Psalme
Koša ya Maeto a go Rotoga.
123 Ke lebeletše go wena,
Wena yo a dulago magodimong.
2 Go etša ge bahlanka ba lebeletše go mong wa bona
Le go etša ge mohlanka wa ngwanenyana a lebeletše go mong wa gagwe wa mosadi,
Le rena re lebeletše go Jehofa Modimo wa rena
Go fihlela a re bontšha kgaugelo.
3 Re kwele bohloko, hle Jehofa, re kwele bohloko,
Gobane re nyaditšwe go feta tekano.
4 Batho bao ba ikgogomošago ba re kwerile o šoro,
E bile re nyaditšwe ke batho bao ba tšeelago ba bangwe fase.