore o bolaye batho ba babe!
Ke moka batho ba sehlogo* ba ka se sa ba gona mo kgauswi le nna,
20 Bao ba bolelago dilo tše mpe ka wena ka boomo.
Ke manaba a gago ao a nyatšago leina la gago.
21 Wena Jehofa, na ga se ka hloya bao ba go hloilego?
Le go šišingwa bao ba lwago le wena?
22 Ke ba hloile kudu,
E bile ba fetogile manaba a ka.
23 Mphetleke o tsebe pelo ya ka, hle Modimo.
Ntlhahlobe gomme o tsebe dikgopolo tša ka tšeo di ntshwenyago.
24 Bona ge e ba go na le selo le ge e le sefe se sebe go nna,
Gomme o ntlhahle tseleng yeo e se nago mo e gomago gona.