Jeremia

45 Ka ngwaga wa bone wa ge go buša Jehoyakima morwa wa Josia, kgoši ya Juda, Baruke morwa wa Neriya o ile a ngwala ka pukung dilo ka moka tšeo moporofeta Jeremia a bego a mmotša tšona. O ile a ngwala gore:

2 “Jehofa Modimo wa Isiraele o boletše ka wena Baruke a re: 3 ‘Wena o itše: “Ke wa madimabe, ka gobane gona bjale ke kwa bohloko, e bile Jehofa o dirile le gore ke nyame. Ke lapišitšwe ke go lla, e bile ga se ka hwetša le lefelo leo nka khutšago go lona.”’

4 “O mmotše o re: ‘Jehofa o re: “Tseba gore seo ke se agilego, ke a se phušola gomme seo ke se bjetšego, ke a se tumola. Ke tla dira se nageng ka moka. 5 Eupša ge e le wena, o duletše go inyakela dilo tše dikgolo. Tlogela go nyaka dilo tšeo.”’

Jehofa o re: “‘Ke tlo fediša batho ka moka kae le kae mo o ka yago gona, eupša wena ke tla phološa bophelo bja gago.’”