Go Theetša ga Bona Sathane go Bile le Mafelelo Afe?

Adama le Efa ga se ba ka ba kwa Modimo, ka gona ba ile ba hwa. Genesi 3:6, 23

Efa o ile a theetša noga gomme a ja se sengwe sa dienywa tšeo. Ka morago o ile a nea Adama gomme le yena a se ja.

Seo ba se dirilego se be se fošagetše​—e be e le sebe. Modimo o ile a ba raka legaeng la bona la Paradeise.

Bona le bana ba bona ba ile ba thatafalelwa ke bophelo. Ba ile ba tšofala gomme ba hwa. Ga se ba ka ba ya lefelong la moya; ba ile ba kgaotša go ba gona.

Bahu ga ba sa phela go fo swana le lerole. Genesi 3:19

Re a hwa ka gobane ka moka ga rena re tšwa go Adama le Efa. Bahu ga ba kgone go kwa, ga ba bone e bile ga ba kgone go dira selo le ge e le sefe.—Mmoledi 9:5, 10.

Jehofa o be a sa rerela batho gore ba hwe. Kgauswinyane o tla tsošetša bahu bophelong. Ge e ba ba mo theetša, ba tla phela ka mo go sa felego.