Psalme
136 Lebogang Jehofa ka gobane o lokile,
Lerato la gagwe le le botegago le dula le le gona go ya go ile.
2 Lebogang Modimo yo a phagamego go feta medimo e mengwe ka moka,
Ka gobane lerato la gagwe le le botegago le dula le le gona go ya go ile.
3 Lebogang Morena wa marena,
Ka gobane lerato la gagwe le le botegago le dula le le gona go ya go ile.
4 Ke yena a nnoši a dirago dilo tše dikgolo tše di makatšago,
Ka gobane lerato la gagwe le le botegago le dula le le gona go ya go ile.
5 O dirile magodimo ka bohlale,
Ka gobane lerato la gagwe le le botegago le dula le le gona go ya go ile.
6 O adile lefase godimo ga meetse,
Ka gobane lerato la gagwe le le botegago le dula le le gona go ya go ile.
7 O dirile letšatši, ngwedi le dinaledi,*
Ka gobane lerato la gagwe le le botegago le dula le le gona go ya go ile.
8 O dirile gore letšatši le buše mosegare,
Ka gobane lerato la gagwe le le botegago le dula le le gona go ya go ile.
9 A dira gore ngwedi le dinaledi di buše bošego,
Ka gobane lerato la gagwe le le botegago le dula le le gona go ya go ile.
10 O bolaile maitšibulo a Egepeta,
Ka gobane lerato la gagwe le le botegago le dula le le gona go ya go ile.
11 O ntšhitše Baisiraele Egepeta,
Ka gobane lerato la gagwe le le botegago le dula le le gona go ya go ile.
12 O ba ntšhitše ka letsogo la gagwe le matla,
Ka gobane lerato la gagwe le le botegago le dula le le gona go ya go ile.
13 O arogantše Lewatle le Lehwibidu ka bogare,
Ka gobane lerato la gagwe le le botegago le dula le le gona go ya go ile.
14 O dirile gore Baisiraele ba fete gare ga lona,
Ka gobane lerato la gagwe le le botegago le dula le le gona go ya go ile.
15 O hlohloretše Farao le mašole a gagwe ka Lewatleng le Lehwibidu,
Ka gobane lerato la gagwe le le botegago le dula le le gona go ya go ile.
16 O hlahlile batho ba gagwe lešokeng,
Ka gobane lerato la gagwe le le botegago le dula le le gona go ya go ile.
17 O fentše dikgoši tše matla,
Ka gobane lerato la gagwe le le botegago le dula le le gona go ya go ile.
18 O bolaile dikgoši tše matla,
Ka gobane lerato la gagwe le le botegago le dula le le gona go ya go ile.
19 O bolaile Sihoni kgoši ya Baamore,
Ka gobane lerato la gagwe le le botegago le dula le le gona go ya go ile.
20 A bolaya le Ogo kgoši ya Bashani,
Ka gobane lerato la gagwe le le botegago le dula le le gona go ya go ile.
21 O tšere naga ya tšona a e nea batho ba gagwe gore e be bohwa bja bona,
Ka gobane lerato la gagwe le le botegago le dula le le gona go ya go ile,
22 Gore e be bohwa bja Isiraele mohlanka wa gagwe,
Ka gobane lerato la gagwe le le botegago le dula le le gona go ya go ile.
23 O ile a re gopola ge re be re nyamile,
Ka gobane lerato la gagwe le le botegago le dula le le gona go ya go ile.
24 O ile a dula a re phološa manabeng a rena,
Ka gobane lerato la gagwe le le botegago le dula le le gona go ya go ile.
25 O nea batho le diphoofolo dijo,
Ka gobane lerato la gagwe le le botegago le dula le le gona go ya go ile.
26 Lebogang Modimo wa magodimong,
Ka gobane lerato la gagwe le le botegago le dula le le gona go ya go ile.