POTŠIŠO 16
O ka lebeletšana bjang le dipelaelo?
“Lahlela maima a gago go Jehofa, gomme yena o tla go thekga. Le ka mohla a ka se dumelele gore moloki a šišinyege.”
“Maano a motho yo mafolofolo a a mo hola, eupša mang le mang yo a akgofago o wela bohloking.”
“O se ke wa boifa gobane ke na le wena. O se ke wa lealea gobane ke Modimo wa gago. Ke tla go matlafatša. Ruri ke tla go thuša. Ruri ke tla go swara ka go tia ka seatla sa ka sa le letona sa toko.”
“Ke mang go lena yo ka go ba yo a belaelago, a ka oketšago tekanyo ya bophelo bja gagwe ganyenyane?”
“Ka gona le ka mohla le se ke la belaela ka letšatši le le latelago, gobane letšatši le le latelago le tla ba le dipelaelo tša lona. Letšatši le lengwe le le lengwe le lekanwe ke bošula bja lona.”
‘Kgonthišetša dilo tše bohlokwa kudu.’
“Le se ke la belaela ka selo, eupša dilong tšohle tsebišang Modimo dikgopelo tša lena ka thapelo le ka topo gotee le ka go leboga; ke moka khutšo ya Modimo yeo e fetago kwešišo yohle ya batho e tla diša dipelo tša lena le matla a lena a monagano ka Kriste Jesu.”