Psalme
Koša ya Maeto a go Rotoga.
128 Go thaba yo mongwe le yo mongwe yo a boifago Jehofa,
Yo a sepelago ditseleng tša gagwe.
2 Ge o ka dira se, o tla ja seo o se šometšego ka thata.
O tla thaba gomme dilo di tla go sepelela gabotse.
3 Mosadi wa gago o tla atlega ka ntlong ya gago. O tla ba le bana ba bantšhi go swana le moterebe woo o enywago kudu.
Barwa ba gago ba tla tlala tafoleng ya gago go swana le mahlogedi ao a tletšego mohlareng wa mohlware.
4 Ye ke tsela yeo go tlago go šegofatšwa monna
Yo a boifago Jehofa.
5 Ge o ka dira se, Jehofa o tla go šegofatša a le Tsione.
Le gona, eka o ka bona ge Jerusalema e atlega matšatšing ohle a ge o sa phela,
6 Le gona eka o ka bona ditlogolo tša gago.
Anke go be le khutšo Isiraele.