Kopelo 210
“Elang Hloko Dilo tša Bohlokwa bjo Bogolo”
(Ba-Filipi 1:10, NW)
1. Re hlankela Jehofa gobane re mo rata.
Lerato le bohlokwa
’me le tšwa go Jehofa.
A re godišeng lerato;
re ele hloko
Tša go loka le therešo.
’Me re hloke bosodi,
re phethe modiro’a Modimo.
2. Modim’o kgahlwa ke ge re laetša tebogo,
Re mo kwa re thabile
’me re bontšha potego.
Khutšo re e kganyelele
gomme re nee
Batho kholofelo Mmušong.
Ka go se ba kgopiše,
re keng re ba thuše tirelong.
3. Go thakga thuto ya Modimo ke ga bohlokwa.
A re ikokobetšeng,
re rate go eletšwa.
Re tlale ’enywa sa toko
le phišegelo
Ya tirelo ya Modimo.
Re tlo ba re ela hloko
tša bohlokwa bjo bogolo.