KOPELO 32
Dula o Botegela Jehofa
1. Re kile ra forwa ke lefase
Ka dithuto tša lona tša maaka;
Ra thaba ge re ekwa therešo
Ya Mmušo wa Modimo.
(KHORASE)
Ema le Jehofa, o tle o thabe.
A ka se go lahle, mo kgomarele.
Bolela ditaba tša tokologo
Tša pušo ya Kriste ye e holago.
2. Re tla hlankela Jah ka go thaba,
Ra ruta batho ka Mmušo wa Jah.
Ye ke nako ya go dira kgetho,
Ya go ema le Mmopi.
(KHORASE)
Ema le Jehofa, o tle o thabe.
A ka se go lahle, mo kgomarele.
Bolela ditaba tša tokologo
Tša pušo ya Kriste ye e holago.
3. Rena ga re tšhabe Diabolo,
Jehofa o tla re nea thušo.
Le ge manaba e le a mantši,
Rena re thekgwa ke Jah.
(KHORASE)
Ema le Jehofa, o tle o thabe.
A ka se go lahle, mo kgomarele.
Bolela ditaba tša tokologo
Tša pušo ya Kriste ye e holago.
(Bona le Ps. 94:14; Die. 3:5, 6; Baheb. 13:5.)