Psalme
Ditaelo tšeo di yago go mohlahli: Diriša molodi wa Gitithe.* Koša ya barwa ba Kora.
84 Wena Jehofa wa Madira,
Ruri ke rata taberenakele ya gago e kgolo!
Ke go opelela ke thabile ka pelo ya ka moka le ka matla a ka ka moka.
3 Le dinonyana di ikhweleditše lefelo leo di ka dulago go lona ka ntlong ya gago.
Nonyana e nyenyane* le yona e itiretše sehlaga
Gore e hlokomele mafotwana a yona
Kgauswi le aletare ya gago e kgolo, wena Jehofa wa madira,
Kgoši ya ka le Modimo wa ka!
4 Ruri go thaba bao ba dulago ka ntlong ya gago!
Ba dula ba go tumiša. (Selah)
5 Go thaba batho bao ba hwetšago matla go wena,
Bao ba kganyogago go sepela tseleng yeo e yago ntlong ya gago.
6 Ge ba feta Moeding wo o bitšwago Baka,*
Ba be ba o bona eka ke lefelo leo le nago le meetse a mantšhi,
Gomme pula ya mathomo e be e nela lefelo leo kudu.
7 Ba tla tšwela pele ba sepela ba sa fele matla,
Yo mongwe le yo mongwe o tla ema pele ga Modimo kua Tsione.
8 Wena Jehofa Modimo wa madira, ekwa thapelo ya ka hle.
Ke kgopela o ntheetše hle Modimo wa Jakobo. (Selah)
10 Go fetša letšatši letee ke le ntlong ya gago go kaone kudu go feta go fetša matšatši a 1 000 (sekete) ke le lefelong le lengwe.
Ke kgetha go hlankela ke le mojakong wa ntlo ya Modimo wa ka
Go e na le go dula ditenteng tša batho ba babe.
11 Gobane Jehofa Modimo o swana le letšatši e bile o swana le kotse,
O na le kwelobohloko e bile o nea letago.
Batho bao ba hlokago bosodi
Jehofa a ka se ba time dilo tše dibotse.
12 Wena Jehofa wa madira,
Go thaba motho yo a ithekgago ka wena.