Psalme
137 Re ile ra dula dinokeng tša Babilona.
Ra lla ge re gopola Tsione.
3 Ka gobane batho bao ba re thopilego ba ile ba re kgopela gore re ba opelele koša,
Gomme bao ba bego ba re kwera ba be ba dira metlae ka rena ba re:
“Re opeleleng e nngwe ya dikopelo tša kua Tsione.”
4 Re ka opela bjang kopelo ya Jehofa
Nageng e šele?
5 Ge nka go lebala wena Jerusalema,
Gona anke seatla sa ka sa le letona se se kgone go dira selo.
6 Ge e ba nka go lebala,
Ge e ba nka se lebelele Jerusalema e le bohlokwa
Go feta dilo tšeo di nthabišago,
Gona leleme la ka le kgomarele molomo wa ka.
7 Hle Jehofa,
Gopola seo Baedomo ba se boletšego letšatšing leo Jerusalema e bego e fedišwa ka lona, ba be ba re:
“E phušoleng! E phušoleng go fihla metheong ya yona!”
8 Wena morwedi wa Babilona, yo a lego kgauswi le go fedišwa,
Go tla thaba motho yoo a tlago go go lefetša
Ka tsela yeo o bego o re tlaiša ka yona.
9 Go tla thaba yo a go tšeelago bana
Gomme a ba pšhatlaganya maswikeng.