Psalme

 2 Anke re yeng pele ga gagwe re mo leboge,

A re goeletšeng gomme re mo opeleleng dikoša tša go mo tumiša.

 3 Ka gobane Jehofa ke Modimo yo mogolo,

E bile ke Kgoši e kgolo yeo e phagametšego medimo e mengwe ka moka.

 4 O buša dikarolo ka moka tša lefase,

Gomme dithaba tše ditelele ka moka ke tša gagwe.

 5 O dirile lewatle, gomme ke la gagwe.

O bopile lefase ka diatla tša gagwe.

 6 Etlang re iname gomme re rapele.

A re khunameng pele ga Jehofa Mmopi* wa rena.

 7 Ke Modimo wa rena,

Rena re batho ba gagwe.

O re hlokomela go swana le dinku tšeo di lego mafulong.

Ge e ba le ka theetša lentšu la gagwe lehono,

 8 Gona le se ke la ba le kgang go swana le borakgolokhukhu ba lena kua Meriba,

Le go swana le kua Masa nakong ya ge ba be ba le lešokeng,

 9 Ge borakgolokhukhu ba lena ba be ba nteka,

Ba ile ba gana go nkwa le ge ba bone mediro ya ka.

“Ke batho bao ba dulago ba timetšwa ke dipelo tša bona,

Ga ba latele ditsela tša ka.”