Molaetša o Mobotse wo o Anegwago ke Mateo
Isaka ya ba tatago Jakobo;+
Peretse ya ba tatago Hetserone;+
Aminadaba ya ba tatago Nahashone;+
Boase ya ba tatago Obede ka Ruthe;+
Rehoboama ya ba tatago Abija;
Jehoshafate ya ba tatago Jehorama;+
Jehorama ya ba tatago Usia;
9 Usia ya ba tatago Jothama;
Amone+ ya ba tatago Josia;
11 Josia+ ya ba tatago Jekonia+ le bana babo nakong ya go išwa ga Bajuda bothopša Babilona.+
12 Ka morago ge ba le bothopša Babilona, Jekonia ya ba tatago Shealathiele;+
Abiudi ya ba tatago Eliakima;
Eliakima ya ba tatago Asoro;
14 Asoro ya ba tatago Tsadoko;
Tsadoko ya ba tatago Akima;
Akima ya ba tatago Eliudi;
15 Eliudi ya ba tatago Eleasara;
Eleasara ya ba tatago Mathane;
Mathane ya ba tatago Jakobo;
16 Jakobo ya ba tatago Josefa monna wa Maria yoo a belegego Jesu+ yo a bitšwago Kriste.+
17 Ka gona, meloko ka moka go tloga go Aborahama go fihla go Dafida e bile meloko e lesomenne, go tloga go Dafida go fihla nakong ya go išwa ga Bajuda bothopša Babilona ya ba meloko e lesomenne, go tloga nakong ya go išwa ga Bajuda bothopša Babilona go fihla go Kriste ya ba meloko e lesomenne.
18 Eupša matswalo a Jesu Kriste a bile ka tsela ye. Nakong yeo Maria mmagwe a bego a holofeditšwe+ lenyalo ke Josefa, o ile a hwetšwa a imišitšwe ke moya o mokgethwa+ pele ba nyalana. 19 Lega go le bjalo, Josefa monna wa gagwe, ka gobane o be a lokile gomme a sa nyake go mo dira sebogwa sa bohle,+ a ikemišetša go mo hlala+ ka sephiring. 20 Eupša ka morago ga ge a naganišišitše ka dilo tše, morongwa wa Jehofa a tšwelela go yena ka toro, a re: “Josefa, morwa wa Dafida, o se tšhabe go iša Maria mosadi wa gago gae, gobane seo a se imilego ke ka moya o mokgethwa.+ 21 Yena o tla belega morwa gomme leina la gagwe o mmitše Jesu,+ gobane o tla phološa+ batho ba gabo+ dibeng tša bona.”+ 22 Ge e le gabotse, se ka moka se diregile gore go phethagale seo se ilego sa bolelwa ke Jehofa+ ka moporofeta+ wa gagwe, ge a be a re: 23 “Tsebang gore kgarebe+ e tla ima ya belega morwa, leina la gagwe ba tla mmitša Imanuele,”+ yeo e bolelago gore, “Modimo o na le Rena.”+
24 Ke moka Josefa a tsoga borokong, a dira ka mo morongwa wa Jehofa a mo laetšego, a iša mosadi wa gagwe gae. 25 Eupša ga se a ka a robala+ le yena go fihla a belega morwa;+ leina la gagwe a mmitša Jesu.+