Diboka Tša Tirelo Tša November
Beke e Thomago ka November 7
10 mets: Ditsebišo tša phuthego le Ditsebišo tše di kgethilwego tše di tšwago go Tirelo ya Rena ya Mmušo. Bolela ntlha e tee goba tše pedi tšeo di ka bolelelwago makasineng o mongwe le o mongwe wa morago-rago tšeo di ka dirišwago ge di sepedišwa.
18 mets: “Lentšu la Modimo le na le Matla.” Dipotšišo le dikarabo. Akaretša ditlhaloso mabapi le bohlokwa bja go bala Beibele ka mehla, tše di theilwego ketapeleng ya Go Hlahloba Mangwalo ka Mehla—1994.
17 mets: “Beibele—Mothopo wa Khomotšo le Kholofelo Lefaseng le le Tlaletšwego.” Boledišana le batheetši. Rulaganyetša dipontšho tše pedi tše di bontšhago kamoo go ka dirišwago dithero tše di šišintšwego ka gona.
Kopelo 24 le thapelo ya go phetha.
Beke e Thomago ka November 14
10 mets: Ditsebišo tša phuthego. Ditaba tša Pušo ya Modimo. Bala pego ya tša ditšhelete le ditebogo lege e le dife tša meneelo.
17 mets: “Le Bontšha Moya wa Mohuta Mang?” Polelo. Akaretša ditlhaloso tše di tšwago tokollong ya The Watchtower ya June 15, 1977, letlakala 369, dirapa 4 le 5.
18 mets: “Ditsela tša go Kaonefatša Boboledi bja Rena bja Mmušo.” Dipotšišo le dikarabo. Laletša batheetši go anega diphihlelo tše di bontšhago kamoo ditšhišinyo tše di neilwego ka go Tirelo ya Rena ya Mmušo di dirišitšwego ka mafelelo a mabotse ka gona.
Kopelo 37 le thapelo ya go phetha.
Beke e Thomago ka November 21
12 mets: Ditsebišo tša phuthego. “Dikgopotšo tša Kopano ya Selete.” Boledišana le batheetši. Bontšha kamoo taba e šomago ka gona lefelong la geno.
15 mets: Tše di nyakegago tša phuthego. Goba polelo ka mogolo e theilwego go “Thabela Tirelo ya Gago e Kgethwa” tokollong ya Morokami ya September 1, 1994, letlakala 29.
18 mets: “Ba Thušeng Gore ‘ka Mohla o Mongwê’ ba kwe.” Boledišana le batheetši. E-ba le dipontšho tše pedi tše di lokišeditšwego gabotse tše di bontšhago kamoo Beibele e ka dirišwago ka gona ge go thongwa thuto.
Kopelo 52 le thapelo ya go phetha.
Beke e Thomago ka November 28
12 mets: Ditsebišo tša phuthego. Bontšha ditsela tša go sepediša dimakasine tša gona bjale. Boeletša sehlogo se se rego, “Dikgopotšo Tšeo di Lego Nakong” ka go Tirelo ya Rena ya Mmušo ya December 1993. Bohle ka phuthegong ba swanetše go lemoga go nyakega ga gore ba tšee karolo bodireding mathomong a December le go kgonthišetša gore ba tliša dipego tša bona pele ga ge ba ka ya maikhutšong goba kopanong. Baswari ba thuto ya puku ba swanetše go gopotša bohle dihlopheng tša bona ka se.
15 mets: “Ditšhegofatšo tše di Tlišwago ke go Šoma le ba Bangwe.” Dipotšišo le dikarabo. Kgothaletša bohle go thekga diboka tša tirelo ya tšhemo tše di rulagantšwego ke phuthego, go e na le go itirela dithulaganyo tša ka thoko ka mehla tša go tšwa ba nnoši. Go šoma le sehlopha go feleletša ka ditšhegofatšo tše di oketšegilego, tirelo e atlegago kudu le go kgothatšana.
18 mets: Go Sepediša Puku ya Motho yo a Phagamego ka December. Puku ye e nyakega kudu. Batho ba makgolo a dimilione ba ipolela gore ke balatedi ba Jesu e bile ba bolela gore ba dumela seo a se rutilego. Batho ba swanetše go tseba seo se mo kgetholotšego bathong ba bangwe ka moka—phologo ya bona e ithekgile ka gona. Puku ya Motho yo a Phagamego go kgaolo 133 e re: “Dipelo tša rena di kgomega kudu ge re naganišiša ka sebete sa gagwe se se boifišago le bonatla, bohlale bja gagwe bjo bo fetišišago, bokgoni bja gagwe bjo bogolo e le morutiši, boetapele bja gagwe bja go se boife, kgaugelo ya gagwe e borutho le kwelobohloko.” Beibele e mmitša gabotse e le (1) Hlatse (Joh. 18:37), (2) Mophološi (Dit. 4:12) le (3) Kgoši (Kut. 11:15, NW). Dira gore mogoeledi yo a nago le bokgoni a dire pontšho ya thero a diriša tše dingwe tša dintlha tše. Kgothaletša bohle go tšea karolo go abeng puku ye, pele ga ge ba ka ya maikhutšong goba kopanong ya bona ya selete.
Kopelo 61 le thapelo ya go phetha.