Psalme
Ditaelo tšeo di yago go mohlahli: Diriša diletšo tša metato. Koša.
67 Modimo o tla re kwela bohloko a ba a re šegofatša
O tla re bontšha gore o a re amogela (Selah)
2 E le gore lefase ka moka le tsebe tsela yeo a dirišanago le batho ba gagwe ka yona,
Le gore ditšhaba ka moka di tsebe gore ke yena a phološago.
3 Anke ditšhaba di go rete, wena Modimo.
Anke ditšhaba ka moka di go rete.
4 Anke ditšhaba di goeletše di thabile,
Ka gobane o ahlola batho ka go loka.
O tla buša ditšhaba tšeo di lego lefaseng. (Selah)
5 Anke ditšhaba di go rete, wena Modimo.
Anke ditšhaba ka moka di go rete.
6 Lefase le tla tšweletša dienywa tša lona,
Gomme Modimo, yena Modimo wa rena, o tla re šegofatša.
7 Modimo o tla re šegofatša,
Gomme batho bao ba tšwago lefaseng ka moka ba tla mmoifa.