Puku ya Pele ya Dikoronika

25 Go oketša moo, Dafida le baetapele ba dihlopha tšeo di šomago tempeleng ba ile ba kgetha ba bangwe ba barwa ba Asafa, Hemane le Jeduthune gore ba tumiše Modimo le go porofeta ba letša diharepa, diletšo tša metato le disimbala. Banna bao ba bego ba kgethilwe go dira modiro wo ke ba ba latelago: 2 Go barwa ba Asafa e be e le Sakuri, Josefa, Nethania le Asharela, ba be ba hlahlwa ke tatago bona Asafa. Asafa o be a porofeta a laelwa ke kgoši. 3 Go Jeduthune, barwa ba Jeduthune e be e le ba tshelelago, bona e be e le: Gedalia, Tseri, Jeshaya, Shimei, Hashabia le Matitia. Ba be ba hlahlwa ke tatago bona Jeduthune yoo a bego a porofeta a diriša harepa, a leboga Jehofa e bile a mo reta. 4 Go Hemane, barwa ba Hemane e be e le: Bukia, Matania, Usiele, Shebuele, Jerimothe, Hanania, Hanani, Eliatha, Gidalathi, Romamiti-esere, Joshebekasha, Malothi, Hothiri le Mahasiothe. 5 Ba ka moka e be e le barwa ba Hemane, yoo a bego a bona dipono tšeo di nago le molaetša wo o tšwago go Modimo wa nnete gomme a di hlalosetša kgoši e le gore a tumiše Modimo.* Ka gona Modimo wa nnete o ile a fa Hemane barwa ba 14 le barwedi ba bararo. 6 Ba ka moka ba be ba hlahlwa ke tatago bona ge ba be ba opela ntlong ya Jehofa ba diriša disimbala, diletšo tša metato le diharepa ge ba hlankela ntlong ya Modimo wa nnete.

Asafa, Jeduthune le Hemane bona ba be ba hlahlwa ke kgoši.

7 Palo ya bona le banababo bona e be e le 288 (makgolopedi-masomeseswai-seswai). Ka moka ga bona ba be ba tlwaeleditšwe go opelela Jehofa e bile ka moka ga bona e be e le dikgwari. 8 Ba ile ba dira matengwa* e le gore ba abelane mešomo, ba latela taba ya gore yo mogolo a swarwe go swana le yo monyenyane gomme setsebi se swarwe go swana le moithuti.

9 Letengwa la pele le ile la tšwela morwa wa Asafa e lego Josefa, la bobedi la tšwela Gedalia (yena le banababo le barwa ba gagwe e be e le ba 12), 10 la boraro la tšwela Sakuri, barwa ba gagwe le banababo, ka moka ga bona e be e le ba 12, 11 la bone la tšwela Isiri, barwa ba gagwe le banababo, ka moka ga bona e be e le ba 12, 12 la bohlano la tšwela Nethania, barwa ba gagwe le banababo, ka moka ga bona e be e le ba 12, 13 la botshelela la tšwela Bukia, barwa ba gagwe le banababo, ka moka ga bona e be e le ba 12, 14 la bošupa la tšwela Jesharela, barwa ba gagwe le banababo, ka moka ga bona e be e le ba 12, 15 la boseswai la tšwela Jeshaya, barwa ba gagwe le banababo, ka moka ga bona e be e le ba 12, 16 la bosenyane la tšwela Matania, barwa ba gagwe le banababo, ka moka ga bona e be e le ba 12, 17 la bolesome la tšwela Shimei, barwa ba gagwe le banababo, ka moka ga bona e be e le ba 12, 18 la bo-11 la tšwela Asarele, barwa ba gagwe le banababo, ka moka ga bona e be e le ba 12, 19 la bo-12 la tšwela Hashabia, barwa ba gagwe le banababo, ka moka ga bona e be e le ba 12, 20 la bo-13 la tšwela Shubaele, barwa ba gagwe le banababo, ka moka ga bona e be e le ba 12, 21 la bo-14 la tšwela Matitia, barwa ba gagwe le banababo, ka moka ga bona e be e le ba 12, 22 la bo-15 la tšwela Jeremothe, barwa ba gagwe le banababo, ka moka ga bona e be e le ba 12, 23 la bo-16 la tšwela Hanania, barwa ba gagwe le banababo, ka moka ga bona e be e le ba 12, 24 la bo-17 la tšwela Joshebekasha, barwa ba gagwe le banababo, ka moka ga bona e be e le ba 12, 25 la bo-18 la tšwela Hanani, barwa ba gagwe le banababo, ka moka ga bona e be e le ba 12, 26 la bo-19 la tšwela Malothi, barwa ba gagwe le banababo, ka moka ga bona e be e le ba 12, 27 la bo-20 la tšwela Eliatha, barwa ba gagwe le banababo, ka moka ga bona e be e le ba 12, 28 la bo-21 la tšwela Hothiri, barwa ba gagwe le banababo, ka moka ga bona e be e le ba 12, 29 la bo-22 la tšwela Gidalathi, barwa ba gagwe le banababo, ka moka ga bona e be e le ba 12, 30 la bo-23 la tšwela Mahasiothe, barwa ba gagwe le banababo, ka moka ga bona e be e le ba 12, 31 la bo-24 la tšwela Romamiti-esere, barwa ba gagwe le banababo, ka moka ga bona e be e le ba 12.