Ditsebišo

◼ Dipuku tše di sepedišwago ka April le May: Peeletšo ya Morokami ka moneelo wa R17,00 bakeng sa dikgatišo tša gabedi ka kgwedi. Dipeeletšo tša ngwaga bakeng sa dikgatišo tša gatee ka kgwedi le dipeeletšo tša dikgwedi tše tshelelago bakeng sa dikgatišo tša gabedi ka kgwedi ke R8,50. June: Motho yo a Phagamego Kudu yo a Kilego a Phela ka moneelo wa R8,00. July: Pukwana lege e le efe ya tše e ka dirišwa: ‘Bonang, Dilo ka Moka ke di Dira tše Mpsha,’ Meoya ya Bahu—Na e ka go Thuša Goba ya go Gobatša? Na ge e le Gabotse e Gona?, Mmušo Woo o Tlago go Tliša Paradeise Na Modimo Ruri o na le Taba le Rena?, Na o Swanetše go Dumela Boraro Botee?, goba Thabela Bophelo Lefaseng ka mo go sa Felego! ka moneelo wa disente tše 80 ka e tee.

◼ Go dirilwe ditokišo ka go Tataiso ea Sekolo e le go bea dipolelo le megato nakong. Phetogo e tee feela e kgolo, go matlakala 100 go ya go 102, e kgoma Sekolo sa Bodiredi sa Pušo ya Modimo, e dira gore tshepedišo e dumelelane le ditaelo tše di gatišitšwego tša Lenaneo la ngwaga le ngwaga la Sekolo sa Bodiredi sa Pušo ya Modimo. Puku ye e lokišitšwego ya Tataiso ea Sekolo gona bjale e hwetšagala ka Seisemane gomme e ka kgopelwa ke diphuthego ge e ba go nyakega.

◼ Go dirwa dithulaganyo tša lesolo la tšhemo e sa abjago go tloga ka August go ya go October 1993. Diphuthego ka moka di tla hwetša lengwalo le le nago le tsebišo e oketšegilego ge nako e dutše e e-ya.

◼ Diphuthego di swanetše go thoma go dira kgopelo ya 1993 Yearbook of Jehovah’s Witnesses dikgopelong tša tšona tša dipuku tša April. 1993 Yearbook e tla hwetšagala ka Segerika, Seisemane, Sejeremane, Sepotokisi le Setaliana. Di-Yearbook ke tšeo di otarwago go ya ka palo ya bao di ba swanetšego gomme di tla lefišwa akhaontong ya dipuku ka R2,80 ka e tee. Babulamadibogo ba ba bilego lelokelong lebakeng la ka godimo ga dikgwedi tše tshelelago ba ka hwetša kopi e sa lefelelwego yeo phuthego e ka kgopelago phokoletšo ya yona. Babulamadibogo ba ka hwetša dikopi tšeo di oketšegilego ka R1,40 ka e tee.

◼ Diphuthego di swanetše go thoma go otara di-bound volume tša The Watchtower le Awake! tša 1992. Di-bound volume di tla hwetšagala ka Segerika, Seisemane, Sepotokisi le Setaliana. Tefo ga se ya swanela go sepela le diotara ge e ba phuthego ya lena e e-na le akhaonto ya dipuku le Mokgatlo. Tše di tla lefišwa akhaontong ya phuthego ya dipuku. Tše di tla tšwelela e le “Back Ordered” go di-invoice tša phuthego go fihla ge di-volume di le gona gomme di romelwa. Diphuthego tšeo di nago le tlhaelelo diakhaontong tša tšona tša dipuku di swanetše go romela tšhelete gotee le diotara tša tšona. Di-bound volume tšeo di otarwa go ya ka palo ya bao di ba swanetšego gomme di tla lefišwa R17,00 ka e tee bakeng sa phuthego, batho bohle le babulamadibogo.

◼ Hle elang hloko gore go tla ba le koketšego ya ditheko dipukung tša rena ka moka go tloga ka June 1, 1993. Ka mohlala, tefo ya makasine e tla ba disente tše 80 kopi ka e tee bakeng sa bagoeledi le disente tše 40 bakeng di babulamadibogo. Diphuthego ka moka di tla hwetša dikopi tše di beilwego nakong tša Cost List tšeo di bontšhago ditefo tše difsa. Kopi e nngwe e bewe ka bjako letlapeng la ditsebišo. Re kgothaletša bohle gore ba itlwaelanye le ditheko tše difsa.

◼ Dikhasete tše Difsa tša Video Tšeo di Lego Gona:

Sepotokisi: Jehovah’s Witnesses—The Organization Behind the Name (phuthego le batho bohle: R45,00; babulamadibogo: R40,00).