Tsela Ya Go Hwetša Holo Ya Mmušo

Latelang megato ye ya mathomo ka go latelana:

Ikopanyeng le Molebeledi wa Lena wa Tikologo

Ahla-ahlang dikarolo tše di swanetšego go tšwa go Memorantamo wa Mokgatlo wa Diholo tša Mmušo.

Bulang pukwana ya panka bakeng sa sekhwama sa go aga ka leina la phuthego.

Kgethang Komiti ya tša Meago

Komiti ya tša Meago e bopja ke bagolo ba bararo goba ba go feta moo, go kgothaletšwa gore e be bao ba nago le phihlelo ya tša kgwebo/go aga.

Hwetšang (Ma)Lefelo Leo le Swanetšego, le Lego Gare Bakeng sa Bagoeledi ka Bontši

Tšeo di Nyakegago tša Lefelo:

Disekwere-mithara tše ±1 500; go kgothaletšwa gore e be lefelo le le lekanetšego; leo le hlaoletšwego tša bodumedi; phemang mafelo ao a nago le letsopa, mafsika le lešata le legolo.

Ikopanyeng le Komiti ya Lena ya tša Meago ya Tikologo Gomme le Kgethe Lefelo

Molebeledi wa lena wa tikologo o na le tsebišo ka botlalo mabapi le kamoo le ka ikopanyago le bona ka gona.

Hwetšang le go Ngwadiša Lefelo ka Leina la Phuthego ya Lena

Mohlala: Kyalami Central Congregation of Jehovah’s Witnesses. Le se ke la ngwadiša ka leina la Mokgatlo goba la motho.

Kgethang sehlopha sa bao ba ka botwago ka go dira setlamo. Kgopelang difomo go Mokgatlo.

Ngwalelang Mokgatlo le kgopele constitution ya mohlala.

Romelang kopi ya lena ya lengwalo la tumelelo (goba la bohlatse) la lefelo go Mokgatlo.

Hlahlobang Tšhelete Yeo e Lego Gona

Šetšang ntlha ya 15 ka go Memorantamo wa Diholo tša Mmušo.​—⁠Luka 14:⁠28.

Ikopanyeng le Komiti ya tša Meago ya Tikologo Gomme le Kgethe Polane ya Holo

E-bang le tsebišo ka moka yeo e nyakwago ke Komiti ya tša Meago ya Tikologo.

Ge e ba le nyaka thušo ya tša ditšhelete, kgopelang molebeledi wa lena wa tikologo goba Komiti ya tša Meago ya Tikologo fomo ya Kingdom Hall Loan Survey.

Romelang Kopi ya Polane ya Lena go Mokgatlo

Ge feela di dumeletšwe ke Mokgatlo, gona išang dipolane tša moago wa lena go babuši bakeng sa tumelelo.

Hwetšang Phemelo (Insurance) Pele ga ge le ka Epa Lefelong

Ngwalelang Mokgatlo mabapi le tša phemelo.

Komiti ya tša Meago ya Tikologo e tla le Hlahla Tseleng ka Moka . . .

Bagolo ba swanetše go dula ba le mafolofolo.

Dirišanang ka botlalo le Komiti ya tša Meago ya Tikologo modirong ka moka.

Dulang le tsebiša Mokgatlo ge moago wa lena o dutše o tšwela pele.