Psalme
Ditaelo tšeo di yago go mohlahli. Koša ya Dafida.
13 O tla ntebala go fihla neng Jehofa? Na e tla ba go ya go ile?
O tla nkutela sefahlego sa gago go fihla neng?
2 Ke tla kgotlelela dilo tše go fihla neng,
Mola pelo ya ka e ekwa bohloko letšatši le letšatši?
Lenaba la ka le tla mphenya go fihla neng?
3 Hle Jehofa Modimo wa ka, ntebelele gomme o nkarabe.
Mphe matla e le gore ke se ke ka hwa,
4 E le gore lenaba la ka le se ke la re: “Ke mo fentše!”
O se ke wa dumelela manaba a ka a thabela gore ke fentšwe.
5 Ke kgodišegile gore o tla mpontšha lerato la gago le le botegago.
Pelo ya ka e tla thaba ge o mphološa.
6 Ke tla opelela Jehofa ka gobane o ntšhegofaditše kudu.